ಸಂಚಾರವೇ ಅಪಾಯಕಾರಿ: ಕಾವು ಅಶ್ವತ್ಥಡಿಯಿಂದ ಸಸ್ಪೇಟಿ-ಪಳನೀರು ಮೂಲಕವಾಗಿ ಈಶ್ವರಮಂಗಲ-ಪಳ್ಳತ್ತೂರು ಅಂತಾರಾಜ್ಯ ಸಂಪರ್ಕ ರಸ್ತೆಗೆ ಸಾಂತ್ಯದಲ್ಲಿ ಸಂಪರ್ಕ ಕಲ್ಪಿಸುವ ಸಸ್ಪೇಟಿ-ಪಳನೀರು ಹದಗೆಟ್ಟು ವಾಹನಗಳ ಸಂಚಾರಕ್ಕೆ ಸಮಸ್ಯೆಯಾಗಿದೆ. ರಸ್ತೆಯಲ್ಲಿ ನಡೆದುಕೊಂಡು ಹೋಗಲು ಕೂಡ ಕಷ್ಟಕರ ಸ್ಥಿತಿ ನಿರ್ಮಾಣವಾಗಿದೆ. ಇತ್ತೀಚಿನ ದಿನಗಳಲ್ಲಿ ಹಲವಾರು ದ್ವಿಚಕ್ರ ವಾಹನ ರಸ್ತೆ ಹೊಂಡಕ್ಕೆ ಬಿದ್ದು ಪಲ್ಟಿಯಾಗಿ ಸವಾರರು ಗಾಯಗೊಂಡ ಘಟನೆ ನಡೆದಿದೆ. ವಾಹನಗಳು ಚಲಿಸುವ ವೇಳೆ ಚಕ್ರದಡಿಗೆ ಸಿಲುಕಿದ ಜಲ್ಲಿ ಕಲ್ಲುಗಳು ನಡೆದುಕೊಂಡು ಹೋಗುವ ಮಂದಿಯ ಮೇಲೆ ಎಸೆಯಲ್ಪಡುತ್ತಿದ್ದು, ಈ ರಸ್ತೆಯಲ್ಲಿನ ಸಂಚಾರವೇ ಅಪಾಯಕಾರಿಯಾಗಿದೆ ಎಂದು ಸಸ್ಪೇಟಿ-ಪಳನೀರು ಭಾಗದ ನಿವಾಸಿಗಳು ಆರೋಪಿಸಿದ್ದಾರೆ.
