ಲಲಿತ್ ಮೋದಿ-ಸುಶ್ಮಿತಾ ಸೇನ್​ ಡೇಟಿಂಗ್​; ಸುಶ್ಮಿತಾ ತಂದೆ ಹೇಳಿದ್ದೇನು?

ಕೋಲ್ಕತ: ಐಪಿಎಲ್​ನ ಮಾಜಿ ಚೇರ್ಮನ್​ ಲಲಿತ್ ಮೋದಿ ಹಾಗೂ ಬಾಲಿವುಡ್ ನಟಿ ಸುಶ್ಮಿತಾ ಸೇನ್​ ಡೇಟಿಂಗ್ ವಿಚಾರ ನಿನ್ನೆಯಿಂದ ಭಾರಿ ಸದ್ದು ಮಾಡುತ್ತಿದ್ದು, ಆ ಕುರಿತು ನಟಿಯ ಮಾಜಿ ಪ್ರಿಯಕರ ಮಾತ್ರವಲ್ಲದೆ ಇದೀಗ ಆಕೆಯ ತಂದೆ ಕೂಡ ಪ್ರತಿಕ್ರಿಯೆ ನೀಡಿದ್ದಾರೆ.

ಸುಷ್ಮಿತಾ ಜತೆ ಹಲವು ವರ್ಷಗಳ ಕಾಲ ಡೇಟಿಂಗ್​ ನಡೆಸಿದ್ದ ರೊಹಮನ್​ ಶಾಲ್, ನಾವು ಅವರಿಗಾಗಿ ಸಂತೋಷವಾಗಿರೋಣ, ಪ್ರೀತಿ ಸುಂದರವಾಗಿದೆ, ಆಕೆ ಯಾರನ್ನಾದರು ಆರಿಸಿದ್ದರೆ ಅವರು ಯೋಗ್ಯನೇ ಆಗಿರುತ್ತಾನೆ ಎಂದಿದ್ದಾರೆ.

ಮತ್ತೊಂದೆಡೆ ಈ ಪ್ರಕರಣದ ಕುರಿತು ಪ್ರತಿಕ್ರಿಯೆ ನೀಡಿರುವ ಸುಶ್ಮಿತಾ ತಂದೆ, ಭಾರತೀಯ ವಾಯುಸೇನೆಯ ನಿವೃತ್ತ ಅಧಿಕಾರಿ ಷಬ್ಬೀರ್​ ಸೇನ್​, ಲಲಿತ್ ಮೋದಿ ಜತೆ ಪುತ್ರಿಯ ಡೇಟಿಂಗ್​ಗೆ ಸಂಬಂಧಿಸಿದಂತೆ ತನಗೇನೂ ವಿಷಯವೇ ಗೊತ್ತಿಲ್ಲ ಎಂಬುದಾಗಿ ಹೇಳಿದ್ದಾರೆ.

ಈ ಬೆಳವಣಿಗೆ ಕುರಿತು ನಂಗೆ ಯಾವುದೇ ಮಾಹಿತಿ ಇಲ್ಲ. ಇಂದು ಬೆಳಗ್ಗೆ ಪುತ್ರಿ ಜತೆ ಫೋನ್​ನಲ್ಲಿ ಮಾತನಾಡಿದ್ದೆ. ಆಕೆ ಈ ಕುರಿತು ಏನನ್ನೂ ಹೇಳಿಲ್ಲ. ಅದೊಂದು ಸಾಮಾನ್ಯ ಸಂಭಾಷಣೆ ಆಗಿತ್ತು ಮತ್ತು ಆ ಮಾತುಕತೆಯಲ್ಲಿ ಎಲ್ಲೂ ಲಲಿತ್ ಮೋದಿಯ ಪ್ರಸ್ತಾಪವಾಗಿಲ್ಲ ಎಂದು ಷಬ್ಬೀರ್​ ಹೇಳಿದ್ದಾರೆ.

ಅಂಥದ್ದೇನಾದರೂ ಆಗಿದ್ದರೆ ಅದು ನಿಜವಾಗಿಯೂ ನನ್ನ ಪುತ್ರಿಯ ಬದುಕಿನಲ್ಲಿ ಒಂದು ಮಹತ್ವದ ತಿರುವು. ಅದರ ಕುರಿತು ನನಗೆ ಮುಂದೆ ಗೊತ್ತಾಗುತ್ತದೆ. ಆದರೆ ಈಗಂತೂ ಆ ಬಗ್ಗೆ ಯಾವುದೇ ಮಾಹಿತಿ ಇಲ್ಲ ಎಂದು ಹೇಳಿರುವ ಷಬ್ಬೀರ್, ಲಲಿತ್ ಮೋದಿ ಟ್ವೀಟ್​ ಬಗ್ಗೆ ಮಾಧ್ಯಮದವರಿಂದಾಗಿ ತಿಳಿಯಿತು ಎಂದಿದ್ದಾರೆ.

https://www.vijayavani.net/strong-opposition-by-public-against-latest-order-of-gok/

https://www.vijayavani.net/woman-willingly-staying-with-man-cant-file-rape-case-if-relationship-turns-sour/

https://www.vijayavani.net/heart-attack-while-driving-engineer-died/