'ಲಾಲೂ ಯಾದವ್ ತೋರಿಸಿಯೇ ಬಿಟ್ರು ತಮ್ಮ ಅಸಲೀ ಮುಖವನ್ನ'!

ಪಟನಾ: ಬಿಹಾರದಲ್ಲಿ ಇತ್ತೀಚೆಗಷ್ಟೇ ರಚನೆಯಾದ ಎನ್​ಡಿಎ ಸರ್ಕಾರವನ್ನು ಪತನಗೊಳಿಸುವುದಕ್ಕೆ ಲಾಲು ಯಾದವ್ ಪ್ರಯತ್ನಿಸುತ್ತಿದ್ದಾರೆ. ಅವರು ಸೆರೆವಾಸದಲ್ಲಿದ್ರೂ ಅಲ್ಲಿಂದಲೇ ರಾಜಕೀಯ ಶುರುಮಾಡಿದ್ದು, ಮಗನನ್ನು ಮುಖ್ಯಮಂತ್ರಿಯನ್ನಾಗಿಸುವ ಚಿಂತನೆಯಲ್ಲಿದ್ದಾರೆ ಎಂಬ ಮಾತುಗಳು ಕೇಳಬಂದಿದೆ. ಇದಕ್ಕಾಗಿ ಅವರು ನೇರವಾಗಿ ಕಣಕ್ಕೆ ಇಳಿದಿದ್ದು, ಎನ್​ಡಿಎ ಶಾಸಕರ ಜತೆಗೆ ವ್ಯವಹಾರ ಕುದುರಿಸುವ ಪ್ರಯತ್ನ ಮಾಡುತ್ತಿದ್ದಾರೆ ಎಂದು ಎಂದು ಸುಶೀಲ್ ಕುಮಾರ್ ಮೋದಿ ನಿನ್ನೆ ಆರೋಪಿಸಿದ್ದರು.

ಈ ಸಂಬಂಧ ಟ್ವೀಟ್ ಕೂಡ ಮಾಡಿದ್ದ ಸುಶೀಲ್ ಮೋದಿ, ತಾವು ಲಾಲು ಜತೆಗೆ ಮಾತನಾಡಿದ ಫೋನ್ ನಂಬರ್​ ಅನ್ನು ಕೂಡ ಬಹಿರಂಗಪಡಿಸಿದ್ದಾರೆ. ಇದರ ಮುಂದುವರಿದ ಭಾಗವಾಗಿ ಇಂದು ಸುಶೀಲ್ ಮೋದಿ ಅವರು, ಲಾಲೂ ಯಾದವ್​ ತಮ್ಮ ಅಸಲೀಯತ್ತನ್ನು ತೋರಿಸಿದ್ರು ಎಂಬ ಶೀರ್ಷಿಕೆಯೊಂದಿಗೆ ಆಡಿಯೋ ಒಂದನ್ನು ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ: ಆಸೀಸ್ ಪ್ರವಾಸದ ಮೊದಲ 2 ಟೆಸ್ಟ್‌ನಿಂದ ರೋಹಿತ್, ಇಶಾಂತ್ ಶರ್ಮ ಔಟ್

ಇದು ರಾಜಕೀಯವಾಗಿ ಭಾರಿ ಸಂಚಲನ ಸೃಷ್ಟಿಸಿದ್ದು, ಅದರಲ್ಲಿ ಲಾಲು ಯಾದವ್ ತಮ್ಮ ಪಿಎ ಮೂಲಕ ಎನ್​ಡಿಎ ಶಾಸಕರನ್ನು ಸಂಪರ್ಕಿಸಿ ವಿಧಾನ ಸಭಾ ಸ್ಪೀಕರ್ ಸ್ಥಾನಕ್ಕೆ ನಡೆಯುವ ಚುನಾವಣೆಯಲ್ಲಿ ಮಹಾಗಟಬಂಧನ್ ಅಭ್ಯರ್ಥಿಯನ್ನು ಬೆಂಬಲಿಸುವಂತೆ ಕೇಳುವ ಮಾತುಗಳು ದಾಖಲಾಗಿವೆ. ಇದರ ಸಾರವನ್ನೆ ಸುಶೀಲ್ ಮೋದಿ ಟ್ವೀಟ್ ನಲ್ಲೂ ಉಲ್ಲೇಖಿಸಿದ್ದಾರೆ. ಆದಾಗ್ಯೂ, ಈ ಆಡಿಯೋ ಬಗ್ಗೆ ಅಥವಾ ಸುಶೀಲ್ ಮೋದಿ ಅವರ ಟ್ವೀಟ್ ಬಗ್ಗೆ ಲಾಲು ಯಾದವ್ ಅಥವಾ ಆರ್​ಜೆಡಿ ಇನ್ನೂ ಪ್ರತಿಕ್ರಿಯಿಸಿಲ್ಲ. (ಏಜೆನ್ಸೀಸ್)

https://www.vijayavani.net/lalu-trying-to-poach-nda-mlas-in-bihar-alleges-sushil-modi/