VIDEO: ಸುಶಾಂತ್​ ಸಿಂಗ್​ರ ಅನ್​ಸೀನ್​ ವಿಡಿಯೋಗಳು ವೈರಲ್​; ನೋಡಿದರೆ ಶಾಕ್​ ಆಗದೆ ಇರದು !

ಮುಂಬೈ: ಸುಶಾಂತ್​ ಸಿಂಗ್ ಮೃತಪಟ್ಟು ಮೂರು ತಿಂಗಳಾಯಿತು. ಅವರ ಗೆಳತಿ ರಿಯಾ ಚರ್ಕವರ್ತಿಯನ್ನು ನಿನ್ನೆ ಎನ್​ಸಿಬಿ ಬಂಧಿಸಿದೆ. ಅದರ ಬೆನ್ನಲ್ಲೇ ಸುಶಾಂತ್​ ಸಿಂಗ್​ ಅವರ ಎರಡು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟೆ ವೈರಲ್​ ಆಗುತ್ತಿದ್ದು, ಅವುಗಳನ್ನು ನೋಡಿದರೆ ಕಸಿವಿಸಿ ಆಗುತ್ತದೆ.

ಈ ವಿಡಿಯೋಗಳನ್ನು ಚಿತ್ರೀಕರಿಸಿದ್ದು ರಿಯಾ ಚಕ್ರವರ್ತಿ ಎನ್ನಲಾಗಿದೆ. ಅದರಲ್ಲಿ ರಿಯಾ ಮಾತನಾಡುವುದು ಕೇಳುತ್ತದೆ. ಹಾಗೇ ಸುಶಾಂತ್​ ಅವರ ಮುಖದ ಭಾವ, ಹಾವ ಭಾವಗಳನ್ನು ನೋಡಿದರೆ ಸುಶಾಂತ್​ರ ಮಾನಸಿಕ ಮತ್ತು ದೈಹಿಕ ಆರೋಗ್ಯದ ಬಗ್ಗೆ ಸಂಶಯ ಮೂಡದೆ ಇರದು.

ವಿಡಿಯೋ ನ್ಯೂಸ್​ಗಳನ್ನು ಝೀ ನ್ಯೂಸ್​ ವೈರಲ್​ ಮಾಡಿದೆ. ಒಂದು ವಿಡಿಯೋದಲ್ಲಿ ಸುಶಾಂತ್​ ಸಿಂಗ್​ ಯಾವುದೋ ಪುಸ್ತಕ ಹಿಡಿದುಕೊಂಡು ಮಲಗಿದ್ದಾರೆ. ಅಲ್ಲಿಗೆ ಬಂದ ರಿಯಾ ಚಕ್ರವರ್ತಿ ಅದೇನು ಎಂದು ಕೇಳುತ್ತಾರೆ. ಸುಶಾಂತ್​ ಪುಸ್ತಕವನ್ನು ತೋರಿಸುತ್ತಾರೆ. ನಂತರ ಇಬ್ಬರೂ ಲ್ಯುಡೋ ಆಟದ ಬಗ್ಗೆ ಚರ್ಚಿಸುತ್ತಾರೆ. ಇದನ್ನೂ ಓದಿ: ಕೊನೆಗೂ ಎನ್​ಸಿಬಿ ಅಧಿಕಾರಿಗಳ ಎದುರು ಸತ್ಯ ಬಾಯ್ಬಿಟ್ಟ ಸುಶಾಂತ್​ ಗೆಳತಿ ರಿಯಾ ಚಕ್ರವರ್ತಿ

ಹಾಗೇ ಮತ್ತೊಂದು ವಿಡಿಯೋದಲ್ಲಿ ಸುಶಾಂತ್​ ಸೋಫಾದ ಕೈ ಮೇಲೆ ಕುಳಿತಿರುತ್ತಾರೆ. ಅವರನ್ನು ವಿಡಿಯೋ ಮಾಡಿದ ರಿಯಾ, ನೀನಿವತ್ತು ತುಂಬ ಮುದ್ದಾಗಿ ಕಾಣಿಸುತ್ತಿದ್ದೀಯಾ ಎಂದು ಸುಶಾಂತ್​ಗೆ ಹೇಳುತ್ತಾರೆ. ಆಗ ಅವರು ನಾಚಿಕೊಂಡು, ಮುಖವನ್ನು ತಿರುಗಿಸಿ ಕುಳಿತುಕೊಳ್ಳುತ್ತಾರೆ. ಹಾಗೇ ಅಲ್ಲಿಯೇ ಇದ್ದ ಇನ್ನೋರ್ವರು ಯಾರೋ, ನೀನು ನಿನ್ನ ಔಷಧಿಗಳನ್ನು ತೆಗೆದುಕೊಂಡಿದ್ದೀಯಾ ಎಂದು ಪ್ರಶ್ನಿಸುತ್ತಾರೆ. ಅದಕ್ಕೆ ಸುಶಾಂತ್​ ಸಿಂಗ್​ ಸೇವಿಸಿಯಾಗಿದೆ ಎಂದು ಹೇಳುತ್ತಾರೆ. ಆದರೆ ರಿಯಾ, ಎಲ್ಲಿ? ನಾನು ಬೆಳಗ್ಗೆ ಕೊಟ್ಟಿದ್ದಷ್ಟೇ, ಆಮೇಲೆ ಮೆಡಿಸಿನ್​ ತೆಗೆದುಕೊಂಡಿಲ್ಲ ಎಂದು ಹೇಳುತ್ತಾರೆ. ಇವೆರಡೂ ವಿಡಿಯೋಗಳನ್ನು 2020ರ ಫೆಬ್ರವರಿಯಲ್ಲಿ ಚಿತ್ರೀಕರಿಸಲಾಗಿದೆ ಎಂದು ತಿಳಿದುಬಂದಿದೆ.  ಇದನ್ನೂ ಓದಿ: ಜಿಂದಾಲ್ ಅಧಿಕಾರಿಗಳ ಮುಖವಾಡ ಧರಿಸಿ ಭಿಕ್ಷಾಟನೆ ನಡೆಸಿದ ಅಣ್ಣಾ ಫೌಂಡೇಷನ್ ಅಧ್ಯಕ್ಷ ರಾಜಶೇಖರ ಮುಲಾಲಿ

ಸುಶಾಂತ್​ ಸಿಂಗ್​ ರಜಪೂತ್​ ಮತ್ತು ಲಿವ್​ ಇನ್​ ರಿಲೇಶನ್​ ಶಿಪ್​​ನಲ್ಲಿ ಇದ್ದವರು. ಜೂ.14ರಂದು ಸುಶಾಂತ್​ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಆದರೆ ತನ್ನ ಮಗ ಆತ್ಮಹತ್ಯೆ ಮಾಡಿಕೊಳ್ಳಲು ರಿಯಾ ಕಾರಣ. ಅವಳೇ ಪ್ರಚೋದನೆ ಕೊಟ್ಟಿದ್ದಾಳೆ ಎಂದು ಆರೋಪಿಸಿ ಪೊಲೀಸರಿಗೆ ದೂರು ನೀಡಿದ್ದರು. ಅದಾದ ನಂತರ ಮಾದಕ ದ್ರವ್ಯದ ನಂಟು ಸುತ್ತಿಕೊಂಡಿತು. ಸ್ವತಃ ರಿಯಾ ಚಕ್ರವರ್ತಿಯೇ ತಾನು ಸುಶಾಂತ್​ಗೆ ಡ್ರಗ್ಸ್​ ನೀಡುತ್ತಿದ್ದೆ ಎಂದು ಒಪ್ಪಿಕೊಂಡಿದ್ದಾರೆ. ಸದ್ಯ ಎನ್​ಸಿಬಿ ಅವರನ್ನು ಬಂಧಿಸಿದೆ.

ಹಾಗೇ ಸಿಬಿಐ ಮತ್ತು ಇಡಿ ತನಿಖಾ ದಳಗಳು ಕೂಡ ಇನ್ನೊಂದು ಆಯಾಮದಲ್ಲಿ ತನಿಖೆ ನಡೆಸುತ್ತಿವೆ.

ಸುಶಾಂತ್​ ಸಿಂಗ್​ ಮಾನಸಿಕ ಸ್ಥಿತಿ ಸರಿ ಇರಲಿಲ್ಲ ಎಂಬುದು ಈಗಾಗಲೇ ಬೆಳಕಿಗೆ ಬಂದ ವಿಚಾರ. ಆದರೆ ಈ ವಿಡಿಯೋಗಳನ್ನು ನೋಡಿದರೆ ಎಲ್ಲವೂ ಸರಿ ಇರಲಿಲ್ಲ ಎಂಬುದು ಸ್ಪಷ್ಟವಾಗುವುದಂತೂ ಸತ್ಯ.(ಏಜೆನ್ಸೀಸ್​)