ರೈತನಿಂದ ಲಂಚ ಪಡೆಯುತ್ತಿದ್ದ ವೇಳೆ ಲೋಕಾಯುಕ್ತರ ದಾಳಿ; ರೆಡ್​ಹ್ಯಾಂಡ್​ ಆಗಿ ಸಿಕ್ಕಿಬಿದ್ದ ಸರ್ವೇಯರ್​​

ವಿಜಯಪುರ: ತಾತ್ಕಾಲಿಕವಾಗಿ ಪೋಡಿ ಮಾಡಿಸಲು ಬಂದ ರೈತನಿಂದ ಲಂಚ ಸ್ವೀಕರಿಸುತ್ತಿದ್ದ ವೇಳೆ ಸರ್ವೇಯರ್, ಲೋಕಾಯುಕ್ತರ ಬಲೆಗೆ ರೆಡ್​ಹ್ಯಾಂಡ್​ ಆಗಿ ಸಿಕ್ಕಿಬಿದ್ದಿದ್ದಾರೆ. ಈ ಘಟನೆ ವಿಜಯಪುರ ಜಿಲ್ಲೆಯ ಸಿಂದಗಿ ಪಟ್ಟಣದಲ್ಲಿ ನಡೆದಿದೆ.

ಸಿಂದಗಿಯ ಸರ್ವೇಯರ್ ಸುರೇಶ ಮಾಳಿ ಬಳಿ ತನ್ನ ಜಮೀನಿಗೆ ತಾತ್ಕಾಲಿಕ ಪೋಡಿ ಮಾಡಿಸಿ ಕೊಡುವಂತೆ ಆಲಮೇಲ ಪಟ್ಟಣದ ರೈತರೊಬ್ಬರು ಬಂದಿದ್ದರು. ಈ ವೇಳೆ ಸರ್ವೇಯರ್ ರೈತನ ಬಳಿ ಸುಮಾರು 28 ಸಾವಿರ ಲಂಚಕ್ಕೆ ಬೇಡಿಕೆ ಇಟ್ಟಿದ್ದು, ಈಗಾಗಲೇ ಮುಂಗಡವಾಗಿ 18 ಸಾವಿರ ರೂ.ಗಳನ್ನು ಪಡೆದಿಕೊಂಡಿದ್ದರು. ಮಂಗಳವಾರ (ನ.1) ರೈತನಿಂದ ಬಾಕಿ ಉಳಿದ 10 ಸಾವಿರ ರೂ.ಗಳನ್ನು ಪಡೆಯುವ ವೇಳೆ ಲೋಕಾಯುಕ್ತ ಬಲೆಗೆ ಸರ್ವೇಯರ್​​ ಸಿಕ್ಕಿಬಿದ್ದಿದ್ದಾರೆ.

ಲೋಕಾಯುಕ್ತ ಎಸ್​.ಪಿ. ಅನಿತಾ ಹದ್ದನ್ನವರ್​ ನೇತೃತ್ವದಲ್ಲಿ ಲೋಕಾಯುಕ್ತ ದಾಳಿ ನಡೆದಿದ್ದು, ಈ ಕಾರ್ಯಾಚರಣೆಯಲ್ಲಿ ಡಿವೈಎಸ್​ಪಿ ಅರುಣ ನಾಯಕ, ಇನ್ಸ್​​ಪೆಕ್ಟರ್ ಆನಂದ ಠಕ್ಕಣ್ಣನವರ ಹಾಗೂ ಸಿಬ್ಬಂದಿಗಳು ಪಾಲ್ಗೊಂಡಿದ್ದರು. ಸಾಕ್ಷಿ ಸಮೇತವಾಗಿ ಸಿಕ್ಕಿಬಿದ್ದ ಸರ್ವೇಯರ್​​ ಇದೀಗ ಪೊಲೀಸರ ಅತಿಥಿಯಾಗಿದ್ದಾರೆ.

https://www.vijayavani.net/rajinikanth-came-bangalore-today-to-attend-the-karnatakaratna-award-funtion/

https://www.vijayavani.net/farmers-fish-lake-in-kolar/

https://www.vijayavani.net/rambha-and-her-children-injured-in-car-accident-in-canada-actor-asks-fans-to-pray-for-daughter-sasha/