ಮೆಗಾ ಹರಾಜಿನಲ್ಲಿ ಈತ 25-30 ಕೋಟಿ ರೂ. ಪಡೆಯುವುದು ಪಕ್ಕಾ; ಯುವ ಸ್ಟಾರ್​ ಆಟಗಾರನ ಕುರಿತು ಭವಿಷ್ಯ ನುಡಿದ Suresh Raina

ನವದೆಹಲಿ: 2025ರಲ್ಲಿ ನಡೆಯಲಿರುವ 18ನೇ ಆವೃತ್ತಿಯ ಐಪಿಎಲ್​ಗೆ ಮುನ್ನುಡಿ ಎಂಬಂತೆ ನವೆಂಬರ್​ 24-25ರಂದು ಮೆಗಾ ಹರಾಜು ಪ್ರಕ್ರಿಯೆ ನಡೆಯಲಿದ್ದು, ಕ್ರೀಡಾಭಿಮಾನಿಗಳು ಭಾರೀ ನಿರೀಕ್ಷೆಯನ್ನು ಇಟ್ಟುಕೊಂಡಿದ್ಧಾರೆ. ಸೌದಿ ಅರೇಬಿಯಾದ ಜೆದ್ದಾದಲ್ಲಿ ಜರುಗಲಿರುವ ಈ ಹರಾಜು ಪ್ರಕ್ರಿಯೆಯಲ್ಲಿ 574 ಆಟಗಾರರು ತಮ್ಮ ಹೆಸರನ್ನು ನೋಂದಾಯಿಸಿಕೊಂಡಿದ್ದು, ಇದರಲ್ಲಿ ರಿಷಭ್​ ಪಂತ್​ (Rishabh Pant), ಕೆ.ಎಲ್. ರಾಹುಲ್ (KL Rahul),​ ಸೇರಿದಂತೆ ಅನೇಕ ಆಟಗಾರರು ಹರಾಜಿನಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಭಾರೀ ಬೆಲೆ ಪಡೆಯುವ ನಿರೀಕ್ಷೆ ಇದೆ.

ಇನ್ನೂ ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ನಾಯಕರಾಗಿದ್ದ ರಿಷಭ್​ ಪಂತ್​ (Rishabh Pant) ಕೂಡ ಮೆಗಾ ಹರಾಜಿನಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಫ್ರಾಂಚೈಸಿಗಳು ರಿಷಭ್​ ಮೇಲೆ ಕಣ್ಣಿಟ್ಟಿವೆ.  2 ಕೋಟಿ ರೂ. ಮೂಲ ಬೆಲೆಯೊಂದಿಗೆ ಕಾಣಿಸಿಕೊಂಡಿರುವ ಪಂತ್ ಎರಡಂಕಿ ಕೋಟಿಯೊಂದಿಗೆ ಹರಾಜಾಗುವುದು ಖಚಿತ ಎಂದು ಕ್ರೀಡಾ ಪಂಡಿತರು ಭವಿಷ್ಯ ನುಡಿಯುತ್ತಿದ್ದು, ಈ ಬಗ್ಗೆ ಮಾಜಿ ಕ್ರಿಕೆಟಿಗ ಸುರೇಶ್​ ರೈನಾ (Suresh Raina) ಮಾತನಾಡಿದ್ದಾರೆ.

ಖಾಸಗಿ ಸುದ್ದಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಈ ಬಗ್ಗೆ ಮಾತನಾಡಿರುವ ಸುರೇಶ್​ ರೈನಾ, ರಿಷಭ್​ ನಾಯಕತ್ವದ ಅನುಭವ, ಬ್ಯಾಟಿಂಗ್​ ಹಾಗೂ ಫೀಲ್ಡಿಂಗ್​ ಗುಣಗಳನ್ನು ನೋಡಿದರೆ ಫ್ರಾಂಚೈಸಿಗಳ ನಡುವೆ ಹರಾಜಿನಲ್ಲಿ ಪೈಪೋಠಿ ಏರ್ಪಡುವುದು ಸಹಜ. ನನ್ನ ಪ್ರಕಾರ ಆತ 25-30 ಕೋಟಿ ರೂ ಮೊತ್ತಕ್ಕೆ ಮಾರಾಟವಾಗಲಿದ್ದಾನೆ.