ಕರ್ನಾಟಕದಲ್ಲಿ ಕಮಲ್​​ 'ಥಗ್​ ಲೈಫ್'​ ಬಿಡುಗಡೆಗೆ 'ಸುಪ್ರೀಂ' ಅಸ್ತು! ಇಷ್ಟವಿಲ್ಲದಿದ್ರೆ ಚಿತ್ರ ನೋಡಬೇಡಿ ಎಂದ ಕೋರ್ಟ್​ | Thug Life

Thug Life Controversy: ಜೂ.03ರಂದು ತಮಿಳು ನಟ ಕಮಲ್ ಹಾಸನ್ (Kamal Haasan) ತಮ್ಮ ಸಿನಿಮಾ ‘ಥಗ್​ ಲೈಫ್’​ ಚಿತ್ರ ಕರ್ನಾಟಕದಲ್ಲಿ ಬಿಡುಗಡೆಗೊಳಿಸಲು ಅನುಮತಿ ಕೋರಿ ಸಲ್ಲಿಸಿದ್ದ ಅರ್ಜಿ ವಿಚಾರಣೆ ನಡೆಸಿದ್ದ ಹೈಕೋರ್ಟ್​, ನಟನನ್ನು ಹಿಗ್ಗಾಮುಗ್ಗಾ ಜಾಡಿಸಿ, ರಾಜ್ಯದಲ್ಲಿ ಚಿತ್ರ ರಿಲೀಸ್​ಗೆ​​ ತಡೆ ನೀಡಿತ್ತು. ಈ ಪ್ರಕರಣ ಸುಪ್ರೀಂ ಕೋರ್ಟ್​ ಮೆಟ್ಟಿಲೇರಿದ್ದು, ಇದೀಗ ನ್ಯಾಯಾಲಯ ನಟನ ಪರ ಆದೇಶ ಹೊರಡಿಸಿದೆ.

ಇದನ್ನೂ ಓದಿ: ಮಿಂಚಿ ಹೋದ ಕಾಲಕ್ಕೆ ಚಿಂತಿಸಿ ಫಲವಿಲ್ಲ! ಸಂಘರ್ಷದ ಬೆನ್ನಲ್ಲೇ ಇರಾನ್​ಗೆ ಟ್ರಂಪ್​ ಎಚ್ಚರಿಕೆಯ ಗಂಟೆ | Trump

ಇಂದು ಅರ್ಜಿ ವಿಚಾರಣೆ ನಡೆಸಿದ ನ್ಯಾಯಾಲಯ, ಚಿತ್ರ ಬಿಡುಗಡೆಗೆ ತಡೆ ಹೇರುವುದು ಸರಿಯಲ್ಲ. ನೆಲದ ಕಾನೂನು ಎತ್ತಿಹಿಡಿಯುವುದು ಮುಖ್ಯ. ಕ್ಷಮೆ ಕೇಳಿ ಎಂದು ಒತ್ತಾಯಿಸುವುದು ಕೂಡ ಸರಿಯಲ್ಲ. ಸಿನಿಮಾ ನೋಡಲು ಇಷ್ಟವಿಲ್ಲ ಎಂದಾದರೆ ನೋಡಬೇಡಿ ಎಂದು ಸುಪ್ರೀಂಕೋರ್ಟ್​ನ ಜಸ್ಟೀಸ್ ಮನಮೋಹನ್, ಜೆ. ಭುಯನ್ ಅವರನ್ನೊಳಗೊಂಡ ಪೀಠವು ಆದೇಶ ನೀಡಿದೆ.

ಜನರು ಬಂದು ಘೇರಾವ್ ಮಾಡ್ತೇವೆ ಎಂದು ಹೇಳಿದರು ಎಂಬ ಕಾರಣಕ್ಕೆ ಚಿತ್ರದ ಬಿಡುಗಡೆಗೆ ತಡೆ ಹೇರಬಾರದು. ರಿಲೀಸ್​ ಮಾಡಲು ಮುಂದಾದರೆ ಸಿನಿಮಾ ಹಾಲ್ ಸುಡುತ್ತೇವೆ ಎಂದಿದ್ದಕ್ಕೆ ಸಿನಿಮಾ ಬಿಡುಗಡೆ ನಿಲ್ಲಿಸಬಾರದು. ಸಿಬಿಎಫ್‌ಸಿ ಸರ್ಟೀಫಿಕೇಟ್ ಆಧಾರದ ಮೇರೆಗೆ ಸಿನಿಮಾ ಬಿಡುಗಡೆ ಮಾಡಬಹುದು ಎಂದು ಸುಪ್ರೀಂಕೋರ್ಟ್​ ಹೇಳಿದೆ. ಈ ಮೂಲಕ ಕರ್ನಾಟಕದಲ್ಲಿ ಕಮಲ್ ಹಾಸನ್ ಅಭಿನಯದ ಥಗ್​ ಲೈಫ್​ ಚಿತ್ರದ ರಿಲೀಸ್​ಗೆ ಕೋರ್ಟ್​ ಅನುಮತಿ ಸೂಚಿಸಿದೆ.

ಇದನ್ನೂ ಓದಿ: ಒಂದೇ ಓವರ್​ನಲ್ಲಿ 5 ವಿಕೆಟ್​ ಪಡೆದ ದಿಗ್ವೇಶ್ ರಾಥಿ: ನೋಟ್​ ಬುಕ್​ ಆಚರಣೆ ಏಕಿಲ್ಲ ಎಂದ ನೆಟ್ಟಿಗರು! ವಿಡಿಯೋ ವೈರಲ್… Digvesh Rathi

ಕನ್ನಡ ಭಾಷೆ ಕುರಿತಂತೆ ನಟ ಕಮಲ್ ಹಾಸನ್​ ಹೇಳಿಕೆಗೆ ಕ್ಷಮೆಯಾಚಿಸಲು ಅಥವಾ ವಿಷಾಧಿಸಲು ಕರ್ನಾಟಕ ಹೈಕೋರ್ಟ್​ಗೆ ಯಾವುದೇ ಹಕ್ಕಿಲ್ಲ ಎಂದ ಸುಪ್ರೀಂ ಕೋರ್ಟ್ ಒತ್ತಿ ಹೇಳಿದೆ. ಸದ್ಯ ಅರ್ಜಿ ವಿಚಾರಣೆಯನ್ನು ಗುರುವಾರಕ್ಕೆ (ಜೂ. 19) ಮುಂದೂಡಲಾಗಿದೆ.

https://www.vijayavani.net/amid-war-escalation-trump-warning-to-iran