ಆ ನ್ಯಾಯಮೂರ್ತಿಗಳ ಅಧಿಕಾರಾವಧಿ ವಿಸ್ತರಣೆ.. ಸುಪ್ರೀಂ ಕೋರ್ಟ್ ಶಿಫಾರಸು

ನವದೆಹಲಿ: ಸುಪ್ರೀಂಕೋರ್ಟ್​ ಮುಖ್ಯ ನ್ಯಾಯಮೂರ್ತಿ ಡಿ.ವೈ. ಚಂದ್ರಚೂಡ ನೇತೃತ್ವದ ಕೊಲಿಜಿಯಂ, ಕಲ್ಕತ್ತಾ ಹೈಕೋರ್ಟ್‌ನ ಹಲವು ನ್ಯಾಯಾಧೀಶರ ಅಧಿಕಾರಾವಧಿ ವಿಸ್ತರಿಸಲು ಕರ್ತವ್ಯ ನಿರ್ವಹಣೆಯನ್ನು ಒಂದು ವರ್ಷ ವಿಸ್ತರಿಸುವಂತೆ ಶಿಫಾರಸು ಮಾಡಿದೆ.

ಇದನ್ನೂ ಓದಿ: ಸಲ್ಮಾನ್ ರಶ್ದಿ ದಾಳಿಕೋರನಿಗಿದೆ ಹಿಜ್ಬುಲ್ಲಾ ಲಿಂಕ್!

ನ್ಯಾಯಮೂರ್ತಿಗಳಾದ ಸಂಜೀವ್ ಖನ್ನಾ ಮತ್ತು ನ್ಯಾಯಮೂರ್ತಿ ಬಿಆರ್ ಗವಾಯಿ ಅವರನ್ನೊಳಗೊಂಡ ಕೊಲಿಜಿಯಂ ಹೈಕೋರ್ಟ್ ನ್ಯಾಯಮೂರ್ತಿಗಳ ನೇಮಕಾತಿ ಮತ್ತು ವಿಸ್ತರಣೆಗಳನ್ನು ನಿರ್ಧರಿಸುವ ಜವಾಬ್ದಾರಿಯನ್ನು ಹೊಂದಿದೆ. ಬಿಸ್ವರೂಪ್ ಚೌಧರಿ, ಪಾರ್ಥ ಸಾರಥಿ ಸೇನ್, ಪ್ರಸೇನ್‌ಜಿತ್ ಬಿಸ್ವಾಸ್, ಉದಯ್ ಕುಮಾರ್, ಅಜಯ್ ಕುಮಾರ್ ಗುಪ್ತಾ, ಸುಪ್ರತಿಮ್ ಭಟ್ಟಾಚಾರ್ಯ, ಪಾರ್ಥ ಸಾರಥಿ ಚಟರ್ಜಿ ಮತ್ತು ಅಪುರ್ಬಾ ಸಿನ್ಹಾ ರೇ ಅವರನ್ನು ನ್ಯಾಯಮೂರ್ತಿಗಳಾಗಿ ನೇಮಕ ಮಾಡಲು ಕಲ್ಕತ್ತಾ ಹೈಕೋರ್ಟ್ ಗೆ ಏಪ್ರಿಲ್‌ನಲ್ಲಿ ಕೊಲಿಜಿಯಂ ಸರ್ವಾನುಮತದಿಂದ ಶಿಫಾರಸು ಮಾಡಿತ್ತು.

ಏಪ್ರಿಲ್ 29 ರಂದು ಹೈಕೋರ್ಟ್ ಒಂಬತ್ತು ಹೆಚ್ಚುವರಿ ನ್ಯಾಯಾಧೀಶರ ಹೆಸರನ್ನು ಖಾಯಂ ನ್ಯಾಯಾಧೀಶರನ್ನಾಗಿ ಸರ್ವಾನುಮತದಿಂದ ಶಿಫಾರಸು ಮಾಡಿದೆ ಎಂದು ನಿರ್ಣಯದಲ್ಲಿ ತಿಳಿಸಲಾಗಿದೆ. ಆದರೆ ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಮತ್ತು ರಾಜ್ಯಪಾಲ ಸಿವಿ ಆನಂದ್ ಬೋಸ್ ಅವರು ಈ ಶಿಫಾರಸಿನ ಬಗ್ಗೆ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿಲ್ಲ ಎಂದು ಪೀಠವು ಟೀಕಿಸಿತು.

ಖಾಯಂ ನ್ಯಾಯಾಧೀಶರಾಗಿ ನೇಮಕಗೊಳ್ಳಲು ಹೆಚ್ಚುವರಿ ನ್ಯಾಯಾಧೀಶರ ಸೂಕ್ತತೆಯನ್ನು ಖಚಿತಪಡಿಸಿಕೊಳ್ಳಲು ಕಲ್ಕತ್ತಾ ಹೈಕೋರ್ಟ್‌ನ ವ್ಯವಹಾರಗಳ ಕುರಿತು ನ್ಯಾಯಾಧೀಶರನ್ನು ಸಮಾಲೋಚಿಸಿದೆ ಎಂದು ಸುಪ್ರೀಂ ಕೋರ್ಟ್ ಕೊಲಿಜಿಯಂ ಹೇಳಿದೆ. ಎಲ್ಲಾ ಅಂಶಗಳನ್ನು ಪರಿಗಣಿಸಿದ ನಂತರ, ಕೊಲಿಜಿಯಂ ಜಡ್ಜ್​ಗಳ ನೇಮಕವನ್ನು ಆಗಸ್ಟ್ 31, 2024 ರಿಂದ ಮುಂದಿನ ವರ್ಷದ ಅದೇ ಸಮಯದವರೆಗೆ ಮುಂದುವರಿಸುವಂತೆ ಸೂಚಿಸಿದೆ.

https://www.vijayavani.net/us-warned-its-citizens-to-india-not-to-go-these-states