ಕೆಲವೇ ಹೊತ್ತಲ್ಲಿ ಕಿಚ್ಚನ ‘ಫ್ಯಾಂಟಮ್’​ ಕಡೆಯಿಂದ ಮತ್ತೊಂದು ಸರ್ಪೈಸ್​ ಉಡುಗೊರೆ

ಕೆಲ ದಿನಗಳ ಹಿಂದಷ್ಟೇ ಫ್ಯಾಂಟಮ್​ ಸಿನಿಮಾ ಚಿತ್ರೀಕರಣದಲ್ಲಿ ಭಾಗವಹಿಸುವ ಬಗ್ಗೆ ಸುದೀಪ್ ಹೇಳಿಕೊಂಡಿದ್ದರು. ಅದರಂತೆ ಹೈದರಾಬಾದ್​ನತ್ತ ಪ್ರಯಾಣ ಬೆಳೆಸಿದ್ದ ಸುದೀಪ್​, ​ಮೊದಲ ದಿನದ ಶೂಟಿಂಗ್​ ವಿಡಿಯೋ ತುಣುಕನ್ನು ಶೇರ್​ ಮಾಡಿಕೊಂಡು, ಅಭಿಮಾನಿಗಳಿಗೆ ಸರ್ಪೈಸ್​ ಉಡುಗೊರೆ ನೀಡಿದ್ದರು. ಇದೀಗ ಇನ್ನೊಂದು ಉಡುಗೊರೆ ನೀಡುವ ಬಗ್ಗೆ ಕಿಚ್ಚ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಸುಳ್ಳು ಸುದ್ದಿ ಹಬ್ಬಿಸಬೇಡಿ; ಕರೊನಾ ನೆಗೆಟಿವ್ ಎಂದಿದ್ದಕ್ಕೆ​ ಬಚ್ಚನ್​ ಗರಂ

ಗುರುವಾರದ ಶೂಟಿಂಗ್​ ದೃಶ್ಯವೊಂದನ್ನು ಶೇರ್​ ಮಾಡುವುದಾಗಿ ಸುದೀಪ್​ ಟ್ವಿಟರ್​ನಲ್ಲಿ​ ಹಾಕಿದ್ದಾರೆ. ಮಧ್ಯಾಹ್ನ 3.30ಕ್ಕೆ ಫ್ಯಾಂಟಮ್ ಚಿತ್ರದ ವಿಡಿಯೋವನ್ನು ಹಂಚಿಕೊಳ್ಳಲಿದ್ದಾರೆ. ಈ ಮೊದಲು ಬಿಡುಗಡೆಯಾಗಿದ್ದ ಚಿತ್ರದ ಪುಟಾಣಿ ತುಣುಕಿಗೆ ಸಾಕಷ್ಟು ಮೆಚ್ಚುಗೆ ಸಿಕ್ಕಿತ್ತು. ವಿಕ್ರಾಂತ್​ ರೋಣನಾಗಿ ಸುದೀಪ್​ ಲುಕ್​ಗೆ ಅಭಿಮಾನಿಗಳು ಫಿದಾ ಆಗಿದ್ದರು. ಇದೀಗ ಇನ್ನೊಂದು ವಿಡಿಯೋ ಹೇಗಿರಲಿದೆ ಎಂಬ ಬಗ್ಗೆ ಕುತೂಹಲ ಸೃಷ್ಟಿಯಾಗಿದೆ.

ಇನ್ನು ಕರೊನಾ ಹಿನ್ನೆಲೆಯಲ್ಲಿ ಶೂಟಿಂಗ್​ ಆರಂಭಿಸಿದ ಮೊದಲ ನಟ ಎಂಬ ಪಟ್ಟವನ್ನೂ ಕಿಚ್ಚ ಸುದೀಪ್​ ಪಡೆದುಕೊಂಡಿದ್ದಾರೆ. ತಮ್ಮ ಶೂಟಿಂಗ್ ಅನುಭವವನ್ನೂ ಅವರು ಹೇಳಿಕೊಂಡಿದ್ದರು. ‘ಮತ್ತೆ ಮುಖಕ್ಕೆ ಮೇಕಪ್ ಹಾಕಿಕೊಳ್ಳುವುದು ಒಂದು ಅದ್ಬುತ ಅನುಭವ. ನನ್ನ ಪ್ಯಾಶನ್​ನಿಂದ ಸುದೀರ್ಘ ಕಾಲ ರಜೆಯಲ್ಲಿದ್ದಂತಾಗಿತ್ತು. ಆ ಪ್ಯಾಶನ್ ಬೇರೆನೂ ಅಲ್ಲ ಸಿನಿಮಾ. ಇದೀಗ ವಿಕ್ರಾಂತ್ ರೋಣನಾಗಿ ನಿಮ್ಮ ಮುಂದೆ ಮತ್ತೆ ಬಂದಿದ್ದೇನೆ’ ಎಂದಿದ್ದರು.

ಇದನ್ನೂ ಓದಿ: ಈ ವಿಷಯದಲ್ಲಿ ‘ಹಾಸ್ಯ ಚಕ್ರವರ್ತಿ’ಗಳೇ ಮುಂದು …

ಕಾಡಿನ ಬ್ಯಾಕ್​ಡ್ರಾಪ್ ರೀತಿಯ ಬೃಹತ್ ಸೆಟ್​ನಲ್ಲಿ ನಿರ್ದೇಶಕ ಅನೂಪ್ ಭಂಡಾರಿ ಚಿತ್ರೀಕರಣಕ್ಕೆ ಚಾಲನೆ ನೀಡಿದ್ದು, ಚಿತ್ರದ ಮೊದಲ ದಿನದ ದೃಶ್ಯ ಸದ್ದು ಮಾಡಿತ್ತು. ಗುಮ್ಮ ಬಂದ ಗುಮ್ಮ.. ಹಿನ್ನೆಲೆ ಧ್ವನಿ ಮತ್ತು ಬಿಜಿಎಂನಿಂದಲೇ 32 ಸೆಕೆಂಡ್​ನ ವಿಡಿಯೋ ಗಮನಸೆಳೆದಿತ್ತು. ಇದೀಗ ಎರಡನೇ ವಿಡಿಯೋ ಮೇಲೆ ಎಲ್ಲರ ಚಿತ್ತ ನೆಟ್ಟಿದೆ.

https://www.vijayavani.net/is-it-a-makeover-for-chiranjeevi/