ತಾಲೂಕು ಕಚೇರಿ ಅಧಿಕಾರಿ ವಿರುದ್ಧ ಕಠಿಣ ಕ್ರಮ: ಕಂದಾಯ ಸಚಿವ ಕೆ.ರಾಜನ್ ಸೂಚನೆ

ಮುಳ್ಳೇರಿಯ: ಅಹ್ಮದಾಬಾದ್ ವಿಮಾನ ಅಪಘಾತದಲ್ಲಿ ಮೃತಪಟ್ಟ ರಂಜಿತಾ ಜಿ.ನಾಯರ್ ಅವರನ್ನು ಅವಮಾನಿಸಿದ ಕಾಸರಗೋಡು ವೆಳ್ಳರಿಕುಂಡು ತಾಲೂಕು ಕಚೇರಿಯ ಜೂನಿಯರ್ ಸೂಪರಿಂಟೆಂಡೆಂಟ್ ಎ.ಪವಿತ್ರನ್ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲು ಆದೇಶಿಸಲಾಗಿದೆ.

ಕಂದಾಯ ಸಚಿವ ಕೆ.ರಾಜನ್, ಭೂ ಕಂದಾಯ ಆಯುಕ್ತರಿಗೆ ಕ್ರಮ ಕೈಗೊಳ್ಳುವಂತೆ ಸೂಚಿಸಿದ್ದಾರೆ. ಪವಿತ್ರನ್ ಅವರಿಗೆ ಶೀಘ್ರದಲ್ಲೇ ಮೆಮೊ ಜಾರಿ ಮಾಡುವುದಾಗಿ ತಿಳಿಸಿದ್ದಾರೆ.

ವಿಮಾನ ಅಪಘಾತಕ್ಕೆ ಸಂತಾಪ ಸೂಚಿಸಿ ಸಾರ್ವಜನಿಕರೊಬ್ಬರು ಪೋಸ್ಟ್ ಮಾಡಿದ ಫೇಸ್‌ಬುಕ್ ಪೋಸ್ಟ್‌ನಲ್ಲಿ ರಂಜಿತಾ ಅವರನ್ನು ಅವಹೇಳನಕಾರಿಯಾಗಿ ಚಿತ್ರಿಸಿ ಪವಿತ್ರನ್ ಕಾಮೆಂಟ್ ಬರೆದಿದ್ದರು. ವಿಷಯ ಬೆಳಕಿಗೆ ಬಂದ ತಕ್ಷಣ ಕಂದಾಯ ಸಚಿವ ಕೆ.ರಾಜನ್ ಅವರು ಪವಿತ್ರನ್ ಅವರನ್ನು ಅಮಾನತುಗೊಳಿಸಲು ಆದೇಶಿಸಿದ್ದರು. ನಂತರ ಭೂ ಕಂದಾಯ ಆಯುಕ್ತರಿಗೆ ಸೇವಾ ನಿಯಮಗಳ ಅಡಿಯಲ್ಲಿ ಪವಿತ್ರನ್ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಸೂಚಿಸಿದ್ದಾರೆ.

https://www.vijayavani.net/heavy-rains-cause-extensive-damage-in-kasaragod

https://www.vijayavani.net/mechanized-farming-in-dharmasthala