Stock Market; ಸತತ 6 ದಿನಗಳ ಗೂಳಿ ಓಟಕ್ಕೆ ಬ್ರೇಕ್​ ಹಾಕಿದ ಕರಡಿ: ಷೇರುಪೇಟೆ ಕುಸಿತಕ್ಕೆ ಕಾರಣ ಏನು?

Stock Market: ದೇಶೀಯ ಷೇರು ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿಯ 6 ದಿನಗಳ ಓಟಕ್ಕೆ ಶುಕ್ರವಾರ ಬ್ರೇಕ್​ ಬಿದಿದ್ದು, ಸೆನ್ಸೆಕ್ಸ್​ 694 ಅಂಕ ಕುಸಿದರೆ, ನಿಫ್ಟಿ 214 ಪಾಯಿಂಟ್ಸ್​​ ಕುಸಿತ ಕಂಡಿದೆ.

ಬಿಎಸ್‌ಇ ಸೆನ್ಸೆಕ್ಸ್(SenSex) 693.86 ಪಾಯಿಂಟ್‌ಗಳು ಅಥವಾ 0.85% ಕುಸಿದು 81,306.85 ಕ್ಕೆ ಮುಕ್ತಾಯವಾದರೆ, ಎನ್‌ಎಸ್‌ಇ ನಿಫ್ಟಿ(Nifty) 213.65 ಪಾಯಿಂಟ್‌ಗಳು ಅಥವಾ 0.85% ಕುಸಿದು 24,870.10 ಕ್ಕೆ ಮುಕ್ತಾಯವಾಗಿದೆ. ಇಂದಿನ ವಹಿವಾಟಿನಲ್ಲಿ (ಸೆನ್ಸೆಕ್ಸ್‌) ಏಷ್ಯನ್ ಪೇಂಟ್ಸ್ ಷೇರುಗಳು ಶೇ.2.45 ರಷ್ಟು ಕುಸಿದು ರೂ.2,504 ಕ್ಕೆ ತಲುಪಿ ಅತಿ ಹೆಚ್ಚು ನಷ್ಟ ಅನುಭವಿಸಿವೆ.

ಇದನ್ನೂ ಓದಿ:ರಾಷ್ಟ್ರಪತಿ ಭವನದಲ್ಲಿ ‘ದ್ರೌಪದಿ ಮುರ್ಮು’ ಅವರನ್ನು ಭೇಟಿಯಾದ ಗಗನಯಾತ್ರಿ ‘ಶುಭಾಂಶು ಶುಕ್ಲಾ’| Draupadi Murmu

ಈ ಅವಧಿಯಲ್ಲಿ 151 ಷೇರುಗಳು ತಮ್ಮ 52 ವಾರಗಳ ಗರಿಷ್ಠ ಮಟ್ಟವನ್ನು ತಲುಪಿವೆ. ಒಟ್ಟು 53 ಇತರ ಷೇರುಗಳು ತಮ್ಮ 52 ವಾರಗಳ ಕನಿಷ್ಠ ಮಟ್ಟವನ್ನು ತಲುಪಿವೆ.

ಒಟ್ಟಾರೆಯಾಗಿ, ಬಿಎಸ್‌ಇಯಲ್ಲಿ ವಹಿವಾಟು ನಡೆದ 4,240 ಸಕ್ರಿಯ ಷೇರುಗಳಲ್ಲಿ 1,777 ಷೇರುಗಳು ಲಾಭದೊಂದಿಗೆ ಕೊನೆಗೊಂಡರೆ, 2,308 ಷೇರುಗಳು ಕುಸಿತದೊಂದಿಗೆ ಮತ್ತು 155 ಷೇರುಗಳು ಬದಲಾಗದೆ ಉಳಿದಿವೆ.

ಕುಸಿತಕ್ಕೆ ಕಾರಣ?

ರಷ್ಯಾದ ತೈಲ ಸುಂಕಗಳ ಮೇಲಿನ ಪರಿಹಾರದ ಭರವಸೆಯನ್ನು ಅಮೆರಿಕದ ವ್ಯಾಪಾರ ಸಲಹೆಗಾರ ಪೀಟರ್ ನವರೊ ತಳ್ಳಿಹಾಕಿದ ನಂತರ, ರಷ್ಯಾ-ಉಕ್ರೇನ್ ಸಂಘರ್ಷದಲ್ಲಿ "ಶಾಂತಿಯ ಹಾದಿ" ಭಾರತದ ಮೇಲೆ ಅವಲಂಬಿತವಾಗಿದೆ ಎಂಬ ಹೇಳಿಕೆ ಷೇರು ಕುಸಿತಕ್ಕೆ ಕಾರಣ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.(ಏಜೆನ್ಸೀಸ್​)

https://www.vijayavani.net/entry-into-taj-mahal-for-having-shri-ram-symbol-on-bag