ಕಲ್ಯಾಣ ಕರ್ನಾಟಕಕ್ಕೆ ಸಿಗಲಿದೆಯೇ ಆದ್ಯತೆ?

ಕಲ್ಯಾಣ ಕರ್ನಾಟಕಕ್ಕೆ ಮಂಜೂರಾದ ಕೇಂದ್ರ ಮತ್ತು ರಾಜ್ಯ ಸರ್ಕಾರದ ಯೋಜನೆಗಳು ಒಂದೊಂದಾಗಿ ಕೈತಪ್ಪುತ್ತಿವೆ. ಇದರಿಂದಾಗಿ ನಾವು ತಿರಸ್ಕೃತರಾಗುತ್ತಿದ್ದೇವೆ ಎಂಬ ಭಾವನೆ ಇಲ್ಲಿನ ಜನರಲ್ಲಿದೆ. ಬಜೆಟ್​ನಲ್ಲಿ ಘೊಷಿಸಿದ್ದನ್ನು ಅನುಷ್ಠಾನಕ್ಕೆ ತರುತ್ತಿಲ್ಲವೆಂಬ ನೋವೂ ಮಾಸಿಲ್ಲ. ಇದನ್ನು ಹೋಗಲಾಡಿಸುವುದರ ಜತೆಗೆ ಸರ್ವಾಂಗೀಣ ಅಭಿವೃದ್ಧಿಗೆ ಪ್ರತ್ಯೇಕ ಬಜೆಟ್ ಮಂಡಿಸಬೇಕು. ನಂಜುಂಡಪ್ಪ ವರದಿ ಸಂಪೂರ್ಣ ಜಾರಿಯಾಗಬೇಕು. ಹೊಸ ಯೋಜನೆಗಳನ್ನು ಘೊಷಿಸಬೇಕು. ಘೊಷಿತ ಯೋಜನೆಗಳು ಅಸ್ತಿತ್ವಕ್ಕೆ ಬರಬೇಕು. ಆಗಲೇ ಸರ್ಕಾರ ಮತ್ತು ಜನಪ್ರತಿನಿಧಿಗಳ ಬಗ್ಗೆ ಇಲ್ಲಿನ ಜನರಿಗೆ ವಿಶ್ವಾಸ ಮೂಡಬಲ್ಲದು. ಈ ಸಲದ ಬಜೆಟ್​ನಲ್ಲಾದರೂ ಇದು ಆಗಬಲ್ಲದೇ ಎನ್ನುವುದೇ ಯಕ್ಷಪ್ರಶ್ನೆ.

ವಿಶೇಷ ಅನುದಾನ

ಅತ್ಯಂತ ಹಿಂದುಳಿದಿರುವ ಕಲ್ಯಾಣ ಕರ್ನಾಟಕವನ್ನು ರಾಜ್ಯದ ಇತರ ಭಾಗದಂತೆ ಅಭಿವೃದ್ಧಿಪಡಿಸಲು ಐದು ವರ್ಷಗಳವರೆಗೆ ಪ್ರತಿವರ್ಷ ವಿಶೇಷ ಅನುದಾನ ನೀಡಬೇಕೆಂದು ನಂಜುಂಡಪ್ಪ ವರದಿಯಲ್ಲಿ ಹೇಳಲಾಗಿತ್ತು. ನಿರೀಕ್ಷಿತ ಮಟ್ಟದಲ್ಲಿ ಜಾರಿಯಾಗಿಲ್ಲ. ಅಲ್ಲದೆ ವರದಿ ಅನುಷ್ಠಾನಕ್ಕೆ ಇದ್ದ ಸಮಿತಿಯೂ ಈಗ ಇಲ್ಲದಂತಾಗಿದೆ.

2000 ಕೋಟಿ ರೂ.ಗೆ ಒತ್ತಡ

ಕಲ್ಯಾಣ ಕರ್ನಾಟಕ ಪ್ರದೇಶಾಭಿವೃದ್ಧಿ ಮಂಡಳಿಗೆ ಪ್ರತಿವರ್ಷ 2000 ಕೋಟಿ ರೂ. ನೀಡುವುದಾಗಿ ಸರ್ಕಾರ ಹೇಳಿತ್ತು. ಹಿಂದಿನ ಕಾಂಗ್ರೆಸ್ ಸರ್ಕಾರ 1500 ಕೋಟಿ ರೂ. ಒದಗಿಸಿತ್ತು. ಈಗಿನ ಸರ್ಕಾರ ಕೇವಲ 1100 ಕೋಟಿ ರೂ. ಯೋಜನೆ ಸಿದ್ಧಪಡಿಸಿದೆ. ಹೊಸ ಬಜೆಟ್​ನಲ್ಲಿ 2000 ಕೋಟಿ ರೂ. ನೀಡಬೇಕೆಂಬ ಒತ್ತಡ ಇದೆ.

ಎಪಿಎಂಸಿ ಸಮಸ್ಯೆ

ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿಗೆ ಸಂಬಂಧಿಸಿದಂತೆ ಮಾರುಕಟ್ಟೆ ಯಲ್ಲಿ ತೆರಿಗೆ ವಿನಾಯಿತಿ, ಎಪಿಎಂಸಿ ಯಾರ್ಡ್​ನಲ್ಲಿ ತೆರಿಗೆ ವಿಧಿಸುವ ಪದ್ಧತಿ ಕೈಬಿಡುವುದಾಗಿ ಸರ್ಕಾರ ಹೇಳಿತ್ತು. ಈವರೆಗೂ ಸಾಧ್ಯವಾಗಿಲ್ಲ. ಕಲಬುರಗಿಯಲ್ಲಿ ಬೃಹತ್ ತೊಗರಿ ಗೋದಾಮು ಸ್ಥಾಪಿಸುವುದಾಗಿ ಹೇಳಿದ್ದರೂ ಸಾಕಾರಗೊಂಡಿಲ್ಲ. ಯಾದಗಿರಿ ಮತ್ತು ಕಲಬುರಗಿ ಜಿಲ್ಲೆಗಳಲ್ಲಿ ಕೆರೆ ತುಂಬುವ ಯೋಜನೆ ಕನಸಾಗಿಯೇ ಉಳಿದಿದೆ.

ವಿಶ್ವವಿದ್ಯಾಲಯ ಸ್ಥಾಪನೆ

ರಾಯಚೂರು, ಯಾದಗಿರಿ ಜಿಲ್ಲೆ ಒಳಗೊಂಡಂತೆ ನೂತನ ರಾಯಚೂರು ವಿವಿ ಸ್ಥಾಪಿಸಲಾಗಿದ್ದು, ವಿವಿ ಕಾರ್ಯಾರಂಭಕ್ಕೆ 150 ಕೋಟಿ ರೂ.ಗಳ ಪ್ರಸ್ತಾವನೆ ಸಲ್ಲಿಸಲಾಗಿದೆ. ಇದೀಗ ಬಜೆಟ್​ನಲ್ಲಿ ಆನುದಾನ ಘೊಷಿಸಬೇಕಾಗಿದೆ. ಕೊಪ್ಪಳದಲ್ಲಿ ವಿವಿ ಸ್ಥಾಪಿಸಬೇಕೆಂಬ ಬೇಡಿಕೆಯೂ ಇದೆ.

ನೀರಾ‘ವರಿ’

ಬೀದರ್ ಜಿಲ್ಲೆಯ ಗೋದಾವರಿ ಜಲಾನಯನ ವ್ಯಾಪ್ತಿಯ ನೀರಿನ ಸದ್ಬಳಕೆಗೆ ಯೋಜನೆ ರೂಪಿಸುವ ಅಗತ್ಯವಿದೆ. ಮಾಂಜ್ರಾ ನದಿಗೆ ಅಡ್ಡಲಾಗಿ ಬ್ರಿಜ್ ಕಮ್ ಬ್ಯಾರೇಜ್ ನಿರ್ವಿುಸಬೇಕಿದ್ದು, ಕನಿಷ್ಠ 3 ಕಡೆ ಏತ ನೀರಾವರಿ ಯೋಜನೆ ಜಾರಿ ಆಗಬೇಕು. ತುಂಗಭದ್ರಾ ಎಡದಂಡೆ ನಾಲೆ ಆಧುನೀಕರಣ. ಪುಷ್ಪ ಬೇಸಾಯಕ್ಕೆ ಉತ್ತೇಜನ ನೀಡಬೇಕಿದೆ.

ಪ್ರತ್ಯೇಕ ಸಚಿವಾಲಯ

ಕಲಬುರಗಿಯಲ್ಲಿ ಪ್ರತ್ಯೇಕ ಸಚಿವಾಲಯ ಸ್ಥಾಪನೆ ಮನವಿಗೆ ಚಾಲನೆ ಸಿಕ್ಕಿಲ್ಲ. 371(ಜೆ)ಗೆ ಸಂಬಂಧಿಸಿದ ಕಚೇರಿಗಳು ವಿಭಾಗೀಯ ಕೇಂದ್ರ ಕಲಬುರಗಿಗೆ ಸ್ಥಳಾಂತರವಾಗಬೇಕು. ನಿಯಮಗಳಲ್ಲಿನ ಲೋಪ- ದೋಷ ನಿವಾರಣೆಗೆ ಪರಿಣತರ ಸಮಿತಿ ರಚಿಸುವ ಅಗತ್ಯವಿದೆ.

ಕಲಬುರಗಿ

• ಎಲ್ಲ ಹೊಸ ತಾಲೂಕುಗಳಿಗೆ ಮಿನಿ ವಿಧಾನಸೌಧ
• ಟೆಕ್ನೋ-ಎಕನಾಮಿಕ್ ವಯಾಬಿಲಿಟಿ ಸ್ಥಾಪನೆಗೆ ಕೇಂದ್ರ ವಾಣಿಜ್ಯ ಸಚಿವಾಲಯಕ್ಕೆ ಪ್ರಸ್ತಾವನೆ
• ಫುಡ್​ಪಾರ್ಕ್, ಟೆಕ್ಸ್​ಟೈಲ್ ಪಾರ್ಕ್​ಗಳನ್ನು ಆರಂಭಿಸಲು ಕ್ರಮ
• ಕೃಷಿ, ತೋಟಗಾರಿಕೆ ಬೆಳೆಗಳ ವ್ಯಾಪಾರ ವೃದ್ಧಿಸಲು ಇನ್​ಲ್ಯಾಂಡ್ ಕಂಟೇನರ್ ಡಿಪೋ ಸ್ಥಾಪನೆ
• 6 ಲೇನ್​ಗೆ ರಾಜ್ಯ ಹೆದ್ದಾರಿಗಳ ಮೇಲ್ದರ್ಜೆ
• ಕಲಬುರಗಿ ಕೇಂದ್ರೀಯ ವಿವಿಯಲ್ಲೇ ಸೆಂಟರ್ ಆಫ್ ಎಕ್ಸ್​ಲೆನ್ಸ್ ಸ್ಥಾಪನೆಗೆ ಅನುದಾನ
• ನೆನೆಗುದಿಗೆ ಬಿದ್ದಿರುವ ಹೊನ್ನಕಿರಣಿಗಿ ವಿದ್ಯುತ್ ಯೋಜನೆ ಪುನಾರಂಭ

ಜಾರಿಯಾಗದ ಯೋಜನೆಗಳು

• ರಾಯಚೂರು ಜಿಲ್ಲಾಡಳಿತ ಭವನ ಕಾಮಗಾರಿ (ಅಪೂರ್ಣ)
• ಕಾರಂಜಾ, ಚುಳಕಿನಾಲಾ ಯೋಜನೆ ಪೂರ್ಣಗೊಳಿಸುವ ವಾಗ್ದಾನ
• ಹುಮನಾಬಾದ್ ಟ್ರಕ್ ಟರ್ವಿುನಲ್ ಸ್ಥಾಪನೆ
• ಅಂತರ್ಜಲಮಟ್ಟ ಹೆಚ್ಚಳಕ್ಕಾಗಿ ಬೀದರ್​ನಲ್ಲಿ ಚೆಕ್ ಡ್ಯಾಂ ನಿರ್ವಿುಸುವ ಯೋಜನೆ
• 100 ಕೋಟಿ ರೂ. ವೆಚ್ಚದಲ್ಲಿ ಬೀದರ್​ನಲ್ಲಿ ಸೆಂಟ್ರಲ್ ಜೈಲ್ ಸ್ಥಾಪನೆ
• ಕೆರೆಗಳ ಸುಧಾರಣೆಗಾಗಿ 300 ಕೋಟಿ ರೂ. ಘೊಷಣೆ ್ಝಾರಂಜಾ ನೀರಾವರಿ ಯೋಜನೆ ಕಾಮಗಾರಿ.

ಬಳ್ಳಾರಿ-ವಿಜಯನಗರ

• ಹಂಪಿ ಪ್ರವಾಸೋದ್ಯಮಕ್ಕೆ ಉತ್ತೇಜನ
• ಹಗರಿ ಕೃಷಿ ಪದವಿ ಕಾಲೇಜ್ ಆರಂಭ
• ಸರ್ಕಾರಿ ಇಂಜಿನಿಯರಿಂಗ್ ಕಾಲೇಜ್ ಸ್ಥಾಪನೆ
• ಹೂವಿನಹಡಗಲಿ ತಾಲೂಕಿ ನಲ್ಲಿ ಸಿಂಗಟಾಲೂರು ನೀರಾ ವರಿ ಯೋಜನೆ ವಿಸ್ತರಣೆ
• ವಿಮಾನ ನಿಲ್ದಾಣ ನಿರ್ವಣಕ್ಕೆ ಅನುದಾನ
• ಏತ ನೀರಾವರಿ ಯೋಜನೆ, ನಿರುದ್ಯೊಗ ಸಮಸ್ಯೆ ನಿವಾರಣೆ
• ಜೀನ್ಸ್ ಸೇರಿ ನಾನಾ ಕೈಗಾರಿಕೋದ್ಯಮಗಳಿಗೆ ಸೌಲಭ್ಯ

ಯಾದಗಿರಿ

• ಕಡೇಚೂರಿನ ಫಾರ್ವ ಹಬ್ ಅಭಿವೃದ್ಧಿ
• ಕೆಎಸ್​ಎಸ್​ಐಡಿಸಿ ಅಡಿ 50-100 ಎಕರೆ ಜಮೀನಿನಲ್ಲಿ ಕೈಗಾರಿಕಾ ಪ್ರದೇಶ ಗುರುತು

ಕೊಪ್ಪಳ

• ಕೊಪ್ಪಳ, ಸಿಂಗಟಾಲೂರು ಏತ ನೀರಾವರಿ ಯೋಜನೆಗೆ ಅನುದಾನ
• ನವಲಿ ಸಮಾನಾಂತರ ಜಲಾಶಯ ನಿರ್ಮಾಣ
• ಜಿಂಕೆವನ ನಿರ್ಮಾಣ
• ನವಲಿ ರೈಸ್ ಟೆಕ್ ಪಾರ್ಕ್​ಗೆ ಅನುದಾನ
• ಕೊಪ್ಪಳ ಪಿ.ಜಿ ಸೆಂಟರ್ ಕಟ್ಟಡಕ್ಕೆ ಅನುದಾನ ಕೊರತೆ.

ರಾಯಚೂರು

• ಐಐಐಟಿ ಸ್ಥಾಪನೆಗಾಗಿ ಮೂಲಸೌಕರ್ಯ ಕಲ್ಪಿಸಲು ಅನುದಾನ
• ಗದಗ- ವಾಡಿ ರೈಲು ಮಾರ್ಗಕ್ಕೆ ಸಿಂಧನೂರು, ಮಾನ್ವಿ ತಾಲೂಕಿನಲ್ಲಿ ಭೂ ಸ್ವಾಧೀನಕ್ಕಾಗಿ ಅನುದಾನ
• ವಿಮಾನ ನಿಲ್ದಾಣಕ್ಕೆ ಭೂಮಿ ಗುರುತಿಸಲಾಗಿದ್ದು ಮೂಲಸೌಕರ್ಯ ಕಲ್ಪಿಸಲು ಅನುದಾನ

ಬೀದರ್

• ಕೃಷಿ ಕಾಲೇಜು ಸ್ಥಾಪನೆ
• ಪ್ರವಾಸೋದ್ಯಮ ಅಭಿವೃದ್ಧಿ ವಿಶೇಷ ಕ್ರಮ ್ಝಹಾರ ಸಂಸ್ಕರಣಾ ಘಟಕ ಸ್ಥಾಪನೆ
• ಸೋಲಾರ್ ಪಾರ್ಕ್, ಬೃಹತ್ ಕೈಗಾರಿಕೆ ಸ್ಥಾಪನೆ
• ಮನ್ನಳ್ಳಿ ಬಳಿ ಕರ್ನಾಟಕ ಮಹಿಳಾ ಪೊಲೀಸ್ ತರಬೇತಿ ಕೇಂದ್ರ ಸ್ಥಾಪನೆ
• ಐಟಿ ಪಾರ್ಕ್ ಇನ್ಕೂ್ಯಬೇಟರ್ ಸ್ಥಾಪನೆ