ಅಮೆರಿಕಕ್ಕೆ ತೆರಳಲು ಸಿದ್ಧನಾದ ಉಡುಪಿ ಶ್ರೀಕೃಷ್ಣ...!

ಗೀತಾ ಮಂದಿರದಲ್ಲಿ ಮೂರ್ತಿಯ ಅನಾವರಣ

ಶಿಲ್ಪಿಗಳಿಂದ ಪುತ್ತಿಗೆ ಶ್ರೀಗಳಿಗೆ ಹಸ್ತಾಂತರ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಭಾರತೀಯ ಸನಾತನ ಸಂಸ್ಕೃತಿಯ ಪ್ರಚಾರದ ನಿಮಿತ್ತವಾಗಿ ಪುತ್ತಿಗೆ ಮಠದ ಸುಗುಣೇಂದ್ರ ಶ್ರೀಗಳು ವಿಶ್ವದ ವಿವಿಧ ದೇಶಗಳಲ್ಲಿ ಶ್ರೀ ಕೃಷ್ಣನ ಮಂದಿರ ಸ್ಥಾಪಿಸಿದ್ದು, ಅಮೆರಿಕದ ಡಲ್ಲಾಸ್​ ನಗರದಲ್ಲಿರುವ ಪುತ್ತಿಗೆ ಮಠದಲ್ಲಿ ಪ್ರತಿಷ್ಠಾಪನೆಗೊಳ್ಳಲು ಉಡುಪಿ ಶ್ರೀಕೃಷ್ಣನ ಮಾದರಿಯ ಸುಂದರ ಮೂರ್ತಿ ಸಿದ್ಧಗೊಂಡಿದೆ.

ಮುಖ್ಯಪ್ರಾಣ ದೇವರ ಸಹಿತವಾಗಿ ಕಡೂರಿನ ಶಿಲ್ಪಿ ತೀರ್ಥರಾಜ್​ ತಂಡದವರು ಕೆತ್ತಿ, ತಯಾರಿಸಿದ ಈ ಬೃಹತ್​ ಮೂರ್ತಿಯನ್ನು ಉಡುಪಿಯ ಗೀತಾ ಮಂದಿರದಲ್ಲಿ ಜುಲೈ 4ರಂದು ಬೆಳಗ್ಗೆ ನಡೆದ ಸರಳ ಸಮಾರಂಭದಲ್ಲಿ ಪರ್ಯಾಯ ಸುಗುಣೇಂದ್ರ ಶ್ರೀಗಳಿಗೆ ಹಸ್ತಾಂತರಿಸಿದರು.

ಶ್ರೀಗಳಿಂದ ವಿಶೇಷ ಪೂಜೆ

ಶ್ರೀಮಠದ ಅಂತಾರಾಷ್ಟ್ರೀಯ ಕಾಯದರ್ಶಿ ಪ್ರಸನ್ನ ಆಚಾರ್ಯ ಸ್ವಾಗತಿಸಿದರು. ಅಮೆರಿಕದ ಡಲ್ಲಾಸ್​ ನಗರದ ಪುತ್ತಿಗೆ ಶಾಖಾ ಮಠದ ಪ್ರಧಾನ ಅರ್ಚಕ ವಾದಿರಾಜ ಭಟ್​ ಕುಕ್ಕೆಹಳ್ಳಿ ವಂದಿಸಿದರು. ಮಠದ ದಿವಾನ ನಾಗರಾಜ ಆಚಾರ್ಯ, ಶ್ರೀಗಳ ಆಪ್ತ ಕಾರ್ಯದರ್ಶಿ ರತೀಶ ತಂತ್ರಿ, ಮಠದ ಸಿಬ್ಬಂದಿ, ಭಕ್ತರು ಉಪಸ್ಥಿತರಿದ್ದರು.