ಪೆಹಲಗಾಂವನ ಉಗ್ರರ ಕೃತ್ಯಕ್ಕೆ ಶ್ರೀಉಜ್ಜಯಿನಿ ಜಗದ್ಗುರುಗಳ ಖಂಡನೆ

ಕೊಟ್ಟೂರು : ಕಾಶ್ಮೀರದ ಪೆಹಲ್‌ಗಾಂವದಲ್ಲಿ ನಡೆದ ಹಿಂದೂಗಳ ನರಮೇಧವನ್ನು ಶ್ರೀಉಜ್ಜಯಿನಿ ಜಗದ್ಗುರು ಸಿದ್ಧಲಿಂಗ ರಾಜದೇಶಿಕೇಂದ್ರ ಶಿವಾಚಾರ್ಯ ಭಗವತ್ಪಾದರು ಉಗ್ರವಾಗಿ ಖಂಡಿಸಿದ್ದಾರೆ.

ಪ್ರವಾಸಕ್ಕೆ ತೆರಳಿದ ಹಿಂದೂಗಳನ್ನು ಧರ್ಮಾಧಾರಿತವಾಗಿ ಆಯ್ಕೆ ಮಾಡಿ ಮಡದಿ ಮಕ್ಕಳ ಮುಂದೆಯೇ ಹತ್ಯೆ ಮಾಡಿರುವುದು ಅತ್ಯಂತ ಘೋರ ಭಯೋತ್ಪಾದಕ ಕೃತ್ಯ. ಈ ರೀತಿಯಾಗಿ ಒಬ್ಬೊಬ್ಬರನ್ನು ಹೆಸರು, ಜಾತಿ, ಧರ್ಮದ ವಿವರ ಪಡೆದು ಹತ್ಯೆ ಮಾಡುವ ಘಟನೆಗಳು ವಿದೇಶಗಳಲ್ಲಿ ನಡೆದಿದ್ದವು. ಆದರೆ ಬಹುಸಂಖ್ಯಾತರಾಗಿರುವ ಹಿಂದುಗಳ ದೇಶ ಭಾರತದಲ್ಲಿಯೇ ಇಂತಹ ಪರಿಸ್ಥಿತಿ ನಿರ್ಮಾಣವಾಗಿರುವುದು ಮುಂದಿನ ಕರಾಳ ಭವಿಷ್ಯವನ್ನು ಸೂಚಿಸಿದಂತಿದೆ.

ಈ ಉಗ್ರ ಕೃತ್ಯವನ್ನು ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ಗಂಭೀರವಾಗಿ ತೆಗೆದುಕೊಳ್ಳಬೇಕು. ದೇಶದ ಭವಿಷ್ಯದ ದೃಷ್ಟಿಯಿಂದ ಇಂತಹ ಘಟನೆಗಳು ಮರುಕಳಿಸದಂತೆ ಎಲ್ಲ ಪಕ್ಷಗಳು ಕೇಂದ್ರದ ನಿರ್ಣಯಕ್ಕೆ ಬೆಂಬಲ ಸೂಚಿಸಬೇಕು. ಈ ಘಟನೆಗೆ ಕಾರಣವಾದವರನ್ನು ಕಠಿಣಾತಿ ಕಠಿಣ ಶಿಕ್ಷೆಗೆ ಗುರಿಪಡಿಸಿ, ಶತ್ರು ರಾಷ್ಟ್ರಗಳ ಕೈವಾಡ ಇದ್ದಲ್ಲಿ ದೇಶದ ಸೇನಾ ಶಕ್ತಿಯನ್ನು ಬಳಸಿ ತಕ್ಕ ಉತ್ತರ ನೀಡಬೇಕು. ನೊಂದ ಕುಟುಂಬದ ಜೊತೆಗೆ ಇಡೀ ದೇಶದ ಜನತೆ ನಿಲ್ಲಬೇಕು ಎಂದು ಉಜ್ಜಯಿನಿ ಜಗದ್ಗುರುಗಳು ತಿಳಿಸಿದ್ದಾರೆ.

https://www.vijayavani.net/nuclear-power-project-worth-rs-12800-crore-meil-places-purchase-order-with-npcil