2012ರಲ್ಲಿ ಟೆಸ್ಟ್ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ ಜಡೇಜಾ, ಇದುವರೆಗೆ 49 ಟೆಸ್ಟ್ ಪಂದ್ಯಗಳಲ್ಲಿ ಏಕೈಕ ಶತಕ, 14 ಅರ್ಧಶತಕಗಳ ಸಹಿತ 1,869 ರನ್ ಪೇರಿಸಿದ್ದಾರೆ ಮತ್ತು 213 ವಿಕೆಟ್ ಕಬಳಿಸಿದ್ದಾರೆ. ಕ್ರಿಕ್ ವಿಜ್ ಮಾಹಿತಿಯ ವಿಶ್ಲೇಷಣೆಯಂತೆ, ವಿಶ್ವದ ಪ್ರತಿಯೊಬ್ಬ ಕ್ರಿಕೆಟಿಗರನ್ನು ‘ಎಂವಿಪಿ ರೇಟಿಂಗ್’ಗೆ ಒಳಪಡಿಸಿ, ಪಂದ್ಯದ ಮೇಲೆ ಅವರ ಪರಿಣಾಮದ ಬಗ್ಗೆ ಸಾಂಖ್ಯಿಕವಾಗಿ ಲೆಕ್ಕಾಚಾರ ಹಾಕಲಾಗುತ್ತದೆ. ‘ಭಾರತದ ನಂ.1 ಆಟಗಾರನಾಗಿ ಜಡೇಜಾ ಹೆಸರು ನೋಡಿ ನಮಗೂ ಆಶ್ಚರ್ಯವಾಯಿತು. ಅವರು ತಂಡಕ್ಕೆ ಕಾಯಂ ಆಯ್ಕೆಯ ಆಟಗಾರನಲ್ಲ. ಆದರೆ ಅವರನ್ನು ತಂಡಕ್ಕೆ ಆಯ್ಕೆ ಮಾಡಿದಾಗಲೆಲ್ಲ ಮುಂಚೂಣಿ ಬೌಲರ್ ಆಗಿ ಮಿಂಚಿದ್ದಾರೆ ಮತ್ತು 6ನೇ ಕ್ರಮಾಂಕದ ಬ್ಯಾಟಿಂಗ್ನಲ್ಲೂ ಉತ್ತಮ ನಿರ್ವಹಣೆ ತೋರಿದ್ದಾರೆ. ಆಡಿದ ಪಂದ್ಯಗಳಲ್ಲಿ ಅವರಿಂದ ಹೆಚ್ಚು ಕೊಡುಗೆ ಬಂದಿರುತ್ತದೆ’ ಎಂದು ಕ್ರಿಕ್ ವಿಜ್ನ ್ರೆಡ್ಡಿ ವಿಲ್ಡ್ ಅಭಿಪ್ರಾಯಪಟ್ಟಿದ್ದಾರೆ. ಸಾವಿರ ರನ್ ಹಾಗೂ 150 ವಿಕೆಟ್ ಕಬಳಿಸಿರುವ ಆಟಗಾರರಲ್ಲಿ ಜಡೇಜಾ, ಬ್ಯಾಟಿಂಗ್-ಬೌಲಿಂಗ್ ಸರಾಸರಿಗಳಲ್ಲಿ 2ನೇ ಅತ್ಯುತ್ತಮ 10.62 ರನ್ಗಳ ಅಂತರ ಹೊಂದಿದ್ದಾರೆ ಎಂದವರು ತಿಳಿಸಿದ್ದಾರೆ.
