ಮಂಗಳವಾರ ರಾತ್ರಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ದಕ್ಷಿಣ ಆಫ್ರಿಕಾ 6 ವಿಕೆಟ್ಗೆ 338 ರನ್ಗಳ ಸವಾಲಿನ ಮೊತ್ತ ಪೇರಿಸಿತು. ಆಫ್ರಿಕಾ ಪರ ವಿಕೆಟ್ ಕೀಪರ್-ಬ್ಯಾಟರ್ ಕ್ವಿಂಟನ್ ಡಿ ಕಾಕ್ (82) ಹಾಗೂ ನಾಯಕ ಟೆಂಬಾ ಬವುಮಾ (57) ಮೊದಲ ವಿಕೆಟ್ಗೆ 146 ರನ್ಗಳ ಭದ್ರ ಅಡಿಪಾಯ ಒದಗಿಸಿದರು. ಮಾರ್ಕ್ರಮ್ 74 ಎಸೆತದಲ್ಲಿ ಶತಕ ಪೂರೈಸಿದರು. ಪ್ರತಿಯಾಗಿ ಡೇವಿಡ್ ವಾರ್ನರ್ (78 ರನ್, 56 ಎಸೆತ, 10 ಬೌಂಡರಿ, 3 ಸಿಕ್ಸರ್) ಒದಗಿಸಿದ ಉತ್ತಮ ಆರಂಭದ ಹೊರತಾಗಿಯೂ ಆಸೀಸ್, 34.3 ಓವರ್ಗಳಲ್ಲಿ 227 ರನ್ಗಳಿಗೆ ಸರ್ವಪತನ ಕಂಡಿತು. ಸರಣಿಯ ಮೊದಲೆರಡು ಪಂದ್ಯ ಜಯಿಸಿರುವ ಆಸ್ಟ್ರೇಲಿಯಾ 2-1 ಮುನ್ನಡೆ ಸಾಧಿಸಿದೆ.
