ಬರಲಿದೆ ಸಿಕ್ಸರ್​ ಸರದಾರ ಯುವರಾಜ್ ಸಿಂಗ್​ ಬಯೋಪಿಕ್ ಚಿತ್ರ​! ಶುರುವಾಯ್ತು ಫ್ಯಾನ್ಸ್​ ಕಾತರ

ನವದೆಹಲಿ: ಟೀಂ ಇಂಡಿಯಾದ ಮಾಜಿ ಆಲ್‌ರೌಂಡರ್, 2011ರ ವಿಶ್ವಕಪ್ ಹೀರೋ ಯುವರಾಜ್ ಸಿಂಗ್ ಈ ಬಾರಿ ನಡೆದ ಟಿ20 ವಿಶ್ವಕಪ್​ನ ರಾಯಭಾರಿಯಾಗಿ ನೇಮಕಗೊಂಡಿದ್ದರು. ಈ ಮೂಲಕ ಮತ್ತೊಮ್ಮೆ ತಮ್ಮ ಅಭಿಮಾನಿಗಳ ಮುಂದೆ ಹಾಜರಾಗಿದ್ದ ಯುವಿ, ತದನಂತರ ಅಷ್ಟಾಗಿ ಎಲ್ಲಿಯೂ ಕಾಣಿಸಿಕೊಂಡಿಲ್ಲ. ಇದೀಗ ಫ್ಯಾನ್ಸ್​ಗೆ​ ಮತ್ತೊಂದು ಸಿಹಿ ಸುದ್ದಿ ಲಭಿಸಿದ್ದು, ಮಹೇಂದ್ರ ಸಿಂಗ್ ಧೋನಿ ಅವರ 'ಎಂ.ಎಸ್​. ಧೋನಿ' ಬಯೋಪಿಕ್​ ಚಿತ್ರದಂತೆಯೇ ಇದೀಗ ಯುವರಾಜ್​ ಜೀವನಾಧಾರಿತವು ಚಿತ್ರವಾಗಿ ಮೂಡಿಬರಲು ಸಜ್ಜಾಗಿದೆ. ಈ ಸುದ್ದಿ ತಿಳಿಯುತ್ತಿದ್ದಂತೆ ಅವರ ಅಪಾರ ಸಂಖ್ಯೆಯ ಅಭಿಮಾನಿ ಬಳಗ ಜಾಲತಾಣಗಳಲ್ಲಿ ಭಾರೀ ಸಂತಸವನ್ನು ವ್ಯಕ್ತಪಡಿಸಿದೆ.

ಇದನ್ನೂ ಓದಿ: ಗಣೇಶ ಮಹಾ ಮಂಡಳ ಸಭೆ 22ಕ್ಕೆ

ಈ ಹಿಂದೆ ಕ್ರಿಕೆಟಿಗ, ಟೀಮ್ ಇಂಡಿಯಾದ ಶ್ರೇಷ್ಠ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಅವರ ಬಯೋಪಿಕ್​ ಅನ್ನು ಹಿಂದಿ ಭಾಷೆಯಲ್ಲಿ 'ಎಂ.ಎಸ್​. ಧೋನಿ-ದಿ ಅನ್​ಟೋಲ್ಡ್​ ಸ್ಟೋರಿ' ಎಂಬ ಶೀರ್ಷಿಕೆಯಡಿ ರಿಲೀಸ್ ಮಾಡಲಾಗಿತ್ತು. ಈ ಚಿತ್ರ ನೋಡಿದ ಬಳಿಕ ಬಾಲ್ಯದಿಂದ ಕ್ರಿಕೆಟ್ ವೃತ್ತಿಯವರೆಗೂ ಧೋನಿ ನಡೆದುಬಂದ ಹಾದಿ ಮತ್ತಷ್ಟು ಸ್ಪಷ್ಟವಾಗಿ ತಿಳಿಯಿತು. ಈ ಸಿನಿಮಾ ಅನೇಕರಿಗೆ ಸ್ಪೂರ್ತಿ ಕೂಡ ತುಂಬಿತು. ಸದ್ಯ ಇದೇ ರೀತಿ ಈಗ ಯುವರಾಜ್ ಸಿಂಗ್​ ಅವರ ಜೀವನಾಧಾರಿತ ಚಿತ್ರ ತಯಾರಿಗೆ ಸಕಲ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗುತ್ತಿದೆ.

ಸಿಕ್ಸರ್​ಗಳ ಸರದಾರ, 2011ರ ವಿಶ್ವಕಪ್​ ಹೀರೋ ಯುವಿ ಪಾತ್ರದಲ್ಲಿ ಯಾವ ಚಿತ್ರರಂಗದ ಸ್ಟಾರ್​ ನಟ ನಟಿಸಬಹುದು ಎಂಬ ಪ್ರಶ್ನೆಗಳು ಇದೀಗ ಭಾರೀ ಚರ್ಚೆಯಾಗುತ್ತಿದ್ದು, ಒಟ್ಟಾರೆ ಯುವರಾಜ್ ಸಿಂಗ್​ ಅವರ ಬಾಲ್ಯ, ಕಷ್ಟದ ದಿನಗಳು, ಗೆಲುವಿನ ಹಾದಿ ಹೇಗಿತ್ತು ಎಂಬುದನ್ನು ಬೆಳ್ಳಿ ಪರದೆಯ ಮೇಲೆ ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ಕಾತರದಿಂದ ಕಾಯತೊಡಗಿದ್ದಾರೆ. ಬಯೋಪಿಕ್​ ಚಿತ್ರದ ಕುರಿತು ಇನ್ನಷ್ಟು ಮಾಹಿತಿಗಾಗಿ ನಿರೀಕ್ಷಿಸಲಾಗಿದೆ,(ಏಜೆನ್ಸೀಸ್).

https://www.vijayavani.net/ganguly-dp-turns-black