ಡೆಲ್ಲಿ ತಂಡಕ್ಕೆ ನಾಯಕಿ ಮೆಗ್ ಲ್ಯಾನಿಂಗ್ ಮತ್ತು ಶೆಾಲಿ ವರ್ಮರ ಆರಂಭಿಕ ಜೋಡಿಯೇ ಹೆಚ್ಚಿನ ಪಂದ್ಯಗಳಲ್ಲಿ ಬಲ ತುಂಬಿದೆ. ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತಿ ಹೊಂದಿ 2 ವರ್ಷ ಕಳೆದಿದ್ದರೂ ಲ್ಯಾನಿಂಗ್ ಈಗಲೂ ಬ್ಯಾಟಿಂಗ್ ಲಯ ಉಳಿಸಿಕೊಂಡಿದ್ದು, ಟೂರ್ನಿಯಲ್ಲಿ 3 ಅರ್ಧಶತಕ ಸಹಿತ 263 ರನ್ ಬಾರಿಸಿದ್ದಾರೆ. ಶೆಫಾಲಿ ವರ್ಮ ಟೂರ್ನಿಯಲ್ಲಿ ಸರ್ವಾಧಿಕ 16 ಸಿಕ್ಸರ್ ಸಹಿತ 300 ರನ್ ಬಾರಿಸಿದ್ದಾರೆ. ಟೂರ್ನಿಯ ಅಗ್ರ 7 ಗರಿಷ್ಠ ರನ್ಸ್ಕೋರರ್ಗಳಲ್ಲಿ ಅವರೊಬ್ಬರೇ ಭಾರತೀಯರಾಗಿದ್ದಾರೆ. ಇನ್ನು ಜೆಸ್ ಜೊನಾಸೆನ್ (137 ರನ್, 11 ವಿಕೆಟ್) ಆಲ್ರೌಂಡ್ ನಿರ್ವಹಣೆಯೊಂದಿಗೆ ಮಿಂಚಿದ್ದರೆ, ಅನುಭವಿ ವೇಗಿ ಶಿಖಾ ಪಾಂಡೆ (11 ವಿಕೆಟ್) ಬೌಲಿಂಗ್ನಲ್ಲಿ ಮಿಂಚುತ್ತಿದ್ದಾರೆ. ಲೀಗ್ ಹಂತದಲ್ಲಿ ಮುಂಬೈಯನ್ನು 123 ರನ್ಗಳಿಗೆ ನಿಯಂತ್ರಿಸಿ ಡೆಲ್ಲಿ ಮೇಲುಗೈ ಸಾಧಿಸಿತ್ತು. ಆದರೆ ಎಲಿಮಿನೇಟರ್ನಲ್ಲಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿರುವ ಮುಂಬೈ, ಫೈನಲ್ನಲ್ಲಿ ಡೆಲ್ಲಿಗೆ ಹೆಚ್ಚಿನ ಸವಾಲೊಡ್ಡಬಹುದು.
