ವಿಂಬಲ್ಡನ್​ ಮೇಲೂ ಕರೊನಾ ಕರಿಛಾಯೆ: ಜೂನ್​ 29ರಿಂದ ಆರಂಭವಾಗಬೇಕಿದ್ದ ಟೆನ್ನಿಸ್​ ಟೂರ್ನಮೆಂಟ್ ರದ್ದು​

ನವದೆಹಲಿ: ಕರೊನಾ ವೈರಸ್​ ಭೀತಿ ಹಿನ್ನೆಲೆಯಲ್ಲಿ 2020ನೇ ಸಾಲಿನ ವಿಂಬಲ್ಡನ್​ ಟೂರ್ನಮೆಂಟ್​ ರದ್ದಾಗಿದೆ. ಎರಡನೇ ವಿಶ್ವಯುದ್ಧ ಬಳಿಕ ಇದೇ ಮೊದಲ ಬಾರಿಗೆ ವಿಶ್ವಪ್ರಸಿದ್ಧ ಟೆನ್ನಿಸ್​ ಟೂರ್ನಮೆಂಟ್​ಗೆ ತಡೆ ನೀಡಲಾಗಿದೆ.

ಟೂರ್ನಮೆಂಟ್​ ಇಂಗ್ಲೆಂಡ್​ನ ಆಲ್​ ಇಂಗ್ಲೆಂಡ್​ ಕ್ಲಬ್​ನಲ್ಲಿ ಜೂನ್​ 29ರಿಂದ ಆರಂಭವಾಗಿ ಜುಲೈ 12ಕ್ಕೆ ಮುಕ್ತಾಯವಾಗಬೇಕಿತ್ತು. ಆದರೆ, ಕರೊನಾ ಕರಿಛಾಯೆ ಟೂರ್ನಮೆಂಟ್​ ಮೇಲೆ ಆವರಿಸಿರುವುದರಿಂದ ವಿಂಬಲ್ಡನ್​ಗೆ ಗುಡ್​ಬೈ ಹೇಳಲಾಗಿದೆ.

ಇದೇ ವೇಳೆ ಮುಂದಿನ ಆವೃತ್ತಿಯ ದಿನಾಂಕವು ಕೂಡ ನಿಗದಿಯಾಗಿದ್ದು, 2021 ಜೂನ್​ 28ರಿಂದ ಜುಲೈ 11ರವರೆಗೆ ವಿಂಬಲ್ಡನ್​ ಟೂರ್ನಿ ನಡೆಯಲಿದೆ.

ಮೊದಲ ವಿಂಬಲ್ಡನ್​ ಟೂರ್ನಿ 1877ರಲ್ಲಿ ನಡೆಯಿತು. ಅಂದಿನಿಂದ ಪ್ರತಿ ವರ್ಷ ನಡೆಸಿಕೊಂಡು ಬರಲಾಗುತ್ತಿದೆ. 1915-18ರವರೆಗೆ ನಡೆದ ಮೊದಲ ವಿಶ್ವಯುದ್ಧ ಮತ್ತು 1940-45ರವರೆಗೆ ನಡೆದ ಎರಡನೇ ವಿಶ್ವಯುದ್ಧದ ವೇಳೆ ಟೂರ್ನಿಯನ್ನು ನಿಲ್ಲಿಸಲಾಗಿತ್ತು. ಅದನ್ನು ಬಿಟ್ಟರೆ ಇದೇ ಮೊದಲ ಬಾರಿಗೆ ಟೂರ್ನಿ ರದ್ದಾಗಿದೆ. (ಏಜೆನ್ಸೀಸ್​)

https://www.vijayavani.net/centre-to-accept-foreign-donations-for-pm-cares-fund-set-up-to-fight-covid-19-sources/

https://www.vijayavani.net/china-punished-covid-whistleblower-claimed-it-came-from-us-and-is-still-lying-about-death-figures/