ಭವಿಷ್ಯದ ದೃಷ್ಟಿಯಿಂದ... Shubman ಗಿಲ್​ರನ್ನು ಉಪನಾಯಕನನ್ನಾಗಿ ನೇಮಿಸಿದ ಕುರಿತು ಅಚ್ಚರಿಯ ಹೇಳಿಕೆ ನೀಡಿದ ಮಾಜಿ ಸ್ಟಾರ್ ಆಟಗಾರ

ಚೆನ್ನೈ: ಮುಂದಿನ ಕೆಲವೇ ದಿನಗಳಲ್ಲಿ ಶುರುವಾಗಲಿರುವ ಚಾಂಪಿಯನ್ಸ್​ ಟ್ರೋಫಿಗೆ ಸಂಬಂಧಿಸಿದಂತೆ ಭಾರತ, ನ್ಯೂಜಿಲೆಂಡ್​, ದಕ್ಷಿಣ ಆಫ್ರಿಕಾ ತಂಡವನ್ನು ಘೋಷಿಸಿದ್ದು, ಟೂರ್ನಿಗೆ ಈಗಾಗಲೇ ತಯಾರಿಯನ್ನು ಆರಂಭಿಸಿವೆ. ಇನ್ನೂ ಭಾರತ ತಂಡದ ವಿಚಾರಕ್ಕೆ ಬರುವುದಾದರೆ ಮೊಹಮ್ಮದ್​​ ಶಮಿ ಹೊರತುಪಡಿಸಿ ಟಿ20 ವಿಶ್ವಕಪ್​ನಲ್ಲಿ ಆಡಿದ್ದ ತಂಡವನ್ನು ಚಾಂಪಿಯನ್ಸ್​ ಟ್ರೋಫಿಗೆ ಆಯ್ಕೆ ಮಾಡಲಾಗಿದ್ದು, ಅಚ್ಚರಿ ಎಂಬಂತೆ ಶುಭಮನ್​ ಗಿಲ್​ಗೆ (Shubman Gill) ಉಪನಾಯಕತ್ವ ನೀಡಲಾಗಿದೆ.

ತಮ್ಮ ಚಾಣಾಕ್ಷ ಆಟದಿಂದಲೇ ಹೆಸರುವಾಸಿಯಾಗಿರುವ ಶುಭಮನ್​ ಗಿಲ್​ (Shubman Gill) ರಾಷ್ಟ್ರೀಯ ತಂಡದಲ್ಲಿ ಈಗಾಗಲೇ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದು, ಮುಂಬರುವ ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಅವರನ್ನು ಉಪನಾಯಕನನ್ನಾಗಿ ನೇಮಿಸಲಾಗಿದೆ. ಈ ಮೊದಲು ಹಾರ್ದಿಕ್​ ಪಾಂಡ್ಯಗೆ ಉಪನಾಯಕತ್ವ ನೀಡಲಾಗುತ್ತದೆ ಎಂದು ಹೇಳಲಾಗಿತ್ತು. ಆದರೆ, ಶುಭಮನ್​ ಗಿಲ್​ಗೆ ಉಪನಾಯಕತ್ವ ನೀಡಿರುವ ವಿಚಾರ ಹೊಸ ಚರ್ಚೆಯನ್ನ ಹುಟ್ಟುಹಾಕಿದ್ದು, ಪರ-ವಿರೋಧಕ್ಕೆ ಕಾರಣವಾಗಿದೆ. ಇದೀಗ ಈ ವಿಚಾರದ ಬಗ್ಗೆ ಟೀಮ್​ ಇಂಡಿಯಾದ  ಮಾಜಿ ಸ್ಟಾರ್ ಆಟಗಾರ ಆರ್. ಅಶ್ವಿನ್​ ಮಾತನಾಡಿದ್ದು, ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ.

ಈ ಬಗ್ಗೆ ತಮ್ಮ ಯೂಟ್ಯೂಬ್​ ಚಾನೆಲ್​ನಲ್ಲಿ ವಿಡಿಯೋ ಒಂದನ್ನುಹಂಚಿಕೊಂಡಿರುವ ಅಶ್ವಿನ್​, ಈಗ ಚಾಂಪಿಯನ್ಸ್​ ಟ್ರೋಫಿಗೆ ಪ್ರಕಟಿಸಿರುವ ತಂಡವನ್ನು ನೋಡುವುದಾದರೆ ಯಾರಿಗೆ ಉಪನಾಯಕತ್ವವನ್ನು ನೀಡಬೇಕಿತ್ತು ಎಂಬುದುದೊಡ್ಡ ಚರ್ಚೆಯಾಗಿದೆ. ಶುಭಮನ್​ ಗಿಲ್​ಗೆ( Shubman Gill) ಉಪನಾಯಕತ್ವ ನೀಡಿರುವ ವಿಚಾರವನ್ನು ನಾನು ಸರಿ ಅಥವಾ ತಪ್ಪು ಎಂದು ಹೇಳುತ್ತಿಲ್ಲ. ಆದರೆ, ಕಳೆದ ಸರಣಿಯಲ್ಲಿ ಗಿಲ್​ ಉಪನಾಯಕನಾಗಿ ತಂಡವನ್ನು ಮುನ್ನಡೆಸಿದ್ದರು. ಹೀಗಾಗಿ ಚಾಂಪಿಯನ್ಸ್​ ಟ್ರೋಫಿಗೂ ಅವರನ್ನೇ ಮುಂದುವರೆಸಲಾಗಿದೆ.

ಭವಿಷ್ಯದ ದೃಷ್ಟಿಯಿಂದ ಶುಭಮನ್​ ಗಿಲ್​ಗೆ (Shubman Gill) ಉಪನಾಯಕತ್ವ ನೀಡಿರುವುದು ನನ್ನ ಪ್ರಕಾರ ಸರಿಯಾದ ಅಂಶ. ಇದರೊಟ್ಟಿಗೆ ಇಂಗ್ಲೆಂಡ್​ ವಿರುದ್ಧದ ಟಿ20 ಸರಣಿಗೆ ಅಕ್ಷರ್​ ಪಟೇಲ್​ರನ್ನು ಉಪನಾಯಕನನ್ನಾಗಿ ನೇಮಿಸಲಾಗಿದೆ. ಇನ್ನೂ ಆಡುವ ಹನ್ನೊಂದರ ಬಳಗಕ್ಕೆ ಬಂದರೆ ಅಕ್ಷರ್​ ಹಾಗೂ ಜಡೇಜಾ ನಡುವೆ ತೀವ್ರ ಪೈಪೋಟಿ ಇದೆ. ಹಾಗೆಯೇ ರಿಷಭ್​ ಪಂತ್​ ಹಾಗೂ ರಾಹುಲ್​ ಪೈಕಿ ಯಾರು ವಿಕೆಟ್​ ಕೀಪಿಂಗ್​ ಮಾಡಲಿದ್ದಾರೆ ಎಂಬುದು ಕೂಡ ದೊಡ್ಡ ಪ್ರಶ್ನೆಯಾಗಿದೆ. ಹೀಗಾಗಿ ಆಡುವ 11ರ ಬಳಗದಲ್ಲಿ ಕಾಯಂ ಸ್ಥಾನ ಪಡೆಯುವ ಆಟಗಾರನಿಗೆ ಉಪನಾಯಕತ್ವವನ್ನು ನೀಡಲಾಗಿದೆ.

ಭವಿಷ್ಯದಲ್ಲಿ ಶುಭಮನ್​ ಗಿಲ್​ಗೆ (Shubman Gill)​ ತಂಡದ ನಾಯಕನಾಗಿ ಅಧಿಕಾರ ವಹಿಸಿಕೊಂಡರೆ ಆತನಿಗೆ ವಿರಾಟ್​ ಹಾಗೂ ಬುಮ್ರಾ ಸರಿಯಾದ ಮಾರ್ಗದರ್ಶನ ನೀಡಲಿದ್ದಾರೆ. ಅಂತಿಮವಾಗಿ ಮುಂದಿನ ದಿನಗಳಲ್ಲಿ ಏನಾಗಲಿದೆ ಎಂಬುದನ್ನು ನಾವೆಲ್ಲರೂ ಎದುರುನೋಡಬೇಕಿದೆ ಎಂದು ಟೀಮ್​ ಇಂಡಿಯಾ ಮಾಜಿ ಆಟಗಾರ ಆರ್. ಅಶ್ವಿನ್​ ತಮ್ಮ ಯೂಟ್ಯೂಬ್​ ಚಾನೆಲ್​ನಲ್ಲಿ ಪೋಸ್ಟ್​ ಮಾಡಿರುವ ವಿಡಿಯೋದಲ್ಲಿ ಅಭಿಪ್ರಾಯಪಟ್ಟಿದ್ದಾರೆ.

https://www.vijayavani.net/you-wont-believe-how-much-saif-ali-khan-paid-auto-driver-for-taking-him-to-hospital-with-taimur-and

https://www.vijayavani.net/woman-waiting-for-bus-sexuall-assaulted-and-robbed-one-arrested-and-other-on-run