ಕ್ರಿಕೆಟ್​ ಲೋಕಕ್ಕೆ ವಿದಾಯ ಹೇಳುತ್ತಾರಾ ಭುವನೇಶ್ವರ್ ಕುಮಾರ್? ಸದ್ದು ಮಾಡದೇ ಗುಡ್​ಬೈ ಹೇಳುವ ಹೊಸ ರೀತಿಯೇ ಇದು?

ನವದೆಹಲಿ: ಇತ್ತೀಚೆಗೆ ಕ್ರಿಕೆಟಿಗ ಭುವನೇಶ್ವರ್ ಕುಮಾರ್ ತಮ್ಮ ಕ್ರಿಕೆಟ್​ ಭವಿಷ್ಯದ ಬಗ್ಗೆ ಊಹಾಪೋಹಗಳಿಗೆ ನಾಂದಿ ಹಾಡಿದ್ದಾರೆ. 33 ವರ್ಷದ ಕ್ರೀಡಾಪಟು ಭುವಿ, ತನ್ನ ಬಯೋದಿಂದ “ಕ್ರಿಕೆಟರ್ "ಎಂಬ ಪದವನ್ನು ತೆಗೆದುಹಾಕಿದ್ದಾರೆ. ಈ ಹಿಂದೆ ಅವರು ತಮ್ಮ ಬಯೋದಲ್ಲಿ “ಭಾರತೀಯ ಕ್ರಿಕೆಟರ್" ಎಂದು ಬರೆದುಕೊಂಡಿದ್ದರು.

ಈಗ ಅವರ ನೂತನ ಬಯೋದಲ್ಲಿ ತಮ್ಮನ್ನು ತಾವು, ಭಾರತೀಯ, ಫ್ಯಾಮಿಲಿ ಫರ್ಸ್ಟ್​, ಸಾಕು ಪ್ರಾಣಿ ಪ್ರೇಮಿ ಹಾಗೂ ಕ್ಯಾಶುಯಲ್ ಗೇಮರ್ ಎಂದು ಗುರುತಿಸಿಕೊಂಡಿದ್ದಾರೆ. ಅವರ ಪ್ರೊಫೈಲ್​ನಲ್ಲಿನ ಈ ಬದಲಾವಣೆಯು ಅಭಿಮಾನಿಗಳ ಗಮನಕ್ಕೆ ಬಾರದದಿರಲಿಲ್ಲ. ಮತ್ತು ಹದ್ದು-ಕಣ್ಣಿನ ನೆಟ್ಟಿಗರು, ಭುವನೇಶ್ವರ್​ ಅವರ ಹಳೆಯ ಹಾಗೂ ಹೊಸ ಬಯೋಗಳ ಸ್ಕ್ರೀನ್ ಶಾಟ್ ಗಳನ್ನು ಹಂಚಿಕೊಳ್ಳಲು ಪ್ರಾರಂಭಿಸಿದ್ದಾರೆ. ಇನ್ನು ಹಲವರು ಊಹಾಪೋಹಗಳನ್ನು ಮಾಡುತ್ತಿದ್ದು ಬಯೋ ಬದಲಾವಣೆಯ ಮಹತ್ವದ ಬಗ್ಗೆ ಚರ್ಚೆ ನಡೆಯುತ್ತಿದೆ.

ಅನೇಕ ಅಭಿಮಾನಿಗಳು “ಇದು ಜೀವನದ ಹಂತ. ಭುವಿ ಸದ್ದಿಲ್ಲದೇ ವಿದಾಯ ಹೇಳುತ್ತಿದ್ದಾರೆ. ಅನೇಕ ಅಭಿಮಾನಿಗಳು ಭುವಿ ಬಗ್ಗೆ ಕಾಳಜಿ ವ್ಯಕ್ತಪಡಿಸಿ ಬೆಂಬಲ ನೀಡಿದರು. ಒಬ್ಬರಂತೂ “ಯಾರ್ ಭುವಿ! ನೀವು ಬಲವಾದ ಕಮ್​ಬ್ಯಾಕ್​ ಮಾಡುತ್ತೀರಿ ಎಂದು ನಾವು ಭಾವಿಸುತ್ತೇವೆ. ಭಾರತದ ಪರ ಆಡಲು ನಿಮ್ಮಲ್ಲಿ ಸಾಕಷ್ಟು ಕ್ರಿಕೆಟ್ ಉಳಿದಿದೆ" ಎಂದು ಇನ್ನೊಬ್ಬರು ಹೇಳಿದರು. ಏತನ್ಮಧ್ಯೆ, ಮೂರನೆಯದು ಕಾಮೆಂಟ್ ಮಾಡಿದ ವ್ಯಕ್ತಿ, “ ಇದು ನಿಜವಾಗಿಯೂ ಭಾರತೀಯ ಕ್ರಿಕೆಟ್ ಗೆ ಹೃದಯ ವಿದ್ರಾವಕವಾಗಿದೆ ವಿಚಾರವಾಗಿದೆ. ತನ್ನನ್ನು ತಾನು ಸಾಬೀತುಪಡಿಸಲು ಅವನಿಗೆ ಕನಿಷ್ಠ ಒಂದು ಅವಕಾಶ ನೀಡಿ" ಎಂದು ಬರೆದಿದ್ದಾರೆ. (ಏಜೆನ್ಸೀಸ್)