'ಭಾರತ ಕ್ರಿಕೆಟ್​ ತಂಡದ ನಾಯಕನ ಸ್ಥಾನ ರೋಹಿತ್​ ಶರ್ಮಾಗೆ ವಹಿಸದೆ ಇದ್ದರೆ ನಾಚಿಕೆಗೇಡು...'

ಕ್ರಿಕೆಟ್​​ನಿಂದ ನಿವೃತ್ತರಾಗಿದ್ದರೂ ಆಗಾಗ ಕ್ರಿಕೆಟ್​ ಬಗ್ಗೆ ಹೇಳಿಕೆ ನೀಡುತ್ತ, ಅವ್ಯವಸ್ಥೆಗಳನ್ನು, ಕೆಲವು ಆಟಗಾರರನ್ನು ಟೀಕಿಸುತ್ತಿರುವ ಗೌತಮ್​ ಗಂಭೀರ್​ ಇದೀಗ ಇನ್ನೊಂದು ಹೊಸ ವಿಷಯ ಮಂಡನೆ ಮಾಡಿದ್ದಾರೆ.

ನಿನ್ನೆ ಐಪಿಎಲ್​​ನಲ್ಲಿ ಮುಂಬೈ ಇಂಡಿಯನ್ಸ್​ ಗೆದ್ದ ಬೆನ್ನಲ್ಲೇ, ಇನ್ನು ಮುಂದೆ ಭಾರತ ಕ್ರಿಕೆಟ್​​ನ ಏಕದಿನ ಪಂದ್ಯ ಮತ್ತು ಐಪಿಎಲ್​ ಪಂದ್ಯಾವಳಿಗಳಿಗೆ ರೋಹಿತ್​ ಶರ್ಮಾ ನಾಯಕತ್ವ ವಹಿಸುವುದು ಉತ್ತಮ ಎಂದು ಗಂಭೀರ್​ ತಿಳಿಸಿದ್ದಾರೆ. ಅದನ್ನೂ ಸ್ವಲ್ಪ ಕಟುವಾಗಿಯೇ ಹೇಳಿದ್ದಾರೆ.

ರೋಹಿತ್​ ಶರ್ಮಾ ನಾಯಕತ್ವದಡಿ ಮುಂಬೈ ಇಂಡಿಯನ್ಸ್​ 5ನೇ ಬಾರಿಗೆ ಐಪಿಎಲ್​ ಟ್ರೋಫಿ ಗೆದ್ದಿದೆ. ಇಷ್ಟಾದರೂ ಭಾರತ ಕ್ರಿಕೆಟ್​ನ ಐಪಿಎಲ್​ ಮತ್ತು ಏಕದಿನ ಪಂದ್ಯಗಳಿಗೆ ಅವರನ್ನು ನಾಯಕನನ್ನಾಗಿ ಮಾಡದೆ ಇದ್ದರೆ, ಅವರಿಗೇ ನಷ್ಟ, ನಾಚಿಕೆಗೇಡು ಎಂದು ಗೌತಮ್​ ಗಂಭೀರ್​ ಹೇಳಿದ್ದಾರೆ.

ವಿರಾಟ್​ ಕೊಹ್ಲಿ ಅಸಮರ್ಥರು ಎಂದಲ್ಲ. ಆದರೆ ವೈಟ್​ಬಾಲ್​ ಕ್ರಿಕೆಟ್​ಗೆ ರೋಹಿತ್​ ಶರ್ಮಾ ಸೂಕ್ತ ಎನ್ನಿಸುತ್ತದೆ. ನಾಯಕತ್ವವನ್ನು ವಿಭಜಿಸಲು ಭಾರತ ಕ್ರಿಕೆಟ್ ಮ್ಯಾನೇಜ್​ಮೆಂಟ್​ ಚಿಂತಿಸಬೇಕು. ಇಂಗ್ಲೆಂಡ್​, ದಕ್ಷಿಣ ಆಫ್ರಿಕಾ ಸೇರಿ ಕೆಲವು ದೇಶಗಳು ಹೀಗೆ ಮಾಡುತ್ತಿವೆ. ಟೆಸ್ಟ್​ಗೆ ಮತ್ತು ಸೀಮಿತ ಓವರ್​ಗಳ ಪಂದ್ಯಕ್ಕೆ ಬೇರೆ ಬೇರೆ ನಾಯಕ ಇರುವುದು ಸೂಕ್ತ ಎಂದು ಗಂಭೀರ್​ ತಮ್ಮ ಚಿಂತನೆ ಮುಂದಿಟ್ಟಿದ್ದಾರೆ.

ವೈಟ್​ಬಾಲ್​​ ಕ್ರಿಕೆಟ್​ನಲ್ಲಿ ವಿರಾಟ್​ ಕೊಹ್ಲಿ ನಾಯಕತ್ವಕ್ಕೂ, ತಮ್ಮ ನಾಯಕತ್ವಕ್ಕೂ ಇರುವ ವ್ಯತ್ಯಾಸವನ್ನು ರೋಹಿತ್​ ಶರ್ಮಾ ತೋರಿಸಿದ್ದಾರೆ. ಇದರಲ್ಲಿ ಓರ್ವ ಆಟಗಾರ ತನ್ನ ನಾಯಕತ್ವದಲ್ಲಿ ಐದು ಸಲ ಕಪ್​ ಗೆಲ್ಲಿಸಿಕೊಟ್ಟಿದ್ದಾರೆ. ಆದರೆ ಇನ್ನೋರ್ವ ಆಟಗಾರ ಒಂದು ಬಾರಿಯೂ ಟ್ರೋಫಿ ಗೆದ್ದಿಲ್ಲ ಎಂದು ಗಂಭೀರ್​ ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/s-jo-biden-from-indian-origin/