ಟಿ20 ವಿಶ್ವಕಪ್​ ಫೈನಲ್​ಗೆ ಅಜೇಯ ಎಂಟ್ರಿ; ಆಸ್ಟ್ರೇಲಿಯಾ ಹೆಸರಿನಲ್ಲಿದ್ದ ವಿಶ್ವದಾಖಲೆಯನ್ನು ಸರಿಗಟ್ಟಿದ ಟೀಮ್​ ಇಂಡಿಯಾ

ಗಯಾನ: ಭರ್ಜರಿ ಪ್ರದರ್ಶನದ ಮೂಲಕ 09ನೇ ಆವೃತ್ತಿಯ ಟಿ20 ವಿಶ್ವಕಪ್​ನಲ್ಲಿ ಟೀಮ್​ ಇಂಡಿಯಾ ಅಜೇವಾಗಿ ಫೈನಲ್​ ಪ್ರವೇಶಿಸಿದ್ದು, ಕಪ್​ ಬರವನ್ನು ಈ ಬಾರಿ ನೀಗಿಸುವ ಸ್ಪಷ್ಟ ಸಂದೇಶ ರವಾನಿಸಿದೆ. ಶನಿವಾರ (ಜೂನ್ 29) ನಡೆಯುವ ಟಿ20 ವಿಶ್ವಕಪ್​ನ ಫೈನಲ್​ನಲ್ಲಿ ದಕ್ಷಿಣ ಆಫ್ರಿಕಾವನ್ನು ಎದುರಿಸಲಿದ್ದು, ಕಪ್​ ಗೆಲ್ಲುವ ನಿಟ್ಟಿನಲ್ಲಿ ರೋಹಿತ್​ ಪಡೆ ತಾಲೀಮು ನಡೆಸುತ್ತಿದೆ.

ಈ ಬಾರಿಯ ಚುಟುಕು ವಿಶ್ವ ಸಮರದಲ್ಲಿ ಟೀಮ್​ ಇಂಡಿಯಾ ಹಲವು ದಾಖಲೆಗಳನ್ನು ನಿರ್ಮಿಸಿದ್ದು, ಇದೀಗ ಆಸ್ಟ್ರೇಲಿಯಾ ತಂಡದ ಹೆಸರಿನಲ್ಲಿದ್ದ ವಿಶ್ವದಾಖಲೆಯನ್ನು ಸರಿಗಟ್ಟಿ ತನ್ನದಾಗಿಸಿಕೊಳ್ಳುವ ಮೂಲಕ ವರ್ಲ್ಡ್​​ ರೆಕಾರ್ಡ್​ ನಿರ್ಮಿಸಿದೆ. ರೋಹಿತ್​ ಪಡೆಯ ನಿರ್ಮಿಸಿರುವ ಈ ದಾಖಲೆ ಬೇರೆ ತಂಡಗಳ ನಿದ್ದೆಗೆಡಿಸಿದೆ.

ಐಸಿಸಿ ಅಡಿಯಲ್ಲಿ ಟೂರ್ನಮೆಂಟ್​ಗಳಲ್ಲಿ ಅತಿ ಹೆಚ್ಚು ಬಾರಿ ಫಯನಲ್​ ಆಡಿದ ವಿಶ್ವದಾಖಲೆ ಆಸ್ಟ್ರೇಲಿಯಾ ತಂಡದ ಹೆಸರಿನಲ್ಲಿತ್ತು. ಮಾಜಿ ವಿಶ್ವ ಚಾಂಪಿಯನ್ನರು ಐಸಿಸಿ ಅಡಿಯಲ್ಲಿ ನಡೆಯುವ ಟೂರ್ನಿಗಳಲ್ಲಿ ಒಟ್ಟು 13ಬಾರಿ ಫೈನಲ್​ ಪ್ರವೇಶಿಸಿದ್ದು, ಇದೀಗ ಈ ದಾಖಲೆಯನ್ನು ಟೀಮ್​ ಇಂಡಿಯಾ ಸರಿಗಟ್ಟುವ ಮೂಲಕ ಆಸ್ಟ್ರೇಲಿಯಾಗೆ ಶಾಕ್​ ನೀಡಿದೆ. ಟೀಮ್​ ಇಂಡಿಯಾದ ಈ ಸಾಧನೆಗೆ ಮಾಜಿ ಕ್ರಿಕೆಟಿಗರು ಹಾಡಿ ಹೊಗಳುತ್ತಿದ್ದಾರೆ.

ಇದನ್ನೂ ಓದಿ: ಆಡಲು ಕಠಿಣ…; ಆಂಗ್ಲರನ್ನು ಮಣಿಸಿ ಫೈನಲ್​ಗೇರಿದ ಬಳಿಕ ರೋಹಿತ್​ ಶರ್ಮ ಹೇಳಿದ್ದಿಷ್ಟು

ಐಸಿಸಿ ನಡೆಸುವ ಟೂರ್ನಿಗಳಲ್ಲಿ ಅಂದರೆ ಏಕದಿನ, ಟಿ20, ಚಾಂಪಿಯನ್ಸ್​ ಟ್ರೋಫಿ, ಟೆಸ್ಟ್​ ಚಾಂಪಿಯನ್​ಶಿಪ್​ನಲ್ಲಿ ಒಟ್ಟು 12 ಬಾರಿ ಫೈನಲ್ ಆಡಿರುವ ಟೀಮ್ ಇಂಡಿಯಾ ಇದೀಗ 13ನೇ ಬಾರಿಗೆ ಪ್ರಶಸ್ತಿ ಸುತ್ತಿಗೆ ಪ್ರವೇಶಿಸಿದೆ. ಈ ಮೂಲಕ 13 ಬಾರಿ ಐಸಿಸಿ ಫೈನಲ್ ಆಡಿರುವ ಆಸ್ಟ್ರೇಲಿಯಾ ತಂಡದ ದಾಖಲೆಯನ್ನು ಟೀಮ್ ಇಂಡಿಯಾ ಸರಿಗಟ್ಟಿದೆ.

ಈ ಹಿಂದಿನ 12 ಐಸಿಸಿ ಫೈನಲ್​ನಲ್ಲಿ ಭಾರತ ತಂಡವು 5 ಬಾರಿ ಮಾತ್ರ ಪ್ರಶಸ್ತಿ ಗೆದ್ದುಕೊಂಡಿದೆ. 1983 ಮತ್ತು 2011ರಲ್ಲಿ ಏಕದಿನ ವಿಶ್ವಕಪ್ ಗೆದ್ದುಕೊಂಡರೆ, 2007 ರಲ್ಲಿ ಟಿ20 ವಿಶ್ವಕಪ್ ಗೆದ್ದುಕೊಂಡಿತ್ತು. ಇನ್ನು 2002 ಮತ್ತು 2013 ರಲ್ಲಿ ಟೀಮ್ ಇಂಡಿಯಾ ಚಾಂಪಿಯನ್ಸ್ ಟ್ರೋಫಿಯನ್ನು ಮುಡಿಗೇರಿಸಿಕೊಂಡಿದೆ. ಇದಿಗ 13ನೇ ಬಾರಿಗೆ ಫೈನಲ್​ಗೆ ಪ್ರವೇಶಿಸಿರುವ ಟೀಮ್ ಇಂಡಿಯಾ 6ನೇ ಬಾರಿ ಚಾಂಪಿಯನ್ ಪಟ್ಟ ಅಲಂಕರಿಸುವ ವಿಶ್ವಾಸದಲ್ಲಿದೆ. ಶನಿವಾರ (ಜೂನ್ 29) ಬಾರ್ಬಡೋಸ್​ನ ಕೆನ್ಸಿಂಗ್ಟನ್ ಓವಲ್ ಮೈದಾನದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್​ನ ಫೈನಲ್​ನಲ್ಲಿ ಭಾರತ ತಂಡವು ದಕ್ಷಿಣ ಆಫ್ರಿಕಾವನ್ನು ಮಣಿಸುವ ಮೂಲಕ ಎರಡನೇ ಬಾರಿಗೆ ಟಿ20 ವಿಶ್ವಕಪ್​ಅನ್ನು ಮುಡಿಗೇರಿಸಿಕೊಳ್ಳಲಿದೆಯಾ ಎಂದು ಕಾದು ನೋಡಬೇಕಿದೆ.

https://www.vijayavani.net/rohit-sharma-has-been-calm-just-because-virat-kohli-didnt-score-ambati-rayudu-drops-verdict-on-india-great

https://www.vijayavani.net/telugu-actor-nagashourya-posts-in-favour-of-actor-darshan-related-to-renukaswamy-case