ಎಸ್ಸಿಜಿ ಕ್ರೀಡಾಂಗಣದಲ್ಲಿ ಶನಿವಾರ ಮುಕ್ತಾಯಗೊಂಡ ಪಂದ್ಯದಲ್ಲಿ 7 ವಿಕೆಟ್ಗೆ 68 ರನ್ಗಳಿಂದ ದಿನದ ಆಟ ಆರಂಭಿಸಿದ ಪಾಕಿಸ್ತಾನ, 43.1 ಓವರ್ಗಳಲ್ಲಿ 115 ರನ್ಗಳಿಗೆ ದ್ವಿತೀಯ ಇನಿಂಗ್ಸ್ ಮುಗಿಸಿತು. 130 ರನ್ ಗುರಿ ಪಡೆದ ಆಸೀಸ್, ಆರಂಭಿಕ ಉಸ್ಮಾನ್ ಖವಾಜ (0) ವಿಕೆಟ್ ಬೇಗನೆ ಕಳೆದುಕೊಂಡರೂ, ವಾರ್ನರ್ ಹಾಗೂ ಮಾರ್ನಸ್ ಲಬುಶೇನ್ (62* ರನ್, 73 ಎಸೆತ, 9 ಬೌಂಡರಿ) ಜೋಡಿ 2ನೇ ವಿಕೆಟ್ಗೆ 119 ರನ್ ಸೇರಿಸಿದ ಬಲದೊಂದಿಗೆ ಜಯದತ್ತ ಸಾಗಿತು. 37ನೇ ಅರ್ಧಶತಕ ಗಳಿಸಿದ ವಾರ್ನರ್, ಸಾಜೀದ್ ಖಾನ್ಗೆ ವಿಕೆಟ್ ನೀಡಿದರು. ಅಂತಿಮವಾಗಿ 25.5 ಓವರ್ಗಳಲ್ಲಿ 2 ವಿಕೆಟ್ಗೆ 130 ರನ್ಗಳಿಸಿದ ಆಸೀಸ್, ಇನ್ನೂ ಒಂದು ದಿನ ಬಾಕಿಯಿರುವಂತೆಯೇ ಸುಲಭ ಗೆಲುವು ದಾಖಲಿಸಿತು .
