ಮುಂಬೈ: ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಹಾಗೂ ಬಾಲಿವುಡ್ ನಟಿ ಅನುಷ್ಕಾ ಶರ್ಮ ಜೋಡಿಗೆ ಕಳೆದ ಜನವರಿ ತಿಂಗಳಲ್ಲಿ ಹಿಂದೆ ಹೆಣ್ಣುಮಗವಿನ ಜನನವಾಯಿತು. ಈ ಜೋಡಿ ಇದುವರೆಗೂ ತಮ್ಮ ಮಗುವಿನ ಫೋಟೋವನ್ನು ಎಲ್ಲೂ ಬಿಡುಗಡೆಗೊಳಿಸಿಲ್ಲ. ಸಾರ್ವಜನಿಕವಾಗಿ ಕಂಡರೂ ಮಗುವಿನ ಮುಖಮುಚ್ಚಿಕೊಂಡೇ ಈ ಜೊಡಿ ಓಡಾಡುತ್ತದೆ. ಮೂರು ದಿನಗಳ ಹಿಂದಷ್ಟೇ ಈ ಜೋಡಿ ಇಂಗ್ಲೆಂಡ್ಗೆ ಪ್ರಯಾಣ ಬೆಳೆಸಿತು. ಈ ವೇಳೆ ಮುಂಬೈ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ಈ ಜೋಡಿಯ ಫೋಟೋ ತೆಗೆಯಲು ಮಾಧ್ಯಮ ಮಂದಿ ಕಾಯುತ್ತಿದ್ದ ನಿಂತಿದ್ದರು. ಆದರೆ, ಈ ಜೋಡಿ ಮಗುವಿನ ಮುಖಮುಚ್ಚಿಕೊಂಡೆ ಹೆಜ್ಜೆಹಾಕಿತು. ಈ ಸುದ್ದಿಯನ್ನು ಮಾಧ್ಯಮಗಳಲ್ಲಿ ಗಮನಿಸಿದ ನೆಟ್ಟಿಗರು, ಹೀಗೆ ಮಗುವಿನ ಮುಖ ಮುಚ್ಚಿದರೆ, ಮಗುವಿಗೆ ಉಸಿರುಕಟ್ಟುತ್ತದೆ ಎಂದು ಕೊಹ್ಲಿ ದಂಪತಿಗೆ ಎಚ್ಚರಿಕೆಯ ಜತೆಗೆ ಕಾಲೆಳೆದಿದ್ದಾರೆ.
