ಏನಿದು ಘಟನೆ: ಕಳೆದ ಭಾನುವಾರ ಸಂಬಂಧಿಕರ ಮನೆಗೆ ತೆರಳಿದ್ದ ಸಲೋನಿ ಕುಟುಂಬ ರಾತ್ರಿ 1.30ರವರೆಗೆ ಸ್ವಾಮಿ ಕಾಲನಿಯಲ್ಲಿರುವ ಮನೆಗೆ ಮರಳಿತ್ತು. ಸಲೋನಿ ತಾಯಿ ಅಂಜು ಕಾರಿನಿಂದ ಇಳಿದು ಮೊದಲು ಮನೆಕಡೆ ನಡೆದಿದ್ದರು. ಆಗ ಅಲ್ಲೇ ಬಚ್ಚಿಟ್ಟುಕೊಂಡಿದ್ದ ಕಳ್ಳನನ್ನು ನೋಡಿ ಕಿರುಚಿದ್ದರು. ಆಗ ಕಾರಿನಿಂದ ಇಳಿದ ಸಲೋನಿ, ಓಡುತ್ತಿದ್ದ ಕಳ್ಳನನ್ನು ಬೆನ್ನಟ್ಟಿ ಆತನೊಂದಿಗೆ 10 ನಿಮಿಷಗಳ ಕಾಲ ಸೆಣಸಾಡಿದ್ದರು. ಗಲಾಟೆ ಕೇಳಿ ಅಲ್ಲಿಗೆ ಬಂದ ನೆರೆಹೊರೆಯವರ ಸಹಾಯದಿಂದ ಬಳಿಕ ಕಳ್ಳನನ್ನು ಹಿಡಿದಿಟ್ಟುಕೊಂಡು ಪೊಲೀಸರಿಗೆ ಒಪ್ಪಿಸಿದ್ದರು. ಈ ಸೆಣಸಾಟದ ವೇಳೆ ಸಲೋನಿ ಕೈಗೆ ತರಚಿದ ಗಾಯಗಳಾಗಿವೆ. ಕಳ್ಳನನ್ನು ಮಧ್ಯಪ್ರದೇಶ ಮೂಲದ ಧನರಾಜ್ ಪಂಚೇಶ್ವರ್ ಎಂದು ಪೊಲೀಸರು ಗುರುತಿಸಿದ್ದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಆತನ ಬಳಿ ಇದ್ದ ಚೀಲದಲ್ಲಿ ಉದ್ದದ ಬ್ಲೇಡ್ಗಳು, ಸ್ಕ್ರೂಡ್ರೖೆವರ್ ಮತ್ತಿತರ ಹರಿತವಾದ ಸಲಕರಣಗಳು ಪತ್ತೆಯಾಗಿವೆ. ಕಳ್ಳನ ಜತೆ ಅಷ್ಟು ಸಮಯ ಬರಿಗೈಯಲ್ಲಿ ಹೋರಾಡಿ ಹಿಡಿದ ಸಲೋನಿ ಸಾಹಸ ಪ್ರಶಂಸಾರ್ಹ ಎಂದು ಪೊಲೀಸ್ ಇನ್ಸ್ಪೆಕ್ಟರ್ ಸುನೀಲ್ ಗಂಗುರ್ಡೆ ತಿಳಿಸಿದ್ದಾರೆ. -ಏಜೆನ್ಸೀಸ್
