ಕರೊನಾ ವೈರಸ್ ಲಾಕ್ಡೌನ್ನಿಂದಾಗಿ ಕಳೆದ ಎರಡೂವರೆ ತಿಂಗಳಿಂದ ಮನೆಯಲ್ಲೇ ಲಾಕ್ ಆಗಿರುವ ಕ್ರಿಕೆಟ್ ವೇದಾಕೃಷ್ಣಮೂರ್ತಿ, ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿದ್ದಾರೆ. ಮನೆಯಲ್ಲೇ ಫಿಟ್ನೆಸ್, ಅಡುಗೆ ಮಾಡುವುದು, ಟಿಕ್ಟಾಕ್ (ಈಗ ನಿಲ್ಲಿಸಿದ್ದಾರೆ) ಅವರ ನೆಚ್ಚಿನ ಹವ್ಯಾಸಗಳಾಗಿದ್ದವು. ಲಾಕ್ಡೌನ್ನಿಂದಾಗಿ ಪಾಲಕರಿಂದ ದೂರವಿದ್ದ ವೇದಾ, ಈಗ ಸಡಿಲಿಕೆಗೊಂಡ ಬಳಿಕ ತವರಿಗೆ ತೆರಳಿದ್ದಾರೆ. ಅಲ್ಲಿ ತಂದೆಯೊಂದಿಗೆ ದೇವತಾ ಮನುಷ್ಯಾ ಚಿತ್ರದ ಹಾಡಿಗೆ ಡ್ಯಾನ್ಸ್ ಮಾಡುವ ಮೂಲಕ ಎಲ್ಲರ ಗಮನಸೆಳೆದಿದ್ದಾರೆ. ‘ಒಪ್ಪಿಸೋಕೆ ಸ್ವಲ್ಪ ಕಷ್ಟ ಆಯಿತು. ಕೊನೆಗೂ ಒಪ್ಪಿಕೊಂಡ್ರು, ನನ್ನ ಪ್ರೀತಿಯ ಅಪ್ಪ’ ಎಂಬ ಅಡಿ ಬರಹದೊಂದಿಗೆ ವೇದಾ ಕೃಷ್ಣಮೂರ್ತಿ ವಿಡಿಯೋವನ್ನು ಇನ್ಸ್ಟಾಗ್ರಾಂನಲ್ಲಿ ಪ್ರಕಟಿಸಿದ್ದಾರೆ. ಜತೆಗೆ ಇದು ಟಿಕ್ಟಾಕ್ ಅಲ್ಲ ಅಂತಾನೂ ಬರೆದುಕೊಂಡಿದ್ದಾರೆ. ಇದರ ಬೆನ್ನಲ್ಲೇ ಸಾವಿರಾರು ಜನ ವಿಡಿಯೋ ಲೈಕ್ ಮಾಡಿದ್ದು, ಅಪ್ಪ-ಮಗಳ ಸಂಬಂಧದ ಕುರಿತುಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
