ಗುರುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ಗೆ ಇಳಿದ ಇಂಗ್ಲೆಂಡ್, ಆರಂಭಿಕ ಬೆನ್ ಡಕೆಟ್ (95 ರನ್, 91 ಎಸೆತ, 11 ಬೌಂಡರಿ) ಹಾಗೂ ವಿಲ್ ಜಾಕ್ಸ್ (62 ರನ್, 56 ಎಸೆತ, 5 ಬೌಂಡರಿ, 2 ಸಿಕ್ಸರ್) ಜತೆಯಾಟದ ನೆರವಿನಿಂದ 49.4 ಓವರ್ಗಳಲ್ಲಿ 315 ರನ್ಗಳಿಗೆ ಆಲೌಟ್ ಆಯಿತು. ಪ್ರತಿಯಾಗಿ ಟ್ರಾವಿಸ್ ಹೆಡ್ ಹಾಗೂ ಮಾರ್ನಸ್ ಲಬುಶೇನ್ (77* ರನ್, 61 ಎಸೆತ, 7 ಬೌಂಡರಿ, 2 ಸಿಕ್ಸರ್) ದಿಟ್ಟ ಜತೆಯಾಟದ ಬಲದಿಂದ 44 ಓವರ್ಗಳಲ್ಲಿ 3 ವಿಕೆಟ್ಗೆ 317 ರನ್ಗಳಿಸಿ ಜಯದ ನಗೆ ಬೀರಿತು. ಟ್ರಾವಿಸ್ ಹೆಡ್ ಏಕದಿನ ಕ್ರಿಕೆಟ್ನಲ್ಲಿ ಆರನೇ ಶತಕ ಸಿಡಿಸಿದರು. ಸ್ಪಿನ್ನರ್ ಆಡಂ ಜಂಪಾ ನೂರನೇ ಏಕದಿನ ಪಂದ್ಯವನ್ನಾಡುವ ಮೂಲಕ ಒಂದೂ ಟೆಸ್ಟ್ ಆಡದೆ ಈ ಸಾಧನೆ ಮಾಡಿದ ಮೊದಲ ಆಸೀಸ್ ಆಟಗಾರ ಎನಿಸಿದರು.
