ಇಂದು ಡೆಲ್ಲಿ ಕ್ಯಾಪಿಟಲ್ಸ್​ಗೆ ಕೋಲ್ಕತ ನೈಟ್​ರೈಡರ್ಸ್​ ಸವಾಲು

ಅಹಮದಾಬಾದ್​: ದಿಟ್ಟ ನಿರ್ವಹಣೆಯ ಹೊರತಾಗಿಯೂ ಆರ್​ಸಿಬಿ ವಿರುದ್ಧ ಕೇವಲ 1 ರನ್​ನಿಂದ ಸೋಲು ಕಂಡು ನಿರಾಸೆ ಅನುಭವಿಸಿದ ಹಾಲಿ ರನ್ನರ್​ಅಪ್​ ಡೆಲ್ಲಿ ಕ್ಯಾಪಿಟಲ್ಸ್​ ತಂಡಕ್ಕೆ ಐಪಿಎಲ್​&14ರಲ್ಲಿ ಗುರುವಾರದ 2ನೇ ಪಂದ್ಯದಲ್ಲಿ ಕೋಲ್ಕತ ನೈಟ್​ರೈಡರ್ಸ್​ ತಂಡದ ಸವಾಲು ಎದುರಾಗಲಿದೆ. ಅಸ್ಥಿರ ಬ್ಯಾಟಿಂಗ್​ ನಿರ್ವಹಣೆಯ ನಡುವೆಯೂ ಕಳೆದ ಪಂದ್ಯದಲ್ಲಿ ಗೆಲುವಿನ ಹಾದಿಗೆ ಮರಳಿರುವ ಇವೊಯಿನ್​ ಮಾರ್ಗನ್​ ಪಡೆ ಇದೀಗ ಅದನ್ನು ಉಳಿಸಿಕೊಳ್ಳುವ ಹಂಬಲದಲ್ಲಿದೆ. ಹ್ಯಾಟ್ರಿಕ್​ ಗೆಲುವಿನ ಲಯದಲ್ಲಿದ್ದ ಡೆಲ್ಲಿ ತಂಡ ಆರ್​ಸಿಬಿ ವಿರುದ್ಧದ ಕಳೆದ ಪಂದ್ಯದಲ್ಲಿ ವೀರೋಚಿತವಾಗಿ ಸೋಲು ಕಂಡಿದ್ದರೆ, ಕೆಕೆಆರ್​ ತಂಡ ಸತತ 4 ಸೋಲಿನ ಬಳಿಕ ಪಂಜಾಬ್​ ಕಿಂಗ್ಸ್​ ವಿರುದ್ಧದ ಕಳೆದ ಪಂದ್ಯದಲ್ಲಿ ಗೆಲುವಿನ ಹಳಿಗೇರಿದೆ. ಡೆಲ್ಲಿ ಆಡಿದ 6 ಪಂದ್ಯಗಳಲ್ಲಿ 4ರಲ್ಲಿ ಗೆದ್ದು ಉತ್ತಮ ಾಮ್​ರ್ನಲ್ಲೇ ಇದ್ದರೆ, ಕೆಕೆಆರ್​ ತಂಡ ಇದಕ್ಕೆ ವ್ಯತಿರಿಕ್ತವಾಗಿ ಆಡಿದ 6 ಪಂದ್ಯಗಳಲ್ಲಿ 4ರಲ್ಲಿ ಸೋತಿದೆ.

ಕೆಕೆಆರ್​ಗೆ ಆರಂಭದ್ದೇ ಸಮಸ್ಯೆ

ಸುನೀಲ್​ ನಾರಾಯಣ್​ ಮತ್ತು ವರುಣ್​ ಚಕ್ರವತಿರ್ ಸ್ಪಿನ್​ ಬಲದಿಂದ ಕಳೆದ ಪಂದ್ಯದಲ್ಲಿ ಪಂಜಾಬ್​ ತಂಡದ ಬಲಿಷ್ಠ ಬ್ಯಾಟಿಂಗ್​ಗೆ ಕಡಿವಾಣ ಹಾಕಿರುವ ಕೆಕೆಆರ್​ ತಂಡಕ್ಕೆ ಅಗ್ರ ಕ್ರಮಾಂಕದ ಬ್ಯಾಟಿಂಗ್​ ವೈಫಲ್ಯ ಚಿಂತೆಯಾಗಿದೆ. ಶುಭಮಾನ್​ ಗಿಲ್​ ಆಡಿದ 6 ಪಂದ್ಯಗಳಲ್ಲಿ 89 ರನ್​ ಮಾತ್ರ ಗಳಿಸಿದ್ದಾರೆ. ಪಂಜಾಬ್​ ವಿರುದ್ಧ 124 ರನ್​ ಬೆನ್ನಟ್ಟುವ ಯತ್ನದಲ್ಲಿ 17 ರನ್​ಗೆ 3 ವಿಕೆಟ್​ ಕಳೆದುಕೊಂಡಿತ್ತು. ಬಳಿಕ ನಾಯಕ ಮಾರ್ಗನ್​ ಸಾಹಸದಿಂದ ಗೆಲುವಿನ ದಡ ಸೇರುವಲ್ಲಿ ಸಫಲವಾಗಿತ್ತು. ಇದೀಗ ರಬಾಡ, ಆವೇಶ್​ ಖಾನ್​, ಇಶಾಂತ್​ ಶರ್ಮ, ಅರ್​ ಪಟೇಲ್​ ಮತ್ತು ಅಮಿತ್​ ಮಿಶ್ರಾ ಒಳಗೊಂಡ ಡೆಲ್ಲಿ ತಂಡ ಬಲಿಷ್ಠ ಬೌಲಿಂಗ್​ ವಿಭಾಗದ ಎದುರು ಕೆಕೆಆರ್​ ತಂಡದ ಬ್ಯಾಟಿಂಗ್​ ವಿಭಾಗಕ್ಕೆ ಸತ್ವಪರೀಕ್ಷೆ ಎದುರಾಗಲಿದೆ.

ಡೆಲ್ಲಿ ಬ್ಯಾಟಿಂಗ್​ ಬಲಿಷ್ಠ

ಆರ್​ಸಿಬಿ ವಿರುದ್ಧದ ರೋಚಕ ಸೋಲಿನ ಹೊರತಾಗಿಯೂ ಡೆಲ್ಲಿ ತಂಡದ ಬ್ಯಾಟಿಂಗ್​ ವಿಭಾಗ ಬಲಿಷ್ಠವಾಗಿದೆ ಎಂಬುದರಲ್ಲಿ ಎರಡು ಮಾತಿಲ್ಲ. ಶಿಖರ್​ ಧವನ್​, ಪೃಥ್ವಿ ಷಾ, ಸ್ಟೀವನ್​ ಸ್ಮಿತ್​, ನಾಯಕ ರಿಷಭ್​ ಪಂತ್​ ಜತೆಗೆ ಕಳೆದ ಪಂದ್ಯದಲ್ಲಿ ಶಿಮ್ರೋನ್​ ಹೆಟ್ಮೆಯರ್​ ಕೂಡ ಕಳೆದ ಪಂದ್ಯದಲ್ಲಿ ಬಿರುಸಿನ ಆಟವಾಡಿದ್ದರು. ಯುವ ವೇಗಿ ಆವೇಶ್​ ಖಾನ್​ 6 ಪಂದ್ಯಗಳಲ್ಲಿ 12 ವಿಕೆಟ್​ ಕಬಳಿಸಿ ಡೆಲ್ಲಿ ತಂಡದ ಬೌಲಿಂಗ್​ ಬಲ ಹೆಚ್ಚಿಸಿದ್ದಾರೆ. ಕರೊನಾದಿಂದ ಚೇತರಿಸಿಕೊಂಡ ಆಲ್ರೌಂಡರ್​ ಅರ್​ ಪಟೇಲ್​ ಸೇರ್ಪಡೆಯೂ ತಂಡದ ಸಂಯೋಜನೆಯನ್ನು ಬಲಿಷ್ಠಗೊಳಿಸಿದೆ. ಆದರೆ ಮಾರ್ಕಸ್​ ಸ್ಟೋಯಿನಿಸ್​ ಈ ಬಾರಿ ಕಳೆದ ಆವೃತ್ತಿಯ ಗೆಲುವಿನ ಆಟವನ್ನು ಇನ್ನೂ ಪ್ರದಶಿರ್ಸದಿರುವುದು ಮಾತ್ರ ಡೆಲ್ಲಿಗೆ ಹಿನ್ನಡೆಯಾಗಿದೆ. ಪ್ರಮುಖವಾಗಿ ಬೌಲಿಂಗ್​ನಲ್ಲಿ ಸ್ಟೋಯಿನಿಸ್​ ಇನ್ನೂ ಪರಿಣಾಮಕಾರಿ ಎನಿಸಿಲ್ಲ.

ಡೆಲ್ಲಿ ಕ್ಯಾಪಿಟಲ್ಸ್​: ಆರ್​ಸಿಬಿ ವಿರುದ್ಧದ ಸೋಲಿನ ಹೊರತಾಗಿಯೂ ತಂಡದ ಸಂಯೋಜನೆ ಬದಲಾಗುವ ಸಾಧ್ಯತೆ ಕಡಿಮೆ. ಟೂನಿರ್ಯಿಂದ ಹಿಂದೆ ಸರಿದ ಸ್ಪಿನ್ನರ್​ ಆರ್​. ಅಶ್ವಿನ್​ ಸ್ಥಾನವನ್ನು ವೇಗಿ ಇಶಾಂತ್​ ಶರ್ಮ ಸಮರ್ಥವಾಗಿಯೇ ತುಂಬಿದ್ದಾರೆ.

ಕಳೆದ ಪಂದ್ಯ: ಆರ್​ಸಿಬಿ ವಿರುದ್ಧ 1 ರನ್​ ಸೋಲು.

ಕೋಲ್ಕತ ನೈಟ್​ರೈಡರ್ಸ್​: ದಿಗ್ಗಜ ಸುನೀಲ್​ ಗಾವಸ್ಕರ್​ ಅವರು, ಸುನೀಲ್​ ನಾರಾಯಣ್​ ಅವರು ರಾಹುಲ್​ ತ್ರಿಪಾಠಿ ಜತೆಗೆ ಇನಿಂಗ್ಸ್​ ಆರಂಭಿಸಬೇಕು ಮತ್ತು ಶುಭಮಾನ್​ ಗಿಲ್​ ಮಧ್ಯಮ ಕ್ರಮಾಂಕದಲ್ಲಿ ಆಡಬೇಕೆಂದು ಸಲಹೆ ನೀಡಿದ್ದಾರೆ. ಇದನ್ನು ಕೆಕೆಆರ್​ ತಂಡ ಸ್ವೀಕರಿಸುವುದೇ ಎಂಬುದನ್ನು ಕಾದುನೋಡಬೇಕಿದೆ.

ಕಳೆದ ಪಂದ್ಯ: ಪಂಜಾಬ್​ ಕಿಂಗ್ಸ್​ ವಿರುದ್ಧ 5 ವಿಕೆಟ್​ ಜಯ.

ಮುಖಾಮುಖಿ: 25

ಡೆಲ್ಲಿ: 11

ಕೆಕೆಆರ್​: 14

ಆರಂಭ: ರಾತ್ರಿ 7.30

ನೇರಪ್ರಸಾರ: ಸ್ಟಾರ್​ ಸ್ಪೋರ್ಟ್ಸ್​

https://www.vijayavani.net/former-cricketer-venkatesh-prasad-said-the-importance-of-hanuman-chalisa-said-all-crisis-will-be-overcome/