ಶ್ರೇಯಸ್ ಅಯ್ಯರ್ ಅವರಂಥ ಮುಂಚೂಣಿ ಆಟಗಾರ 2023 ರ ಐಸಿಸಿ ವಿಶ್ವಕಪ್ಗೆ ಅಲಭ್ಯವಾದರೆ, ನಿರ್ಣಾಯಕ 4ನೇ ಸ್ಥಾನಕ್ಕಾಗಿ ಭಾರತಕ್ಕೆ ಹಲವಾರು ಆಯ್ಕೆಗಳಿವೆ. ಆದರೆ ಈ ಕ್ರಮಾಂಕಕ್ಕೆ ಭರವಸೆಯ ಎಡಗೈ ಬ್ಯಾಟರ್ ತಿಲಕ್ ವರ್ಮ ಸೂಕ್ತ ಆಯ್ಕೆ ಎಂದಿದ್ದಾರೆ. ಖಾಸಗಿ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ನಾನು ತಿಲಕ್ ವರ್ಮ ಅವರನ್ನು ಆಯ್ಕೆಯಾಗಿ ನೋಡುತ್ತೇನೆ. ತಿಲಕ್ ಎಡಗೈ ಆಟಗಾರನಾಗಿದ್ದು, ಉತ್ತಮ ಹೊಂದಾಣಿಕೆ ಮತ್ತು ನಿರ್ಭೀತವಾಗಿ ಬ್ಯಾಟ್ ಬೀಸಲಿದ್ದಾರೆ. ಯಶಸ್ವಿ ಜೈಸ್ವಾಲ್ (ಮೀಸಲು ಆರಂಭಿಕ , ಇಶಾನ್ ಕಿಶನ್ಗೆ (ವಿಕೆಟ್ ಕೀಪರ್-ಬ್ಯಾಟರ್) ಭಾರತದ ವಿಶ್ವಕಪ್ ತಂಡದಲ್ಲಿ ಸ್ಥಾನ ನೀಡಬೇಕು. ತಿಲಕ್ ತುಂಬಾ ಉತ್ತಮ ಆಟಗಾರ, ಹೆಚ್ಚು ಅನುಭವ ಹೊಂದಿಲ್ಲ, ಆದರೂ ಪರವಾಗಿಲ್ಲ. ತಂಡದ ಅಗ್ರ ಕ್ರಮಾಂಕದಲ್ಲಿ ಯುವ ಎಡಗೈ ಆಟಗಾರ ಜೈಸ್ವಾಲ್ನನ್ನು ನೋಡಲು ಬಯಸುತ್ತೇನೆ. ಆತ ಅಗಾಧ ಸಾಮರ್ಥ್ಯವನ್ನು ಹೊಂದಿದ್ದಾನೆ ಮತ್ತು ಆಕ್ರಮಣಕಾರಿ ಬ್ಯಾಟಿಂಗ್ ಶೈಲಿ ಹೊಂದಿದ್ದಾನೆ. ಭಾರತ ತಂಡ ಅನುಭವಿ ಮತ್ತು ತಾಜಾ ಮುಖಗಳ ಮಿಶ್ರಣವಾಗಿರಬೇಕು ಎಂದು ಗಂಗೂಲಿ ಉಲ್ಲೇಖಿಸಿದ್ದಾರೆ.
