765 ಅಂತಾರಾಷ್ಟ್ರೀಯ ವಿಕೆಟ್, 11 ಸರಣಿಶ್ರೇಷ್ಠ ಪ್ರಶಸ್ತಿ ಜತೆಗೆ 2011ರ ಏಕದಿನ ವಿಶ್ವಕಪ್ ಮತ್ತು 2013ರ ಚಾಂಪಿಯನ್ಸ್ ಟ್ರೋಫಿ ಸಹಿತ ಭಾರತದ ಹಲವು ಗೆಲುವುಗಳಿಗೆ ಅಶ್ವಿನ್ ಕೊಡುಗೆಗಳನ್ನು ನೀಡಿರುವುದನ್ನು ಪ್ರಧಾನಿ ಉಲ್ಲೇಖಿಸಿದ್ದಾರೆ. ಅಶ್ವಿನ್ ಅವರ ಜೆರ್ಸಿ ನಂ. 99 ಅನ್ನೂ ಮಿಸ್ ಮಾಡಿಕೊಳ್ಳುತ್ತೇವೆ ಎಂದಿರುವ ಮೋದಿ, 2022ರ ಟಿ20 ವಿಶ್ವಕಪ್ನಲ್ಲಿ ಪಾಕ್ ವಿರುದ್ಧದ ಪಂದ್ಯದ ಕೊನೇ ಓವರ್ನಲ್ಲಿ ಅಶ್ವಿನ್ ಸಮಯಪ್ರಜ್ಞೆಯಿಂದ ವೈಡ್ ಎಸೆತವನ್ನು ಆಡದೆ ಬಿಟ್ಟ ಪ್ರಸಂಗವನ್ನೂ ನೆನಪಿಸಿದ್ದಾರೆ. ಮುಂದಿನ ದಿನಗಳಲ್ಲಿ ಯುವ ಆಟಗಾರರಿಗೆ ನಿಮ್ಮ ಜ್ಞಾನವನ್ನು ಹಂಚಿಕೊಳ್ಳುವ ಮೂಲಕ ನೆರವಾಗಿ ಎಂದೂ ಪ್ರಧಾನಿ ಪ್ರೇರಣೆ ತುಂಬಿದ್ದಾರೆ.
