ಬೆಂಗಳೂರು: ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧ ಬೆಂಗಳೂರು ಮತ್ತು ಚೆನ್ನೆ$ನಲ್ಲಿ ನಡೆಯಲಿರುವ ಏಕದಿನ, ಟಿ20 ಮತ್ತು ಟೆಸ್ಟ್ ಸರಣಿಗೆ ಹರ್ಮಾನ್ಪ್ರೀತ್ ಕೌರ್ ಸಾರಥ್ಯದ ಭಾರತದ ಮಹಿಳಾ ಕ್ರಿಕೆಟ್ ತಂಡವನ್ನು ಪ್ರಕಟಿಸಲಾಗಿದ್ದು, ಮೂವರು ಕನ್ನಡತಿಯರು ತಂಡದಲ್ಲಿ ಸ್ಥಾನ ಸಂಪಾದಿಸಿದ್ದಾರೆ.
ಆಲ್ರೌಂಡರ್ ಶ್ರೇಯಾಂಕಾ ಪಾಟೀಲ್ ಏಕದಿನ ಮತ್ತು ಟಿ20 ತಂಡದಲ್ಲಿದ್ದರೆ, ಅನುಭವಿ ಸ್ಪಿನ್ನರ್ ರಾಜೇಶ್ವರಿ ಗಾಯಕ್ವಾಡ್ ಮತ್ತು ಬ್ಯಾಟರ್ ಶುಭಾ ಸತೀಶ್ ಟೆಸ್ಟ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಜೆಮೀಮಾ ರೋಡ್ರಿಗಸ್ ಮತ್ತು ಪೂಜಾ ವಸ್ತ್ರಾಕರ್ಗೆ ಮೂರೂ ಮಾದರಿಯ ತಂಡದಲ್ಲಿ ಸ್ಥಾನ ಕಲ್ಪಿಸಿದ್ದರೂ, ಫಿಟ್ನೆಸ್ ಆಧಾರದಲ್ಲಿ 11ರ ಬಳಗಕ್ಕೆ ಅವರ ಆಯ್ಕೆ ನಡೆಯಲಿದೆ. ಬ್ಯಾಟರ್ ಪ್ರಿಯಾ ಪೂನಿಯಾ ಏಕದಿನ ತಂಡಕ್ಕೆ ಪುನರಾಗಮನ ಕಂಡಿದ್ದಾರೆ.
ಜೂನ್ 16, 19, 23ರಂದು ಬೆಂಗಳೂರಿನಲ್ಲಿ 3 ಏಕದಿನ ಪಂದ್ಯಗಳು ನಡೆಯಲಿವೆ. ಬಳಿಕ ಜೂನ್ 28ರಿಂದ ಜುಲೈ 1ರವರೆಗೆ ಚೆನ್ನೆ$ನಲ್ಲಿ ಏಕೈಕ ಟೆಸ್ಟ್ ನಡೆಯಲಿದೆ. ಜುಲೈ 5, 7, 9ರಂದು 3 ಟಿ20 ಪಂದ್ಯಗಳೂ ಚೆನ್ನೆ$ನಲ್ಲೇ ನಿಗದಿಯಾಗಿವೆ.
