ಕ್ರಿಕೆಟ್ಗೋಸ್ಕರ ತಮ್ಮ ಒಂದಷ್ಟು ಅಭ್ಯಾಸಗಳನ್ನು ತಡೆಗಟ್ಟುವ ಆಟಗಾರರು, ತಮ್ಮ ತನು-ಮನ ಎಲ್ಲವೂ ಕ್ರಿಕೆಟ್ ಎಂದೇ ಜೀವಿಸುತ್ತಾರೆ. ತಮ್ಮವರಿಗೆ ಸಮಯ ಕೊಡಲು ಸಾಧ್ಯವಾಗದೆ ಇದ್ದರೂ ಕ್ರಿಕೆಟ್ಗಾಗಿ ಹೆಚ್ಚು ಸಮಯ ಮೈದಾನದಲ್ಲೇ ಕಳೆಯುತ್ತಾರೆ. ತಮ್ಮ ನೆಚ್ಚಿನ ಕ್ರಿಕೆಟಿಗರನ್ನು ಹೆಚ್ಚಾಗಿ ಅನುಸರಿಸುವ ಅಭಿಮಾನಿಗಳು, ಅವರ ಉಡುಗೆ-ತೊಡುಗೆ, ಜೀವನಶೈಲಿ, ಮಾಡುವ ಕೆಲಸಗಳು, ನಡೆದುಕೊಳ್ಳುವ ರೀತಿ ಇದೆಲ್ಲವನ್ನೂ ಬಹಳ ಸೂಕ್ಷ್ಮವಾಗಿ ಗಮನಿಸುತ್ತಾರೆ. ಕೇವಲ ನೋಡಿ ಸುಮ್ಮನಾಗದ ಫ್ಯಾನ್ಸ್, ಅದನ್ನು ತಮ್ಮ ಜೀವನದಲ್ಲಿಯೂ ಅಳವಡಿಸಿಕೊಳ್ಳಲು ಮುಂದಾಗುತ್ತಾರೆ. ಆ ಮಟ್ಟಿಗೆ ಅವರ ಅಭಿಮಾನ, ಪ್ರೀತಿ ವ್ಯಕ್ತವಾಗುತ್ತದೆ. ಇದೆಲ್ಲದರ ಹೊರತಾಗಿ ಕ್ರಿಕೆಟಿಗರಿಗೂ ತಮ್ಮ ಖಾಸಗಿ ಜೀವನ ಅಂತ ಇರುತ್ತದೆ. ಅಲ್ಲಿ ಅವರು ತಮ್ಮ ಕುಟುಂಬಸ್ಥರು ಅಥವಾ ಸ್ನೇಹಿತರೊಡನೆ ಒಂದಷ್ಟು ಸಮಯ ಕಳೆಯುತ್ತಾರೆ. ಅದರಲ್ಲೂ ಇತ್ತೀಚಿನ ದಿನಗಳಲ್ಲಿ ಪಾರ್ಟಿ, ಸಮಾರಂಭ, ಸಂಭ್ರಮಗಳಲ್ಲಿ ಮದ್ಯ ಸೇವನೆ ತೀರ ಸಾಮಾನ್ಯ. ಆದ್ರೆ, ಈ ಮೂವರು ಕ್ರಿಕೆಟಿಗರು ಮಾತ್ರ ಮದ್ಯ ಸೇವನೆಯಿಂದ ಬಹಳ ದೂರ ಉಳಿದಿದ್ದು, ಆಲ್ಕೋಹಾಲ್ಗೆ ಖಡಕ್ ಗುಡಬೈ ಹೇಳಿದ್ದಾರೆ.
