ಜೂನ್​ 11ರಿಂದ ಆಸೀಸ್​-ದಕ್ಷಿಣ ಆಫ್ರಿಕಾ ನಡುವೆ ವಿಶ್ವ ಟೆಸ್ಟ್​ ಚಾಂಪಿಯನ್​ಷಿಪ್​ ಫೈನಲ್ ಖಾತ್ರಿ​

ಸಿಡ್ನಿ: ಜೂನ್​ 11ರಿಂದ ಲಂಡನ್​ನ ಲಾರ್ಡ್ಸ್​ ಮೈದಾನದಲ್ಲಿ ನಡೆಯಲಿರುವ ಐಸಿಸಿ ವಿಶ್ವ ಟೆಸ್ಟ್​ ಚಾಂಪಿಯನ್​ಷಿಪ್​ 3ನೇ ಆವೃತ್ತಿಯ ಫೈನಲ್​ನಲ್ಲಿ ಹಾಲಿ ಚಾಂಪಿಯನ್​ ಆಸ್ಟ್ರೆಲಿಯಾ ಮತ್ತು ದಣ ಆಫ್ರಿಕಾ ತಂಡಗಳ ಮುಖಾಮುಖಿ ಖಚಿತಗೊಂಡಿದೆ. ದಣ ಆಫ್ರಿಕಾ (ಶೇ.66.67) ಅಗ್ರಸ್ಥಾನದೊಂದಿಗೆ ಈಗಾಗಲೆ ಫೈನಲ್​ ಸ್ಥಾನ ಖಚಿತಪಡಿಸಿಕೊಂಡಿದ್ದರೆ, ಆಸ್ಟ್ರೆಲಿಯಾ (ಶೇ. 63.73) ಸಿಡ್ನಿ ಟೆಸ್ಟ್​ ಗೆಲುವಿನೊಂದಿಗೆ ಫೈನಲ್​ ಸ್ಥಾನ ಒಲಿಸಿಕೊಂಡಿದೆ. ಇನ್ನು ಆಸೀಸ್​-ಲಂಕಾ ಸರಣಿಯ ಫಲಿತಾಂಶ ಡಬ್ಲ್ಯುಟಿಸಿಯಲ್ಲಿ ನಗಣ್ಯವೆನಿಸಿದೆ. ಸಿಡ್ನಿ ಟೆಸ್ಟ್​ ಸೋಲಿನೊಂದಿಗೆ ಭಾರತ ತಂಡ (ಶೇ.50) ಫೈನಲ್​ ರೇಸ್​ನಿಂದ ಅಧಿಕೃತವಾಗಿ ಹೊರಬಿದ್ದಿದೆ. 2 ಬಾರಿಯ ರನ್ನರ್​ಅಪ್​ ಭಾರತ ಇದೇ ಮೊದಲ ಬಾರಿಗೆ ಡಬ್ಲ್ಯುಟಿಸಿ ಫೈನಲ್​ನಿಂದ ವಂಚಿತವಾಗಿದೆ.

ಆಸೀಸ್​ ಬಳಿ 7 ದ್ವಿಪಯ ಟ್ರೋಫಿ!

ಆಸ್ಟ್ರೆಲಿಯಾ ತಂಡವೀಗ ವಿಶ್ವ ನಂ.1 ರ್ಯಾಂಕ್​ ಟೆಸ್ಟ್​ ತಂಡ, ವಿಶ್ವ ಟೆಸ್ಟ್​ ಚಾಂಪಿಯನ್​ ಪಟ್ಟದೊಂದಿಗೆ 7 ಪ್ರಮುಖ ದ್ವಿಪಕ್ಷೀಯ ಟೆಸ್ಟ್​ ಸರಣಿಗಳಲ್ಲಿ ಹಾಲಿ ಚಾಂಪಿಯನ್​ ತಂಡವೆನಿಸಿದೆ. ಬಾರ್ಡರ್​-ಗಾವಸ್ಕರ್​ ಟ್ರೋಫಿ ಜತೆಗೆ ಆಶಸ್​ (ಇಂಗ್ಲೆಂಡ್​), ಫ್ರಾಂಕ್​ವೊರೆಲ್​ ಟ್ರೋಫಿ (ವಿಂಡೀಸ್​), ಟಾನ್ಸ್​-ಟಾಸ್ಮನ್​ ಟ್ರೋಫಿ (ನ್ಯೂಜಿಲೆಂಡ್​), ಸದರ್ನ್​ ಕ್ರಾಸ್​ ಟ್ರೋಫಿ (ಜಿಂಬಾಬ್ವೆ), ವಾರ್ನ್​&ಮುರಳೀಧರನ್​ ಟ್ರೋಫಿ (ಶ್ರೀಲಂಕಾ) ಮತ್ತು ಬೆನೌಡ್​-ಖಾದಿರ್​ ಟ್ರೋಫಿ (ಪಾಕಿಸ್ತಾನ) ಆಸೀಸ್​ ಬಳಿ ಇದೆ.

https://www.vijayavani.net/at-the-end-of-the-first-day-of-the-sydney-test-bumrah-constas-jatapati-united-india