ದಕ್ಷಿಣ ಆಫ್ರಿಕಾ ಹಾಗೂ ಆಸೀಸ್ ನಡುವಿನ ಸೆಮಿೈನಲ್ ಪಂದ್ಯದ ಆತಿಥ್ಯವಹಿಸಿದ್ದ ಕೋಲ್ಕತದ ಈಡನ್ ಗಾರ್ಡನ್ಸ್ ಪಿಚ್ನ ಔಟ್ಫೀಲ್ಡ್ಗೆ ಐಸಿಸಿ ಮ್ಯಾಚ್ ರೆಫರಿ ಮತ್ತು ಭಾರತದ ಮಾಜಿ ವೇಗಿ ಜಾವಗಲ್ ಶ್ರೀನಾಥ್ ಉತ್ತಮ ರೇಟಿಂಗ್ ನೀಡಿದ್ದಾರೆ. ಲಖನೌ, ಚೆನ್ನೈನ ಚೆಪಾಕ್ ಅಂಗಣ ಐಸಿಸಿಯಿಂದ ಸಾಧಾರಣ ರೇಟಿಂಗ್ ಪಡೆದ ಇತರ ಪಿಚ್ ಆಗಿವೆ. ಆದರೆ, ಭಾರತ ಹಾಗೂ ನ್ಯೂಜಿಲೆಂಡ್ ನಡುವಿನ ಸೆಮಿಫೈನಲ್ನಲ್ಲಿ ಬಳಸಲಾದ ವಾಂಖೆಡೆ ಸ್ಟೇಡಿಯಂ ಪಿಚ್ಗೆ ಅತ್ಯುತ್ತಮ ರೇಟಿಂಗ್ ಸಿಕ್ಕಿದೆ. ಆ ಪಂದ್ಯದ ಮುನ್ನ ಆತಿಥೇಯರು ಪಿಚ್ ಅನ್ನು ಬದಲಾಯಿಸಿದ್ದಾರೆ ಎಂದು ಆರೋಪ ಮಾಡಲಾಗಿತ್ತು. ಐಸಿಸಿಯ ನಿಯಮ ಪ್ರಕಾರ, ಪಿಚ್ಗೆ ಕ್ಯಾರಿ ಅಥವಾ ಬೌನ್ಸ್ ಅಥವಾ ಸಾಂದರ್ಭಿಕ ಸೀಮ್ ಚಲನೆಯ ಕೊರತೆಯಿದ್ದರೆ ಸರಾಸರಿ ಎಂದು ರೇಟಿಂಗ್ ನೀಡಲಾಗುತ್ತದೆ.
