ಬ್ರಿಟಿಷ್ ಮದ್ಯದ ಕಂಪನಿ ಡಿಯಾಜಿಯೋ, ಆರ್ಸಿಬಿ ಫ್ರಾಂಚೈಸಿಯ ಒಡೆತನ ಹೊಂದಿರುವ ಮಾತೃಸಂಸ್ಥೆಯಾಗಿದೆ. ಅದರ ಮೂಲ ಉದ್ಯಮ ಸ್ಪಿರಿಟ್ ಮಾರಾಟವಾಗಿದ್ದು, ಐಪಿಎಲ್ ತಂಡದ ಒಡೆಯರಾಗಿ ಮುಂದುವರಿಯಲು ಆಸಕ್ತಿ ಹೊಂದಿಲ್ಲ. ಆದರೆ, ಭಾರತದಲ್ಲಿ ಕಾರ್ಯನಿರ್ವಹಿಸುವ ಅದರ ಅಂಗಸಂಸ್ಥೆಯಾಗಿರುವ "ಡಿಯಾಜಿಯೋ ಇಂಡಿಯಾ'ಗೆ ಆರ್ಸಿಬಿ ತಂಡವನ್ನು ಮಾರಾಟ ಮಾಡಲು ಮನಸ್ಸಿಲ್ಲ. ಹೀಗಾಗಿ ಅದರ ಅಧಿಕಾರಿಗಳು ಇತ್ತೀಚೆಗೆ ಬ್ರಿಟನ್ಗೆ ತೆರಳಿ, ಆರ್ಸಿಬಿ ಫ್ರಾಂಚೈಸಿಯನ್ನು ಮಾರಾಟ ಮಾಡದಂತೆ ಮಾತೃಸಂಸ್ಥೆಯ ಅಧಿಕಾರಿಗಳ ಮನವೊಲಿಸುವ ಪ್ರಯತ್ನವನ್ನೂ ನಡೆಸಿದ್ದಾರೆ ಎನ್ನಲಾಗಿದೆ. ಹೀಗಾಗಿ ಆರ್ಸಿಬಿ ಫ್ರಾಂಚೈಸಿಯ ಮಾರಾಟ ಯೋಜನೆಯನ್ನೇ ಕೊನೇಕ್ಷಣದಲ್ಲಿ ಕೈಬಿಟ್ಟರೂ ಅಚ್ಚರಿ ಇಲ್ಲ.
