ಇತರ ಪಂದ್ಯಗಳಲ್ಲಿ ಸ್ವಿಟ್ಜರ್ಲೆಂಡ್ನ ಅಂಬ್ರೆ ಅಲಿಂಕ್ಸ್, ನೆದರ್ಲೆಂಡ್ಸ್ನ ಟೆಸ್ಸಾ ಟೆರ್ ಸ್ಲೂಯಿಸ್ ವಿರುದ್ಧ 3-1 ಅಂತರದಲ್ಲಿ ಜಯಗಳಿಸಿದರೆ, ಈಜಿಪ್ಟ್ನ ಇಬ್ರಾಹಿಂ ಎಲ್ಕಬ್ಬಾನಿ ಭಾರತದ ಸೂರಜ್ ಕುಮಾರ್ ಚಾಂದ್ ವಿರುದ್ಧ 3-1 ಅಂತರದ ಭರ್ಜರಿ ಗೆಲುವು ದಾಖಲಿಸಿದರು. ದಿನದ ಉಳಿದ ಪಂದ್ಯಗಳಲ್ಲಿ ಅಗ್ರ ಶ್ರೇಯಾಂಕದ ಆಟಗಾರರು ತಮ್ಮ ಪ್ರಾಬಲ್ಯ ಮೆರೆದರು. ಹಾಂಗ್ ಕಾಂಗ್ನ ಚಿ ಹಿಮ್ ವಾಂಗ್, ಅಯಾನ್ ವಜಿರಳ್ಳಿ ವಿರುದ್ಧ 3-0 ಅಂತರದಲ್ಲಿ ಸುಲಭವಾಗಿ ಗೆದ್ದರೆ, ಸೋಫಿಯಾ ಮಾಡೋಸ್ ಶಮೀನಾ ರಿಯಾಜ್ ವಿರುದ್ಧ ನೇರ ಗೇಮ್ಗಳ ಜಯ ಸಾಧಿಸಿದರು. ಮ್ಯಾಥ್ಯೂ ಲಾಯ್ ಮತ್ತು ಡ್ಯಾನಿಯೆಲ್ ರೇ ಇಬ್ಬರೂ ತಮ್ಮ ಪಂದ್ಯಗಳನ್ನು 3-0 ಅಂತರದಿಂದ ಗೆಲ್ಲುವ ಮೂಲಕ ಶುಭಾರಂಭ ಮಾಡಿದರು.
