ನಾಲ್ಕೇ ತಿಂಗಳಲ್ಲಿ 26 ಕೆಜಿ ತೂಕ ಇಳಿಸಿಕೊಂಡ ಸಾನಿಯಾ ಮಿರ್ಜಾ; ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟ್​ ಹಾಕಿ ಸಂತೋಷ ವ್ಯಕ್ತಪಡಿಸಿದ ಟೆನ್ನಿಸ್​ ತಾರೆ

ಮುಂಬೈ: ಟೆನ್ನಿಸ್​ ತಾರೆ ಸಾನಿಯಾ ಮಿರ್ಜಾ ಎರಡು ವರ್ಷಗಳ ಬಳಿಕ ಮತ್ತೆ ತಮ್ಮ ಫೀಲ್ಡ್​ಗೆ ಇಳಿದಿದ್ದಾರೆ.

ಅಮ್ಮನಾಗುವ ಸೂಚನೆ ಸಿಕ್ಕ ಬಳಿಕ ಆಟದಿಂದ ದೂರವುಳಿದ್ದ ಅವರು ನಂತರ ಮಗುವನ್ನು ಹೆತ್ತು, ಅದರ ಲಾಲನೆಪಾಲನೆಯೆಲ್ಲ ಸೇರಿ ಎರಡು ವರ್ಷಕ್ಕೂ ಹೆಚ್ಚು ಕಾಲ ವಿರಾಮದಲ್ಲಿದ್ದರು.

ಜನವರಿಯಲ್ಲಿ ನಡೆದ ಹೋಬಾರ್ಟ್​ ಡಬ್ಲ್ಯೂಟಿಎ ಅಂತಾರಾಷ್ಟ್ರೀಯ ಕೂಟದ ಡಬಲ್ಸ್​ನಲ್ಲಿ ಸಾನಿಯಾ ಗೆದ್ದು ಬೀಗಿದ್ದರು. ಎರಡು ವರ್ಷದ ಬ್ರೇಕ್​ ಪಡೆದು ಬಂದ ಮೊದಲ ಪಂದ್ಯದಲ್ಲಿ ನಾದಿಯಾ ಕಿಚೆನಾಕ್​ ಅವರೊಂದಿಗೆ ಜತೆಯಾಟವಾಡಿ ಗೆಲುವಿನ ನಗೆ ಬೀರಿದ್ದರು.

ಸದ್ಯ ಸಾನಿಯಾ ಮಿರ್ಜಾ ಅವರು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಫೋಟೋವೊಂದನ್ನು ಹಾಕಿದ್ದಾರೆ. ತಮ್ಮ ಹಳೇ ಫೋಟೋದೊಂದಿಗೆ ಈಗಿನ ಹೊಸ ಫೋಟೋವನ್ನು ಕೊಲ್ಯಾಜ್​ ಮಾಡಿ ಹಾಕಿದ್ದಾರೆ. ಅದರಲ್ಲಿ ವಿಶೇಷವೇನೆಂದರೆ ಸಾನಿಯಾ ಮಿರ್ಜಾ ಬರೋಬ್ಬರಿ 26 ಕೆಜಿ ತೂಕವನ್ನು ಬರೀ ನಾಲ್ಕೇ ತಿಂಗಳಲ್ಲಿ ಕಡಿಮೆ ಮಾಡಿಕೊಂಡಿದ್ದು.

80 ಕೆಜಿಯಿಂದ 63 ಕೆಜಿಗೆ ಇಳಿದಿದ್ದೇನೆ. ನಮಗೆಲ್ಲರಿಗೂ ಗುರಿಯೆಂಬುದು ಇದ್ದೇ ಇದೆ. ಕೆಲವರಿದ್ದು ಆ ದಿನದ ಗುರಿಯಾದರೆ ಮತ್ತೊಂದಷ್ಟು ಜನರದ್ದು ದೀರ್ಘಾವಧಿ ಗುರಿ. ಅದೇನೆ ಆಗಿದ್ದರೂ ಸಾಧಿಸಿದಾಗ ಖಂಡಿತ ಹೆಮ್ಮೆಯೆನಿಸುತ್ತದೆ. ಹಾಗೇ ನನಗೆ ನನ್ನ ತೂಕ ಇಳಿಸಿಕೊಳ್ಳಲು, ಮಗು ಹುಟ್ಟಿದ ಮೇಲೆ ಮತ್ತೆ ಫಿಟ್​ ಆಗಲು ನಾಲ್ಕು ತಿಂಗಳು ಬೇಕಾಯಿತು. ಇದೇ ನನ್ನ ಗುರಿಯಾಗಿತ್ತು ಎಂದು ಕ್ಯಾಪ್ಷನ್​ ಬರೆದಿದ್ದಾರೆ. (ಏಜೆನ್ಸೀಸ್​)