ಕ್ರಿಕೆಟ್​ ಜಗತ್ತಿನಲ್ಲಿ ಈ ತಂಡ ತನ್ನ ವೈಭವವನ್ನೇ ಕಳೆದುಕೊಳ್ಳುತ್ತಿದೆ! ಎಬಿಡಿ ಶಾಕಿಂಗ್​ ಹೇಳಿಕೆ

ನವದೆಹಲಿ: ಟಿ20 ವಿಶ್ವಕಪ್‌ ಆರಂಭಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಮೆಗಾ ಟೂರ್ನಮೆಂಟ್​ ಆರಂಭವಾಗಲು ಇನ್ನು ಎರಡು ದಿನಗಳು ಮಾತ್ರ ಬಾಕಿ ಇದೆ. ಟ್ರೋಫಿಯನ್ನು ಗೆಲ್ಲಲೇಬೇಕೆಂಬ ಗುರಿಯೊಂದಿಗೆ ಎಲ್ಲ ತಂಡಗಳು ತಮ್ಮದೆಯಾದ ರಣತಂತ್ರವನ್ನು ರೂಪಿಸಿ, ಅಭ್ಯಾಸದಲ್ಲಿ ತೊಡಗಿವೆ. ಇದರ ನಡುವೆ ಮಾಜಿ ಆಟಗಾರ ಹಾಗೂ ಲೆಜೆಂಡರಿ ಕ್ರಿಕೆಟಿಗ ಎಬಿ ಡಿವಿಲಿಯರ್ಸ್ ದಕ್ಷಿಣ ಆಫ್ರಿಕ ಕ್ರಿಕೆಟ್ ಮಂಡಳಿ ವಿರುದ್ಧ ಸಂಚಲನಾತ್ಮಕ ಕಾಮೆಂಟ್​ ಮಾಡಿದ್ದಾರೆ.

ದಕ್ಷಿಣ ಆಫ್ರಿಕಾ ಕ್ರಿಕೆಟ್​ ಮಂಡಳಿ ಟಿ20 ವಿಶ್ವಕಪ್‌ಗೆ 15 ಸದಸ್ಯರ ತಂಡವನ್ನು ಪ್ರಕಟಿಸಿದೆ. ತಂಡದ ಆಯ್ಕೆಯಾದಾಗಿನಿಂದಲೂ ವಿವಾದಗಳು ಹುಟ್ಟಿಕೊಂಡಿವೆ. ಈ ವಿವಾದಕ್ಕೆ ಕಾರಣವೇನೆಂದರೆ, 15 ಆಟಗಾರರಲ್ಲಿ ಓರ್ವ ಕಪ್ಪು ಆಫ್ರಿಕನ್ ಮಾತ್ರ ಆಯ್ಕೆಯಾಗಿರುವುದು. ಕಗಿಸೊ ರಬಾಡಗೆ ಮಾತ್ರ ತಂಡದಲ್ಲಿ ಸ್ಥಾನ ನೀಡಲಾಗಿದೆ. ದಕ್ಷಿಣ ಆಫ್ರಿಕಾದ ಕ್ರಿಕೆಟ್ ನೀತಿಯ ಪ್ರಕಾರ, ಆಡುವ ಪ್ರತಿ ಪಂದ್ಯದಲ್ಲೂ ಇಬ್ಬರು ಕಪ್ಪು ಆಫ್ರಿಕನ್ನರು ಇರಬೇಕು. ಆದರೆ ಈ ನಿಯಮವನ್ನು ಮಂಡಳಿ ಉಲ್ಲಂಘಿಸಿದೆ. ರಬಾಡಗೆ ಮಾತ್ರ ತಂಡದಲ್ಲಿ ಸ್ಥಾನ ನೀಡಲಾಗಿದೆ.

ಆದರೆ, ದಕ್ಷಿಣ ಆಫ್ರಿಕಾದ ಆಯ್ಕೆಗಾರರು ಮೀಸಲು ಕೋಟಾದಲ್ಲಿ ಮತ್ತೊಬ್ಬ ಕಪ್ಪು ಆಫ್ರಿಕನ್ ಲುಂಗಿ ಎನ್ಜಿಡಿಗೆ ಅವಕಾಶ ನೀಡಿಲ್ಲ. ಇದೇ ಸಂಗತಿ ಇದೀಗ ಮತ್ತೆ ವಿವಾದಕ್ಕೆ ಕಾರಣವಾಗಿದೆ. ದಕ್ಷಿಣ ಆಫ್ರಿಕಾ ಕಿಕೆಟ್​ ಮಂಡಳಿಯ ವರ್ತನೆ ವಿರುದ್ಧ ಟೀಕೆಗಳು ವ್ಯಕ್ತವಾಗುತ್ತಿವೆ. ಆದರೆ, ಮೀಸಲಾತಿ ವಿಚಾರದಲ್ಲಿ ಈ ರೀತಿಯ ಟೀಕೆಗಳು ದೇಶದ ಗೌರವ ಕಳೆಯುತ್ತದೆ ಎಂದು ಎಬಿ ಡಿವಿಲಿಯರ್ಸ್ ಸ್ವಲ್ಪ ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ.

ವಿಶ್ವಕಪ್‌ನಂತಹ ಮೆಗಾ ಟೂರ್ನಮೆಂಟ್‌ಗೂ ಮುನ್ನ ಈ ರೀತಿಯ ಟೀಕೆಗಳು ಆಟಗಾರರ ಏಕಾಗ್ರತೆಯನ್ನು ಹಾಳುಮಾಡುತ್ತವೆ. ಅಲ್ಲದೆ ಇದು ದೇಶಕ್ಕೆ ಅವಮಾನ. ದೇಶದ ಗೌರವ ಕಳೆದು ಹೋಗುತ್ತದೆ. ಇದು ಉತ್ತಮ ತಂಡ ಎಂದು ನಾನು ಭಾವಿಸುತ್ತೇನೆ. ಆದರೆ, ಲುಂಗಿ ಎನ್ಜಿಡಿ ತಂಡದಲ್ಲಿ ಇಲ್ಲದಿರುವುದು ನಾಚಿಕೆಗೇಡಿನ ಸಂಗತಿಯಾಗಿದೆ. ಅವರು ಸ್ವಲ್ಪ ಫಾರ್ಮ್ ಅನ್ನು ಕಳೆದುಕೊಂಡರು, ಗಾಯಾಳು ಆಗಿದ್ದಾರೆ. ಇಲ್ಲದಿದ್ದರೆ, ಲುಂಗಿ ಬಹುಶಃ ತಂಡದಲ್ಲಿ ಇರುತ್ತಿದ್ದರು. ಈ ರೀತಿ ಆಗಿದ್ದರೆ ಯಾವುದೇ ವಿವಾದಾತ್ಮಕ ಸಂಗತಿಗಳು ಇರುತ್ತಿರಲಿಲ್ಲ ಎಂದು ಡಿವಿಲಿಯರ್ಸ್​ ಹೇಳಿದ್ದಾರೆ.

ಈ ಸಮಯದಲ್ಲಿ ದಕ್ಷಿಣ ಆಫ್ರಿಕಾವು ಆಯ್ಕೆಗಾರರ ​​ಸಮಿತಿಯನ್ನು ಹೊಂದಿಲ್ಲ ಮತ್ತು ತಂಡವನ್ನು ಮುಖ್ಯ ತರಬೇತುದಾರರಾದ ಶುಕ್ರಿ ಕಾನ್ರಾಡ್ (ಟೆಸ್ಟ್) ಮತ್ತು ರಾಬ್ ವಾಲ್ಟರ್ (ಬಿಳಿ-ಬಾಲ್ ಕ್ರಿಕೆಟ್) ಆಯ್ಕೆ ಮಾಡಿದ್ದಾರೆ. ಕೆಲವೊಮ್ಮೆ ಈ ವಿಷಯಗಳು ಸಂಭವಿಸುತ್ತವೆ. ಇದು ಕೋಚ್ ಮತ್ತು ನಾಯಕನನ್ನು ಸ್ವಲ್ಪ ಒತ್ತಡಕ್ಕೆ ಒಳಪಡಿಸುತ್ತದೆ ಎಂದು ಡಿವಿಲಿಯರ್ಸ್ ಹೇಳಿದರು.

ಈ ಹಿಂದೆಯೂ ಇಂತಹ ವಿವಾದಗಳು ಹುಟ್ಟಿಕೊಂಡಿದ್ದವು. ವಿಶ್ವಕಪ್ ತಂಡ ಅದ್ಭುತವಾಗಿದ್ದು, ಲುಂಗಿ ಎನ್ಜಿಡಿ ವಿಚಾರದಲ್ಲಿ ಆಯ್ಕೆಗಾರರು ಚಿಂತನಶೀಲ ನಿರ್ಧಾರ ಕೈಗೊಂಡಿದ್ದಾರೆ ಎಂದು ಎಬಿಡಿ ಹೇಳಿದ್ದಾರೆ. ಪ್ರಸ್ತುತ ಲುಂಗಿ ಎನ್ಜಿಡಿಗೆ ಫಾರ್ಮ್​ನಲ್ಲಿ ಇಲ್ಲ ಎಂದು ನೆನಪಿಸಿದರು. ಕೆಲವೊಮ್ಮೆ ಸನ್ನಿವೇಶಗಳಿಗೆ ಅನುಗುಣವಾಗಿ ತಂಡದಲ್ಲಿ ಇಂತಹ ಆಯ್ಕೆಗಳನ್ನು ಮಾಡಲಾಗುತ್ತದೆ. ಟೀಮ್ ಕಾಂಬಿನೇಷನ್​ಗೆ ತಕ್ಕಂತೆ ನಿರ್ಧಾರಗಳನ್ನು ತೆಗೆದುಕೊಳ್ಳಲಾಗುವುದು ಎಂದು ಜಿಯೋ ಸಿನಿಮಾಗೆ ನೀಡಿರುವ ಸಂದರ್ಶನದಲ್ಲಿ ಡಿವಿಲಿಯರ್ಸ್ ಹೇಳಿದ್ದಾರೆ. (ಏಜೆನ್ಸೀಸ್​)

https://www.vijayavani.net/i-will-never-wear-sandals-again-in-my-life-says-by-tamil-actor-vijay-antony

https://www.vijayavani.net/air-hostess-surabhi-hid-1kg-of-gold-in-her-anus-and-received-special-training