ಇಂಗ್ಲೆಂಡ್ ಪ್ರವಾಸಕ್ಕೆ ಭಾರತ ಈ ಮುನ್ನ 18 ಆಟಗಾರರ ತಂಡವನ್ನು ಹೆಸರಿಸಿತ್ತು. ಅದರಲ್ಲಿ ಐವರು ವೇಗಿಗಳು (ಬುಮ್ರಾ, ಸಿರಾಜ್, ಪ್ರಸಿದ್ಧ ಕೃಷ್ಣ, ಆಕಾಶ್ದೀಪ್, ಅರ್ಷದೀಪ್) ಸ್ಥಾನ ಪಡೆದಿದ್ದರು. ಇದೀಗ ಹರ್ಷಿತ್ 6ನೇ ವೇಗಿಯಾಗಿ ಸ್ಥಾನ ಪಡೆದಿದ್ದಾರೆ. ಇಂಗ್ಲೆಂಡ್ನ ವೇಗ ಮತ್ತು ಸ್ವಿಂಗ್ ಬೌಲಿಂಗ್ ಸ್ನೇಹಿ ವಾತಾವರಣದಲ್ಲಿ ಹೆಚ್ಚಿನ ವೇಗಿಗಳನ್ನು ತಂಡದಲ್ಲಿ ಇಟ್ಟುಕೊಳ್ಳುವ ಭಾರತ ಟೀಮ್ ಮ್ಯಾನೇಜ್ಮೆಂಟ್ ಯೋಜನೆಯ ಅನ್ವಯ 23 ವರ್ಷದ ಹರ್ಷಿತ್ಗೆ ಸ್ಥಾನ ಕಲ್ಪಿಸಲಾಗಿದೆ. ಅಲ್ಲದೆ ಬುಮ್ರಾ ಫಿಟ್ನೆಸ್ ಕಾರಣದಿಂದಾಗಿ ಸರಣಿಯ ಎಲ್ಲ 5 ಟೆಸ್ಟ್ಗಳಲ್ಲಿ ಆಡದ ಕಾರಣ, ಹೆಚ್ಚುವರಿ ವೇಗಿಯ ಅಗತ್ಯ ಕಾಣಿಸಿದೆ. ಹೀಗಾಗಿ ಭಾರತ ಎ ತಂಡದ ಇತರ ಆಟಗಾರರೊಂದಿಗೆ ಅವರು ತವರಿಗೆ ಮರಳದೆ ಇಂಗ್ಲೆಂಡ್ನಲ್ಲೇ ಉಳಿದುಕೊಂಡಿದ್ದಾರೆ.
