ಚೆಪಾಕ್ನಲ್ಲಿ ಇದುವರೆಗೆ ನಡೆದಿರುವ 9 ಪಂದ್ಯಗಳ ಪೈಕಿ ಕೇವಲ ಎರಡು ಬಾರಿಯಷ್ಟೇ ಮೊದಲು ಬ್ಯಾಟಿಂಗ್ ಮಾಡಿದ ತಂಡಗಳು 170ರ ಗಡಿ ದಾಟಿವೆ. ಸನ್ರೈಸರ್ಸ್ ಚೆಪಾಕ್ ಅಂಗಳದಲ್ಲೇ ಸತತ 5ನೇ ಪಂದ್ಯವಾಡುತ್ತಿದೆ. ಡೇವಿಡ್ ವಾರ್ನರ್ ಹಾಗೂ ಜಾನಿ ಬೇರ್ಸ್ಟೋ ಜೋಡಿ ಆರಂಭದಲ್ಲಿ ಉತ್ತಮ ರನ್ಗಳಿಸುತ್ತಿದ್ದರೆ, ಮಧ್ಯಮ ಕ್ರಮಾಂಕದ ತಂಡದ ಪಾಲಿಗೆ ದೊಡ್ಡ ಚಿಂತೆಯಾಗಿದೆ. ಕೇನ್ ವಿಲಿಯಮ್ಸನ್ ಫಿಟ್ ಆಗಿ ತಂಡಕ್ಕೆ ವಾಪಸಾಗಿರುವುದು ಸಮಾಧಾನಕರ ವಿಷಯ. ಹ್ಯಾಟ್ರಿಕ್ ಸೋಲಿನ ಬಳಿಕ ಗೆಲುವು ಕಂಡಿರುವ ಸನ್ರೈಸರ್ಸ್ ತಂಡ ಮತ್ತೊಂದು ಜಯದ ನಿರೀಕ್ಷೆಯಲ್ಲಿದೆ. ವಾರ್ನರ್, ಬೇರ್ಸ್ಟೋ, ವಿಲಿಯಮ್ಸನ್, ರಶೀದ್ ಖಾನ್ ಮೇಲೆಯೇ ಹೆಚ್ಚು ಅವಲಂಬಿತವಾಗಿದೆ. ಮತ್ತೊಂದೆಡೆ, ಶಿಖರ್ ಧವನ್ ಹಾಗೂ ಪೃಥ್ವಿ ಷಾ ಜೋಡಿ ಭರ್ಜರಿ ಫಾರ್ಮ್ನಲ್ಲಿದೆ. ಅನುಭವಿ ಜೋಡಿ ಅಜಿಂಕ್ಯ ರಹಾನೆ, ಇಶಾಂತ್ ಶರ್ಮ ಜೋಡಿ ಅನುಪಸ್ಥಿತಿಯಲ್ಲಿ ಲಲಿತ್ ಯಾದವ್ ಹಾಗೂ ಆವೇಶ್ ಖಾನ್ ಜೋಡಿ ಗಮನಸೆಳೆಯುತ್ತಿದೆ.
