IPL 18ನೇ ಆವೃತ್ತಿಯಲ್ಲಿ ಕಳಪೆ ಪ್ರದರ್ಶನ; ಮರಳಿ ತಂಡ ಸೇರಲಿದ್ದಾರೆ 'ಚಿನ್ನ ತಲಾ'! CSKಗೆ ಆನೆ ಬಲ!? | Suresh Raina

Suresh Raina: ಐಪಿಎಲ್​ ಇತಿಹಾಸದಲ್ಲಿ ತಮ್ಮ ಹೆಸರನ್ನು ಅದ್ಭುತ ಟಿ20 ಶೈಲಿ ಬ್ಯಾಟಿಂಗ್​ನಿಂದ ಇಂದಿಗೂ ಹಸಿರಾಗಿಸಿರುವ ಮಾಜಿ ಕ್ರಿಕೆಟಿಗ ಸುರೇಶ್​ ರೈನಾ, ಚೆನ್ನೈ ಸೂಪರ್​ ಕಿಂಗ್ಸ್​ಗೆ ಹಲವಾರು ಪಂದ್ಯಗಳನ್ನು ಗೆದ್ದುಕೊಟ್ಟ ಟಿ20 ಸ್ಪೆಷಲಿಸ್ಟ್​ ಆಟಗಾರ. ಇಂದಿಗೂ ಚೆನ್ನೈ ಫ್ರಾಂಚೈಸಿ ಅಭಿಮಾನಿಗಳಲ್ಲಿ 'ಚಿನ್ನ ತಲಾ'ವಾಗಿ ಉಳಿದುಕೊಂಡಿರುವ ರೈನಾ, ಇದೀಗ ಮುಂದಿನ ಐಪಿಎಲ್​ ಸೀಸನ್​ಗೆ ಸಿಎಸ್​ಕೆ ಸೇರಿಕೊಳ್ಳಲಿದ್ದಾರೆ ಎಂಬ ಮಾತುಗಳು ಕೇಳಿಬಂದಿವೆ.

ಇದನ್ನೂ ಓದಿ: ನಿಮ್ಮ ಆಧಾರ್​ ಮತ್ತೊಬ್ಬರು ಬಳಸುತ್ತಿದ್ದಾರೆಯೇ?; ಕಂಡುಹಿಡಿಯುವುದೇಗೆ?: ಇಲ್ಲಿದೆ ಉಪಯುಕ್ತ ಮಾಹಿತಿ | Aadhaar

ಜಿಟಿ ವಿರುದ್ಧ ತನ್ನ ಕೊನೆಯ ಪಂದ್ಯವನ್ನಾಡಿದ ಸಿಎಸ್​ಕೆ, 83 ರನ್​ಗಳಿಂದ ಗುಜರಾತ್ ಟೈಟನ್ಸ್​ ಎದುರು ಗೆದ್ದು, 18ನೇ ಆವೃತ್ತಿಗೆ ಗುಡ್​ಬೈ ಹೇಳಿತು. ಈ ಪಂದ್ಯ ಮುಗಿದ ಬಳಿಕ ಸಿಎಸ್​ಕೆಗೆ ಸುರೇಶ್​ ರೈನಾ ಅವರೇ ಬ್ಯಾಟಿಂಗ್ ಕೋಚ್​ ಆಗಿ ಬರಲಿದ್ದಾರೆಯೇ? ಎಂಬ ಪ್ರಶ್ನೆಯನ್ನು ಚೆನ್ನೈ ಫ್ರಾಂಚೈಸಿಯ ಸಹಾಯಕ ಕೋಚ್​, ಶ್ರೀಧರನ್​ ಶ್ರೀರಾಮ್​ಗೆ ಕೇಳಲಾಯಿತು. ಈ ಪ್ರಶ್ನೆ ತನ್ನ ಕಡೆ ಬರುತ್ತಿದ್ದಂತೆ ಶ್ರೀಧರನ್​ ಉತ್ತರಿಸಲು ನಿರಾಕರಿಸಿದರು.

ಇನ್ನು ಮಾಜಿ ಕ್ರಿಕೆಟಿಗರಾದ ಆಕಾಶ್​ ಚೋಪ್ರಾ, ಸಂಜಯ್​ ಬಂಗಾರ್​ ಜೊತೆ ಕ್ರಿಕೆಟ್​ ಚರ್ಚೆಯಲ್ಲಿ ಭಾಗಿಯಾಗಿದ್ದ ಸುರೇಶ್ ರೈನಾ, ಸಿಎಸ್​ಕೆಯ ಮುಂದಿನ ಬ್ಯಾಟಿಂಗ್ ಕೋಚ್ ಹೆಸರು ‘S’ ಅಕ್ಷರದಿಂದ ಶುರುವಾಗಲಿದೆ ಎಂಬ ಸುಳಿವು ಬಿಟ್ಟುಕೊಟ್ಟರು. ಇದಕ್ಕೆ ಉತ್ತರಿಸಿದ ಚೋಪ್ರಾ, 'ಹಾಗಿದ್ರೆ, ನಮಗೆ ಉತ್ತರ ಸಿಕ್ಕಂತಾಯಿತು?' ಎಂದು ಹೇಳಿದರು. ರೈನಾ ಹೇಳಿಕೆ ಸದ್ಯ ಹಲವರ ಕುತೂಹಲಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: ಬೆಳ್ಳಿ ಬಟ್ಟಲಿನ ರೋಚಕ ಕಥಾನಕ, ಮೂರು ನಾಯಿಗಳ ಸಾಹಸಗಾಥೆ, ಶೌರ್ಯ ಪರಾಕ್ರಮದ ಪ್ರತೀಕ, ಹಿರೇಮಸಳಿಯಲ್ಲೊಂದು ‘ವೀರ ಪರಂಪರೆ’

2018ರಿಂದ ಸಿಎಸ್​ಕೆ ತಂಡದ ಬ್ಯಾಟಿಂಗ್ ಕೋಚ್ ಆಗಿ ಮೈಕ್​ ಹಸ್ಸಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಹೀಗಿರುವಾಗ ಅವರನ್ನು ಫ್ರಾಂಚೈಸಿ ಮುಂದಿನ ಆವೃತ್ತಿಯಿಂದ ಕೈಬಿಟ್ಟು, ರೈನಾಗೆ ಅವಕಾಶ ನೀಡಲಿದೆಯಾ ಎಂಬುದನ್ನು ತಿಳಿಯಲು ಇನ್ನೂ ಬಹಳ ಸಮಯವಿದೆ,(ಏಜೆನ್ಸೀಸ್).

https://www.vijayavani.net/monsoon-rains-hit-mumbai-delhi-kerala-red-alert