ಹಿಂದಿನ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ಎದುರು ಸರ್ವಾಂಗೀಣ ನಿರ್ವಹಣೆಯೊಂದಿಗೆ ಗೆಲುವು ಒಲಿಸಿಕೊಂಡ ಆರ್ಸಿಬಿ, ಇದುವರೆಗೆ ಆಡಿರುವ 9 ಪಂದ್ಯಗಳಲ್ಲಿ 6 ಗೆಲುವು, 3 ಸೋಲಿನ ಸಹಿತ 12 ಅಂಕದೊಂದಿಗೆ ಮೂರನೇ ಸ್ಥಾನದಲ್ಲಿದೆ. ಆರಂಭಿಕ ಪಂದ್ಯಗಳ ಗೆಲುವಿನ ಬಳಿಕ ಕಳೆದ ನಾಲ್ಕು ಪಂದ್ಯಗಳಲ್ಲಿ ತಲಾ 2 ಸೋಲು-ಗೆಲುವು ಕಂಡಿರುವ ಡೆಲ್ಲಿ ಕ್ಯಾಪಿಟಲ್ಸ್ ಸಹ 12 ಅಂಕ ಹೊಂದಿದ್ದು, ರನ್ರೇಟ್ ಆಧಾರದಲ್ಲಿ ಎರಡನೇ ಸ್ಥಾನದಲ್ಲಿದೆ. ಈ ಮುಖಾಮುಖಿಯ ವಿಜೇತರು ಅಗ್ರಸ್ಥಾನಕ್ಕೇರುವ ಜತೆಗೆ ಪ್ಲೇಆ್ಗೂ ಸನಿಹವಾಗಲಿದ್ದಾರೆ. ಗೆಲುವಿನ ಕಾಂಬಿನೇಷನ್ ಕಂಡುಕೊಂಡಿರುವ ಆರ್ಸಿಬಿ ಈ ಬಾರಿ ತವರಿನಾಚೆ ಉತ್ತಮ ದಾಖಲೆ ಹೊಂದಿದೆ. ಇನ್ನು ಡೆಲ್ಲಿ ತಂಡ ಸೂಕ್ತ ಆರಂಭಿಕ ಜೋಡಿಯ ಹುಡುಕಾಟದಲ್ಲಿದೆ. ಉಪನಾಯಕ ್ಾ ಡು ಪ್ಲಸಿಸ್ ಫಿಟ್ ಆಗಿ ಮರಳಿದರೆ, ಹನ್ನೊಂದರ ಬಳಗದಲ್ಲಿ ಬದಲಾವಣೆಯ ಇಕ್ಕಟ್ಟಿಗೆ ಸಿಲುಕಲಿದೆ. ಮೆಗಾ ಹರಾಜಿನಲ್ಲಿ ₹10.75 ಕೋಟಿ ನೀಡಿ ಖರೀದಿಸಿದ್ದ ಟಿ. ನಟರಾಜನ್ಗೆ ಇನ್ನೂ ಅವಕಾಶ ನೀಡದಿರುವುದು ಅಚ್ಚರಿ ಮೂಡಿಸಿದೆ.
