ಹೈದರಾಬಾದ್ನ ಉಪ್ಪಾಳ ಸ್ಟೇಡಿಯಂ ಬ್ಯಾಟರ್ಗಳಿಗೆ ಹೆಚ್ಚಿನ ನೆರವು ಒದಗಿಸುವುದರಿಂದ ಸನ್ರೈಸರ್ಸ್ ತವರಿನ ಲಾಭ ಪಡೆಯುವ ಸಾಧ್ಯತೆಗಳಿದ್ದು, ರನ್ಮಳೆ ನಿರೀಕ್ಷೆ ಇದೆ. ಅಭಿಷೇಕ್ ಶರ್ಮ ಆಡಿರುವ ನಾಲ್ಕು ಪಂದ್ಯಗಳಲ್ಲಿ ಕ್ರಮವಾಗಿ 24, 6,1, 2 ರನ್ಗಳಿಸಿದ್ದಾರೆ. ಇಶಾನ್ ಕಿಶನ್ ಶತಕದ ಬಳಿಕ ಮೂರು ಇನಿಂಗ್ಸ್ಗಳಲ್ಲಿ ಒಂದಂಕಿ ಮೊತ್ತಕ್ಕೆ ಔಟಾಗಿದ್ದಾರೆ. ಟ್ರಾವಿಸ್ ಹೆಡ್ ಹಾಗೂ ಹೆನ್ರಿಕ್ ಕ್ಲಾಸೆನ್ ,ನಿತೀಶ್ ಕುಮಾರ್ ರೆಡ್ಡಿ ಆರ್ಭಟಿಸಿದರೆ ಗುಜರಾತ್ ಬೌಲರ್ಗಳಿಗೆ ನೈಜ ಪರೀಕ್ಷೆ ಎದುರಾಗಲಿದೆ. ಬೌಲಿಂಗ್ನಲ್ಲಿ ಯುವ ಲೆಗ್ ಸ್ಪಿನ್ನರ್ ಜಿಶಾನ್ ಅನ್ಸಾರಿ (4 ವಿಕೆಟ್) ಗಮನ ಸೆಳೆದಿದ್ದು, ನಾಯಕ ಪ್ಯಾಟ್ ಕಮ್ಮಿನ್ಸ್ ಓವರ್ಗೆ 12.30ರ ಸರಾಸರಿಯೊಂದಿಗೆ ದುಬಾರಿ ಎನಿಸಿದ್ದಾರೆ. ಆಡಂ ಜಂಪಾ, ಅನುಭವಿ ವೇಗಿ ಮೊಹಮದ್ ಶಮಿ ನಿರಾಸೆ ಮೂಡಿಸಿದ್ದಾರೆ.
