ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ 10 ವಿಕೆಟ್ಗಳ ಸೋಲಿನ ಬಳಿಕ ಸಾರ್ವಜನಿಕವಾಗಿ ಮುಜುಗರ ಅನುಭವಿಸಿರುವ ರಾಹುಲ್ಗೆ ಉಳಿದ 2 ಲೀಗ್ ಪಂದ್ಯಗಳು ಪ್ರತಿಷ್ಠೆ ಎನಿಸಿದೆ. ಲಖನೌ ಸೂಪರ್ ಜೈಂಟ್ಸ್ ,ಆಡಿರುವ 12 ಪಂದ್ಯಗಳಲ್ಲಿ 6 ಜಯ, 6 ಸೋಲಿನೊಂದಿಗೆ 12 ಅಂಕ ಕಲೆಹಾಕಿದೆ. ಇನ್ನು ಕ್ಷೀಣ ಆಸೆ ಹೊಂದಿರುವ ಡೆಲ್ಲಿ ಕ್ಯಾಪಿಟಲ್ಸ್ ತನ್ನ ಕೊನೇ ಲೀಗ್ ಪಂದ್ಯದಲ್ಲಿ ಗೆಲುವು ಎದುರು ನೋಡುತ್ತಿದೆ. ಆಡಿರುವ 13 ಪಂದ್ಯಗಳಲ್ಲಿ 6 ಗೆಲುವು, 7 ಸೋಲಿನೊಂದಿಗೆ 12 ಅಂಕ ಹೊಂದಿದೆ. ಆದರೆ ಕಳಪೆ ರನ್ರೇಟ್ ಹೊಂದಿರುವುದು ಪ್ಲೇಆ್ ಆಸೆಗೆ ಹಿನ್ನಡೆ ತಂದಿದೆ. ಆರ್ಸಿಬಿ ವಿರುದ್ಧ 47 ರನ್ಗಳ ಸೋಲು ಕಂಡಿರುವ ಡೆಲ್ಲಿ ಕ್ಯಾಪಿಟಲ್ಸ್ಗೆ ಕಾಯಂ ನಾಯಕ ರಿಷಭ್ ಪಂತ್ ಆಗಮನ ಬಲ ತುಂಬುವ ನಿರೀಕ್ಷೆ ಇದೆ. ನಿಧಾನಗತಿಯ ಓವರ್ರೇಟ್ಗಾಗಿ ಪಂತ್ ಒಂದು ಪಂದ್ಯದ ನಿಷೇಧಕ್ಕೆ ಗುರಿಯಾಗಿದ್ದರು.
