ಇಂಗ್ಲೆಂಡ್ ಹಾಗೂ ವೆಸ್ಟ್ ಇಂಡೀಸ್ ತಂಡಗಳ ನಡುವಿನ ಮೊದಲ ಟೆಸ್ಟ್ ಪಂದ್ಯ ಸೌಥಾಂಪ್ಟನ್ನಲ್ಲಿ ಜುಲೈ 8 ರಿಂದ ನಡೆಯಲಿದೆ. ನಾಯಕ ರೂಟ್ ಸೇವೆಯನ್ನು ತಂಡ ಕಳೆದುಕೊಳ್ಳಲಿದೆ. ರೂಟ್ ಪತ್ನಿ ಕ್ಯಾರೀ, ಇದೇ ವಾರ 2ನೇ ಮಗುವಿಗೆ ಜನ್ಮ ನೀಡಲಿದ್ದಾರೆ. ‘ಆಲ್ರೌಂಡರ್ ಬೆನ್ ಸ್ಟೋಕ್ಸ್, ರೂಟ್ ಸ್ಥಾನ ತುಂಬಲಿದ್ದಾರೆ. ಈಗಾಗಲೇ ಉಪ-ನಾಯಕನಾಗಿರುವ ಸ್ಟೋಕ್ಸ್, ಮೊದಲ ಬಾರಿಗೆ ನಾಯಕತ್ವ ಜವಾಬ್ದಾರಿ ನಿಭಾಯಿಸಲಿದ್ದಾರೆ’ ಎಂದು ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ (ಇಸಿಬಿ) ತಿಳಿಸಿದೆ. ಆಸ್ಪತ್ರೆಯಿಂದ ಧಾವಿಸಿದ ಬಳಿಕ ರೂಟ್, ಮನೆಯಲ್ಲೇ ಕುಟುಂಬ ಸದಸ್ಯರೊಂದಿಗೆ ಕ್ವಾರಂಟೈನ್ಗೆ ಒಳಗಾಗಲಿದ್ದಾರೆ. ಜುಲೈ 13ರ ವೇಳೆಗೆ ತಂಡ ಕೂಡಿಕೊಳ್ಳಲಿದ್ದಾರೆ. ಜುಲೈ 16 ರಿಂದ 2ನೇ ಟೆಸ್ಟ್ ಆರಂಭವಾಗಲಿದೆ.
