ಬೆಂಗಳೂರು: ಭಾರತೀಯ ಬ್ಯಾಡ್ಮಿಂಟನ್ನ ಡಬಲ್ಸ್ ಸ್ಪರ್ಧೆಗಳಲ್ಲಿ ತಮ್ಮದೇ ಛಾಪು ಮೂಡಿಸಿರುವವರು ಕೊಡಗಿನ ಅಶ್ವಿನಿ ಪೊನ್ನಪ್ಪ. ಚಿಕ್ಕ ವಯಸ್ಸಿನಿಂದಲೇ ಬ್ಯಾಡ್ಮಿಂಟನ್ನಲ್ಲಿ ಗುರುತಿಸಿಕೊಂಡ ಅಶ್ವಿನಿ ಕಳೆದ 18 ವರ್ಷಗಳಿಂದಲೂ ವಿವಿಧ ವಯೋಮಿತಿಯಿಂದ ಹಿಡಿದು ಸೀನಿಯರ್ ಮಟ್ಟದವರೆಗೆ ಭಾರತವನ್ನು ಪ್ರತಿನಿಧಿಸಿದ್ದಾರೆ. ಕೊಡಗಿ ನಲ್ಲಿ ಹುಟ್ಟಿ ಬೆಂಗಳೂರಿನಲ್ಲಿ ಬೆಳೆದು, ವೃತ್ತಿಜೀವನಕ್ಕಾಗಿ ಹೈದರಾಬಾದ್ನಲ್ಲಿ ನೆಲೆಸಿರುವ 30 ವರ್ಷದ ಅಶ್ವಿನಿ ಪೊನ್ನಪ್ಪ, ಲಾಕ್ಡೌನ್ ನಡುವೆ ಒಲಿಂಪಿಕ್ಸ್ ಕನಸಿನ ಆಸೆಯನ್ನು ಕೈಬಿಟ್ಟಿಲ್ಲ. 2012ರ ಲಂಡನ್, 2016ರ ರಿಯೋ ಒಲಿಂಪಿಕ್ಸ್ ನಲ್ಲಿ ಭಾರತ ತಂಡದ ಭಾಗವಾಗಿದ್ದ ಸ್ಟಾರ್ ಆಟಗಾರ್ತಿ 3ನೇ ಒಲಿಂಪಿಕ್ಸ್ಗೆ ಸಿದ್ಧತೆಯಲ್ಲಿದ್ದಾರೆ. ಲಾಕ್ಡೌನ್ ನಡುವೆ ತಮ್ಮ ಸಿದ್ಧತೆ ಹಾಗೂ ಕನಸಿನ ಕುರಿತು ಮಂಗಳವಾರ ‘ವಿಜಯವಾಣಿ’ಯೊಂದಿಗೆ ಮನದಾಳ ಹಂಚಿಕೊಂಡರು.
