ವಿಜಯವಾಣಿ ಸುದ್ದಿಜಾಲ ಮಂಗಳೂರು
ಇಲ್ಲಿನ ತಣ್ಣೀರುಬಾವಿ ಕಡಲತೀರದಲ್ಲಿ ನಡೆದ ಮಂಗಳೂರಿನ ಮೊದಲ ರಾಜ್ಯ ಮಟ್ಟದ ಓಪನ್ ಸರ್ಫ್ ಚಾಂಪಿಯನ್ಶಿಪ್ನಲ್ಲಿ ಉತ್ತಮ ಸ್ಪಂದನೆ ವ್ಯಕ್ತವಾಗಿದ್ದು 7 ಸರ್ಫ್ ಶಾಲೆಗಳಿಂದ 70ಕ್ಕೂ ಅಧಿಕ ಸರ್ಫರ್ಗಳು ಪಾಲ್ಗೊಂಡರು.
ಮಂಗಳೂರಿನ ತಣ್ಣೀರುಬಾವಿಯ ಕಡಲತೀರ ಸರ್ಫಿಂಗ್ಗೆ ಸೂಕ್ತವಾಗಿದ್ದು, ಅದನ್ನು ಜಾಗತಿಕ ಸರ್ಫಿಂಗ್ ನಕ್ಷೆಯಲ್ಲಿ ಗುರುತಿಸುವಂತೆ ಮಾಡುವುದು ಹಾಗೂ ಮಂಗಳೂರಿಗರಲ್ಲಿ ಸರ್ಫಿಂಗ್ ಕುರಿತು ಪ್ರೀತಿ, ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಈ ಚಾಂಪಿಯನ್ಶಿಪ್ ಆಯೋಜಿಸಲಾಗಿತ್ತು.
ಚಾಂಪಿಯನ್ಶಿಪ್ ಉದ್ಘಾಟನೆಯಲ್ಲಿ ಮಂಗಳೂರು ಮೇಯರ್ ಪ್ರೇಮಾನಂದ ಶೆಟ್ಟಿ., ಕಾರ್ಪೊರೇಟರ್ ಸುನಿತಾ ಸಾಲ್ಯಾನ್, ಕೋಸ್ಟ್ಗಾರ್ಡ್ ಕಮಾಂಡೆಂಟ್ ಡಿಐಜಿ ವೆಂಕಟೇಶ್, ನವಮಂಗಳೂರು ಬಂದರು ಮಂಡಳಿಯ ಉಪಾಧ್ಯಕ್ಷ ಕೆ.ಜಿ.ನಾಥ್, ಯೋಜಕ ಸಂಸ್ಥೆಯ ಎಂಡಿ ಜಗದೀಶ್ ಬೋಳೂರು, ನೆಹರೂ ಯುವ ಕೇಂದ್ರದ ಜಿಲ್ಲಾ ಸಂಯೋಜಕ ರಘುವೀರ್ ಸೂಟರ್ಪೇಟೆ ಮುಂತಾದವರು ಪಾಲ್ಗೊಂಡರು. ವಿವಿಧ ವಿಭಾಗಗಳಲ್ಲಿ ಸ್ಪರ್ಧೆ ನಡೆಯಿತು.
20ರ ಮೇಲ್ಪಟ್ಟ ಪುರುಷರ ವಿಭಾಗ: ಶ್ರೀಕೃಷ್ಣ ವಸಂತ್(ಪ್ರಥಮ), ಕಲ್ಯಾಣ್ ರಾಯಿತಿ(ದ್ವಿತೀಯ), 20ರ ಮೇಲ್ಪಟ್ಟ ಮಹಿಳೆಯರ ವಿಭಾಗ: ಅಪೂರ್ವ ಬೈಕಾಡಿ(ಪ್ರಥಮ), ಶ್ರೇಯಾ ಮೆಹ್ತ(ದ್ವಿತೀಯ). 16ರಿಂದ 19ರ ಪುರುಷರ ವಿಭಾಗ: ಪ್ರವೀಣ್(ಪ್ರಥಮ), ದಯಾನಂದ(ದ್ವಿತೀಯ), 16-19ರ ಮಹಿಳೆಯರ ವಿಭಾಗ: ಸಿಂಚನ ಗೌಡ(ಪ್ರಥಮ), ಅಖಿಲ ಯು(ದ್ವಿತೀಯ). ಚಾಂಪಿಯನ್ಶಿಪ್ನಲ್ಲಿ 7 ವರ್ಷದ ತನಿಶಾ ಭಟ್ ಭಾಗಿಯಾಗುವ ಮೂಲಕ ಅಚ್ಚರಿಮೂಡಿಸಿದರು. 12ರ ಕೆಳಗಿನ ವಿಭಾಗದಲ್ಲಿ ತನಿಶಾ ದ್ವಿತೀಯ ಸ್ಥಾನಿಯಾದರು. ಮಂಗಳೂರು ಸರ್ಫ್ ಕ್ಲಬ್ನ ಅಧ್ಯಕ್ಷ ಮಿಥುನ್ ಭಟ್ ಕಾಕುಂಜೆ ಕಾರ್ಯಕ್ರಮ ನಿರ್ವಹಿಸಿದರು.
