ಶ್ರೀನಿವಾಸ್ ಪ್ರಭು ಕಳೆದ ಜೂನ್ನಲ್ಲಿ ಚೆನ್ನೈನಲ್ಲಿ ಸ್ಪ್ರಿಂಟ್ ಟ್ರಯಾಥ್ಲಾನ್ನಲ್ಲಿ ಸ್ಪರ್ಧೆ ಮುಗಿಸಿದ್ದರು. ಇದೀಗ ಅದಕ್ಕಿಂತಲೂ ಒಂದು ಹಂತ ಕಠಿಣವಾದ ವಿಭಾಗದಲ್ಲಿ ಈ ಸಾಧನೆ ಮಾಡಿದ್ದಾರೆ. ವಿಶ್ವದ ಅತ್ಯಂತ ಕಠಿಣ ಕ್ರೀಡೆಗಳಲ್ಲಿ ಒಂದಾದ ಟ್ರಯಾಥ್ಲಾನ್ನ ಒಲಿಂಪಿಕ್ ಟ್ರಯಾಥ್ಲಾನ್ ವಿಭಾಗವು ಸ್ಪ್ರಿಂಟ್ ಟ್ರಯಾಥ್ಲಾನ್ಗಿಂತ ದುಪ್ಪಟ್ಟು ಈಜು, ಸೈಕ್ಲಿಂಗ್ ಮತ್ತು ಓಟವನ್ನು ಒಳಗೊಂಡಿದೆ. ಅಂದರೆ 1.5 ಕಿಲೋಮೀಟರ್ ಈಜು, 40 ಕಿಲೋಮೀಟರ್ ಸೈಕ್ಲಿಂಗ್ ಮತ್ತು 10 ಕಿಲೋಮೀಟರ್ ಓಟವನ್ನು ಒಳಗೊಂಡಿದೆ. ಇದು ದೈಹಿಕ ಕ್ಷಮತೆಗೆ ಅತ್ಯಂತ ಸವಾಲುದಾಯಕವಾಗಿರುತ್ತದೆ. 3 ಗಂಟೆ 55.15 ನಿಮಿಷಗಳಲ್ಲಿ ಸ್ಪರ್ಧೆ ಮುಗಿಸುವ ಮೂಲಕ ಒಟ್ಟಾರೆ 48ನೇ ಸ್ಥಾನ ಗಳಿಸಿದ ಅವರು, 45.05 ನಿಮಿಷಗಳಲ್ಲಿ ಈಜಿದರೆ, 1 ಗಂಟೆ 34.07 ನಿಮಿಷಗಳಲ್ಲಿ ಸೈಕ್ಲಿಂಗ್ ಮುಗಿಸಿದರು. ಅಂತಿಮವಾಗಿ 1 ಗಂಟೆ 27.49 ನಿಮಿಷಗಳಲ್ಲಿ ಓಟವನ್ನು ಪೂರ್ಣಗೊಳಿಸಿದರು.
