ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸಲು ಸಜ್ಜಾಗುತ್ತಿದ್ದ ದೀಪಿಕಾ ಮತ್ತು ಅತನು, ಪ್ರತಿಷ್ಠಿತ ಕ್ರೀಡಾಕೂಟದ ಮುಂದೂಡಿಕೆಯಿಂದಾಗಿ ಕರೊನಾ ಹಾವಳಿಯ ನಡುವೆಯೂ ಮಂಗಳವಾರ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಮುಂದಿನ ವರ್ಷ ಟೋಕಿಯೊದಲ್ಲಿ ಇಬ್ಬರೂ ಸ್ಪರ್ಧೆಗಿಳಿದರೆ, ಒಂದೇ ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸಿದ ಭಾರತದ 2ನೇ ದಂಪತಿ ಎನಿಸಲಿದ್ದಾರೆ. ಟೆನಿಸ್ ದಿಗ್ಗಜ ಲಿಯಾಂಡರ್ ಪೇಸ್ ಅವರ ತಂದೆ ವೇಸ್ ಪೇಸ್ ಮತ್ತು ತಾಯಿ ಜೆನ್ನಿಫರ್ ಈ ಸಾಧನೆ ಮಾಡಿದ ಮೊದಲ ದಂಪತಿಯಾಗಿದ್ದಾರೆ. ಅವರಿಬ್ಬರು 1972ರ ಮ್ಯೂನಿಚ್ ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸಿದ್ದರು. ಆಗ ವೇಸ್ ಪೇಸ್ ಭಾರತ ಹಾಕಿ ತಂಡದ ಆಟಗಾರರಾಗಿದ್ದರೆ, ಜೆನ್ನಿಫರ್ ಬಾಸ್ಕೆಟ್ಬಾಲ್ ತಂಡದ ಆಟಗಾರ್ತಿಯಾಗಿದ್ದರು.
